العودة   منتدى النرجس > منتديات المطبخ والمأكولات الشرقية والغربية > منتدى أشهر الأكلات العربية والعالمية



موضوع مغلق
 
LinkBack أدوات الموضوع
قديم 27-04-2006, 02:59 PM   رقم المشاركة : 1
معلومات العضو






ريومه غير متواجد حالياً

 

البلا ليط



اليوم يايبه لكم طبخه البلاليط اكييد فيه الكثير منكم ما يعرفونها بس الحين راح تعرفونها عدل

المقادير :
كيسين بلا ليط ( الشعيرية ) بصل مفروم
فنجانين سكر
اربع بيضات لعمل قرص بيض جامد
نص فنجان ماء ورد
ملعقت طعام زعفران
ملعقتي هال
مكسرات اختياري لوز وفستق
او جبنة كيري اربع حبات مقطعه اربع قطع
كوب زيت ذره
الطريقة :
نضع قدر به لترين الى ثلاث لتر ماء ليغلي ننفش البلاليط اللي هو الشعيريه نحظر قدراخر نضع الزيت ثم نضع البلاليط نقلب حتى يكون بعضه بني فاتح وليس الكل
بني يعني يكون عندنا لونين نسكب عليه الماء المغلي ودقيقتين ثم نصفيه
في المشخله نسكب عليه ماء الورد ننثر عليه الهال والزعفران والسكر ونقلب


نضع في القدر القليل من الزيت ثم نحمس فيه البصل نذر البصل القليل من الملح والهال نقلي قرص البيض المخفوق في تاوه بقليل من الملح

نسكب البصل فوق الشعيريه نقلب ونعيده للقدر نضع قرص البيض في وجه القدر
نقلب الفستق واللوز في زيت قليلا وينثر في المرحله الاخيره
او اذا اخترنا الكيري نقطعه ويوضع في المرحلة الاخيره

وعند التقديم ممكن يكون قرص البيض بكبره على صحن البلاليط او مقطع شرائح

وفي البلاليط العادي وفي بلاليط العيش يعني بلاليط الرز ابيض بعد لذيذ
وممكن من غير بصل

ملاحظة من ردود النت:

البصل اختياري وممكن البيض ينحط على البصل بعد ذبوله
ويحرك يكون متفتت والشعيريه في المشخله ذارين عليها الهال والزعفران والسكر وقبلهم نص فنجان ما ورد وليجهز البيض والبصل نحطه فوق البلاليط
في المشخله ونداخله بحركه خفيفه ونرجعه للقدر هنيه في الوجه نحط كيري او مكسرات عشان تاخذ النكهه

وقرص البيض اما معبوج مع البصل او قرص مخفوق ينحط فوق البلاليط عند التقديم في الحراره او الطبق شرائح او قرص ما يفرق حسب اختيارج والمكسرات تخلينها تسكر وياه في الجدر
بعد تقليبها لدقيقتين في الزيت او اقل اوالكيري مباشرة
تقطعينه

وبالهني والعافيه






  

قديم 27-04-2006, 03:24 PM   رقم المشاركة : 2
معلومات العضو
الغيث

مستشار ومؤسس

 






الغيث غير متواجد حالياً

يسلمو ريومه

اكله طيبه كثير

وخصوصا الهيل اللي يعطيها الطعم الرائع

بس حنا نعملها بدون بصل


على العموم مشكوره اختي


تحياتي






  

قديم 27-04-2006, 03:26 PM   رقم المشاركة : 3
معلومات العضو






شـجـن غير متواجد حالياً





هلاااااااابج ريومه ......اممممممممم تينن البلاليط اموت فيها

بس احنا طريقتنا مو نفس الطريقه الي ذكرتيها .......

احنا نسويها بهالطريقه :

نسلق الشعيريه في ماي مغلي نص سلقه ونصفيها بمشخال ونحط بالجدر ملعقة عداني او اي زيت ونضيف له الزعفران والهيل والشكر وتقلبه شوي ونصب الشعيريه فوقه ونقلبها لما تختلط مع الشكر والهيل والزعفران ونغطيها لما تتسبك ....

نكسر البيض في صحن ثاني ونحط له ملح وبقدونس مفروم وفلفل اسود شوي ونخفقهم بالشوكه نحمي الزيت بقلايه ونصب البيض فيها لما يحمر القرص عالويهين ونشيله ونحط عل البلاليط فوق وبسسسس .....سلامتج....

ومانحط بصل فيها .....اول مره اعرف ينحط فيها بصل.....

بس تصدقين بجرب طريقتج ....ان شاءالله......

مشكوره ريومتي عالطبق الشهي .......لاعمناج يارب....

ارق تحياتي ......وفائق احترامي ....

ودمتي بخير ..






  

موضوع مغلق

مواقع النشر (المفضلة)


جديد مواضيع قسم منتدى أشهر الأكلات العربية والعالمية
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:02 PM.


Powered by vBulletin® Version 3.8.8, Copyright ©2000 - 2021, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير