العودة   منتدى النرجس > منتديات المطبخ والمأكولات الشرقية والغربية > منتدى المقبلات والسلطات والمعجنات والمشروبات



إضافة رد
 
LinkBack أدوات الموضوع
قديم 06-02-2018, 01:40 AM   رقم المشاركة : 1
معلومات العضو
karamilla
مشرفة منتديات المطبخ والمأكولات الشرقية والغربية
 






karamilla غير متواجد حالياً

 

A9 طريقة كبسة المكرونة بالدجاج بالصور

طريقة كبسة المكرونة بالدجاج بالصور


kabsa macaroni recipe chicken


عندنا في الخليج من النادر اننا نعمل مكرونة بالصلصة فقط زي النظام المصري. دايما بتتعمل باضافات كتيرة ولازم يكون فيها نوع لحوم (لحمة او الدجاج او حتى تونة) بالاضافة إلى انواع خضار (بطاطس.جزر.بسلة.ذرة.فاصوليا...الخ) فبتكون أقرب لوجبة متكاملة لوحدها ومش ناقصها إلى طبقة سلطة خضراء وعصير نبلع بيه. وأشهر نوع عندنا هو مكرونة الدجاج وطريقتها زي الكبسة بالظبط من حيث النكهة بسبب استخدام بهارات الكبسة. وطعمها خيال ولذيذة. جربوها وحتعجبكم اكيد. بإسم الله نبدأ عمل كبسة المكرونة بالدجاج

هنا شكل المكونات كلها لعمل كبسة المكرونة بالدجاج وشكلها كتير لكن بسيطة ومتوفرة في كل بيت.



المقادير بالتفصيل

عدد 2صدور دجاج (وممكن نستبدلها بلحمة مفرومة أو تونة). بصلة كبيرة. 4فصوص ثوم مهروس. قطعة زنجبيل مبشور. بهارات الكبسة الصحيحة(عود قرفة. ورقتين لوري. 5حبهان. 5قرنفل)



نص كيلو مكرونة أي شكل تحبيه. 4طماطم معصور. 3معلقة طعام صلصة. بقدونس . بهارات الكبسة المشكلة



دي البهارات الي استخدمتها



خضار حسب المتوفر عندك. هنا استخدمت بطاطس وجزر وفاصوليا وبسلة



وطبعاً زيت وملح. وقرنين شطة



في البداية حنسلق الخضار نص سواء علشان حتكمل سواها في الصوص. ونسلق الدجاج مع بصلة وعود قرفة علشان الزفرة.



في حلة على النار نحط شوية زيت ونحط البهارات الصحيحة ونقلب لحد ما ريحتها تطلع.



حنضيف البصل ونسيبه يذبل شوية. ونضيف الثوم والزنجبيل و البهارات المطحونة كلها ونقلب لمدة دقيقة وكمان الشطة



نقلب لحد ما يندمجو مع بعض وريحتهم تطلع



نضيف الخضار والفاكهة قصدي والدجاج. ونديهم تشويحة بسيطة لحد ما خليط البصل والبهارات يغلف كل الدجاج والخضار



ده شكلهم بعد حوالي 10دقايق



نضيف عصير الطماطم والصلصة ونسيبها تغلي. وكمان كوب ماء



وممكن نزود صلصة طماطم حسب ما نحب كثافة ولون الصلصة



ونغطيها ونسيبها لمدة 20دقيقة تقريباً. وهنا شكلها لما يظهر الزيت على الوش شوية كدة تبقى اتسبكت وجاهزة ولازم يكون فيها شوية سائل ما تبقاش ناشفة



وده شكل الخضار والدجاج استوى لكن لسه قطع انا بحبها كدة واضحة . لكن ممكن تقعطيهم بشكل اصغر من كدة.



نضيف المكرونة المسلوقة 3/4 سلقة ونسيبها تاخد من نكهة الصوص على نار هادية.



الشكل النهائي لكبسة المكرونة بالدجاج لذيذة وفعلا ما يتشبعش من نكهتها . جربوها










وصباحكم حب وسعادة وفرح
مع محبتي
لطيفة مسعود






   رد مع اقتباس

إضافة رد

مواقع النشر (المفضلة)


جديد مواضيع قسم منتدى المقبلات والسلطات والمعجنات والمشروبات
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:47 PM.


Powered by vBulletin® Version 3.8.8, Copyright ©2000 - 2018, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير