العودة   منتدى النرجس > المنتديات الأدبية > خواطر وهمسات من القلب الى القلب > منتدى صدى الروح مدونات خاصة بالاعضاء,بوح بلا انتهاء



إضافة رد
 
LinkBack أدوات الموضوع
قديم November 26, 2012, 12:01 PM   رقم المشاركة : 4
معلومات العضو
وليدالحمداني
إدارة الموقع
 







وليدالحمداني متواجد حالياً








كون يمك ، كون يمك ..
ألف هنيا له القعد هالليلة يمك
آنا احبك
وآنا احب كل حرف باسمك
وآنا حسي جرن سوا دمي ويا دمك
كون يمك ، واكون يمك ..
كون احضنك ..
كون ابوسك ..
كون اشمك ..
كون احط راسي اعلى صدرك ..
كون اضمك ..
الله لا ينطيه كل من راد يحرمني ويحرمك


آنا اللي تمنيت ابوسك ..
وآنا اللي تمنيت اشمك ..
وآنا اللي تمنيت احط راسي اعلى صدرك
بلكي خدي يزيح همك ..
ناري ما تطفى ولا نارك طفت
وعيني قبلك تبجي اذا عينك بجت ..
اليمتى يا حبيب تظل من ايدي تطشر وألمك ..
كون يمك ، وأكون يمك ..


اليوم قلبي لبابكم بالليل اخذني ..
واسمع اهلك كلها ملتمين يمك
انت يطارف لساني ..
ولا أقدر اصيحك
واهلك براحتهم يصيحون باسمك
والله لو تعرف بحالي
قلبك اعلى الباب يركض قبل جدمك
أذكر ايام اسألتني
من يحب محبوبه اكثر
ومن اقلك آنا اكثر ..
تنقهر ويفور دمك


اذكر أيام اعلى بابي
جيتني محمل هموم ..
ومن شفتني تبسمت ..
وانزاح همك
وهسة جيتك
هسة جيتك من دموعي ذخيل يمك
اليوم روحي تعاندت وياي
وتريدك حبيبي ..
بيا طريق اوصل الك
وشلون افهمك ..
بيا طريق اوصل الك
وشلون افهمك .. ؟!







   رد مع اقتباس

قديم November 26, 2012, 12:11 PM   رقم المشاركة : 5
معلومات العضو
وليدالحمداني
إدارة الموقع
 







وليدالحمداني متواجد حالياً







دكتور بيا الم
لا هو عشق لا هوا
ماتنعرف حالتي صعبه
ونيراني ماتنطفي والقلب فيه انكوى
ويادوا توصفه للي يحترق يا دوا
وقلبي رواه الحزن وغير الحزن ماروى
وصبلي كل الدوا ماطيب لو شربه
ظلمه اصبحت حياتي مابيها ومضة ضوى
حال الضرير اللي ضايع عليه دربه
ياحال خيط الشمع حالي وحاله سوى
مدفون هوى عدل مايعرف بذنبه
ياللتعرف لكل مرض ممكن تلاقي الدوا
اوصفلي وين الدوا وينه اللي يعالج الغربة








   رد مع اقتباس

قديم November 26, 2012, 12:40 PM   رقم المشاركة : 6
معلومات العضو
وليدالحمداني
إدارة الموقع
 







وليدالحمداني متواجد حالياً

(ساعة وتغيب الشمس )


ساعة ويجيني الليل
وينراد حيل ودمع
ومنين اجيب الحيل
روحي حمامة صُفت
وب بيت اهلي تدور
اشتاقيت لامي انا
ولخبزة التنور
بديرة هلي بالطعم يختلف حتى المي
وحتى الهوى يم هلي يختلف والله هواي
كل ليلة تسوى العمر
لو قعدوا اهلي وياي
ومن ايد امي الصبح
محلا استقاني الشاي
يامنطقتنه حلم ارجع لاصحابي
كل ساعة صاحب يجي
ويدق عليي بابي
محتاج محبوبتي
الحلوة ام جفن غافي
واتمنى هسى تجي
وتغفى على كتافي
مشتاق للمدرسة
للجرس والساحة
اطفال نركض ركض
بس نشعر براحة
اش مادار بي الزمن
ابقى ل هلي ميال
ومنين اجيب قلب
يتحمل الترحال






   رد مع اقتباس

إضافة رد

مواقع النشر (المفضلة)


جديد مواضيع قسم منتدى صدى الروح مدونات خاصة بالاعضاء,بوح بلا انتهاء
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:54 AM.


Powered by vBulletin® Version 3.8.8, Copyright ©2000 - 2018, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير