العودة   منتدى النرجس > منتديات التسلية والترفيه والصور المنوعة > منتدى الترفيه والنكت والتسلية والالغاز



إضافة رد
 
LinkBack أدوات الموضوع
قديم 06-12-2009, 05:52 PM   رقم المشاركة : 1
معلومات العضو







جنون طفلة غير متواجد حالياً

 

Icon22 تعليقات أزواج كويتين ويقولون حريمنا مايكشخون ألنا ..

الكويتي إذا ما قال تعليق مني وإلا مناك يمرض



اقروا المواقف و ضحكوا كثر ما تبغون




**************************************************



تعرفون اغنيه (آدم) اللي اسمها كيفك انت..!! شفتو بالفيديو كليب البنت لما كان نايم جان تقعد
تقفز على السرير عشان تقعده والمؤدب بكل رومانسيه فتح عيونه والابتسامه شاقه فمه
صديقتي يعني طالعه فيها بتسوي نفس الحركه بزوجها يوم كان نايم
عاد بنت الحلال بطبوطه..تقول كشخت وقعدت اقافز على السرير
توقعووون لما فتح عيونه زوجها شقال!!!!!!!!!!!!!!!!!!!!

انثبري لا أصفقج بالأباجــــــــــــــــــورة هههههههههههههههههه

*****

كنت حامل بالخامس وعندي استقبال فمسويه شعري ومكياجي بمس ون ولبست بدله مع شال كبير غطيت فيه بطني ..
المهم لما رحت الاستقبال يتني وحده سلمت علي وسألتني انتي العروس؟؟؟؟
عاد انا طرت من الفرحه ورحت سيده دقيت على ابو الشباب وقلت له :

تدرون شقالي

قالي خوش عروس حامل حشا صبوحه خطبها نصيب !!!!!!

*****

بقولكم موقف قتلني من الضحك على زوجي..

مرة انا كنت حاطة كحل ابيض على عيوني كان يقولي انتي ما تغسلين ويهج من الصبح ليش هالغمص بعيونج ..

ابذمتكم مووووووووو احباااااااااااط ّ!!!!!!!!!!

*****

مره كنت شاريه كريم حق الايدين على ريحه ليمون يبيض و ينعم
عاد ذاك اليوم حاطته بالليل ودشيت فراشي ,,, ماشوف الا زوجي يشمشم

شفيك شصاير

الا يقول ماكني داش غرفة النوم جني داش الفرضه (سوق الخضار) لووووووووووووول>>>

*****

مره قعدت من النوم من وقت وقلت خل اقعدة من النوم بنعومة

جان اقوله باذنه احبك تدروووووووون شنو رد على ؟؟

قالي (حبيني بعدين ) بنام الحين


*****

واااااااي انه تنبط جبدي من ريلي لمن اكون معزومه مكان وبسوي بف بشعري ويوقف يمي يسولف ويشوفني اكشش شعري عشان البف يقولي حبيبتي اشفيج عسى ما استخفيتي اوديج يقرون عليج
ويفشلني لمن نروح محل ألعاب او مكان فيه العاب حق اليهال اقوله خل ناخذ هذي اللعبة حلوه عشان ولدنا يتعلم جذي وجذي .. يقولي جدام اللي يبيع او اللي تبيع خلصيني قولي انك تبين تلعبين فيها

هههههههههههههههه

********

وأعرف وحده سوت جو رومانسي حق زوجها يت بتدلعه .. حطت له شموع بالدار وتقول لمن دخل سوالها حركة البوذه ... يقولها داشين معبد بوذه احنا كذي مسويه

واااااااااااااااااي دفشين


*****


الله يسلمكم انا يعني اسكت امسوي ليييييييييييييييله
وقايمه ماخذه هذيل الليتات من بو100 وقاصتهم لونهم وردي نفس داري وامنثرتهم بالغرفه وامسكره الليتات
وانا لابسه لبس فرعوني ايهبل ولابسه باروكه نفس مالت الفراعه وخاطه الكحله واقولكم حاااااااله
وقاعده على الكرسي الهزاز انطره المهم سمعت الباب رحت اركض وانخش ورى الباب
فتح الباب لقى الدار فيها شي فسفوري يلمع على الغرفه كلها
ولقى الكرسي الهزاز يتحرك ابروحه لاني قمت ابسرعه
يناديني وانا ساكته دخل وسكر الباب ولا انا وراه
وينقــــــــــــــــــــــز نقزه من الخرعه بغى يوقف قلبه
جان يقولي (يماااااااا )كنك كليوباترا ..

ههههههههههههههههههههههههههههههه

حبيبي وعليه اخترع ماتسوى عليه

*****

انا وايد ريلي يعلق كله تعليقات احباط بس مو ذاكره شي معين الا يمكن الي كنت مزينه الغرفه بالشموع وموسيقى هاديه دخل الغرفه والا يقول بسم الله الرحمن الرحيم شنو بتحضظرين ارواح

*****

كنت صابغه شعري بلياج وكانت اول مره اصبغه وريلي ما يحب
الالوان الفاتحه يحب الشعر الغامج
انزين وعاد طالعه من الاربعين وكاشخه وضعفانه وشعر الكل يقول
لي كنك (باربي ) الحين انا خايفه من ردت فعل زوجي
واول ماشاف شعري ولا يقول ووع شنو هذا جنه بلاليط
امبي كان ودي اروح لاي صالون اغير الون مع اني صابغته بشيء وشويات
قلت عاد لازم احلل فلوسه لوول ومامر ثلاث اشهر وغيرت اللون


ومره كنت لابسه تراجي المدورين وحيل كبار واول ماشافه ولا يقول
بسم الله شنو هالتراجي أسد بيمر منهم؟؟


ومره كنت شاريه صندل
يهبل وسعره 35 دينار ولا اقول له شرايك؟
ولا يقول شاريته حق الخدامه؟
ولا اطالعه جذي سكتت ولا اعطيه صج الخدامه من الحررره ولا يقول
لي بعدين اتغشمر معاج حلو من صجج انتي حزته بغيت اذبحه

*****

اما عن نفسي لما كنت حامل ما ادري شسوي بعمري خبركم الحامل اي شي تلبس تحس ان مو حلو عليها المهم مرة من المرات كنت لابسة قميص نوم قصير لون ابيض وكنت داقة عليه ولا اهو ياي بالطريج يعني ما يمديني اسوي شعري عاد تدرون فيني اموت عالبواريك جان اللبس باروكة شقرا مايلة على البياض اشوي واحط مكياج العين ناعم مع حمرة لون احمر ولا بعد رازة عمري وقاعدة بالصالة اول مادخل جان ينقز نقزة يقوووول والله عبالي (جنيه)

قمممممممممممممممممة الاحباط
عاد حدي مو ناقصة وانا حامل بس تبون الصراحة شكله كان صج مخترع هههههههههههههههههههههه


*****


مرة علق على بيجامه شاريتها من لاسنزا قالي :- خبازنا (بائع الخبز )

مضيع سرواله اليوم أثاريه عندك ..
طبعا احتريت منه قلتله صج مو كفو شاريتها ب15 وتعلق عليها بعد وصرت اعانده البسها دايم علقت عليها شسوي احب اعانده

*****

شريت بجامه مقلمه من بي اش اس... ما وعيت إلا ريلي يقول لبنتي شوفي هالشرشف شنو يشبهه بالغرفه ؟؟

لا وأنا رازه ويهي وأقول الفوطه
جان يقول : لا
وإهي تقول ويه المخده
جان يقولها يقولها : لا

عيزنا وإحنا ندور .... جان يقولها شوفي صروال أمج

الدفش ما يعرف حتى يقول بنطلون أمج وإلا بجامتها
والله عقبها حرمت أشتري شيء مقلم والسبب أهو

*****

أحب قبل لا أنام أحط حمره (روج )... كل ما شافني حاطه حمره قال ولييييييييه حطت ديرماااااااانه
كح كح يسمي الحمره ديرم

********

مره رفيجتي تقول لابسه شورت ولونه أزرق وفيه خط أبيض تقول لمن شافني ريلي قالي أيوه أيوه العنبري ...يعطيها لجاسم يعقوب ( وقوووووووووووووووووووووووووووووووووول )

زاهبين حق التعليقات





منقول حبايبي ..

بس ..

حاولت اغير شوي في الكلمات و أبسطها ..








   رد مع اقتباس

قديم 08-12-2009, 12:17 PM   رقم المشاركة : 2
معلومات العضو
وليدالحمداني
إدارة الموقع
 







وليدالحمداني غير متواجد حالياً

أضحك الله سنك لقد أضحكتينا






   رد مع اقتباس

قديم 08-12-2009, 06:17 PM   رقم المشاركة : 3
معلومات العضو







جنون طفلة غير متواجد حالياً

أخوي ولد الفلوجه عسى دوم الضحكه ..

تسلم على الرد .. وجودك أسعدني ..






   رد مع اقتباس

إضافة رد

مواقع النشر (المفضلة)

الكلمات الدلالية (Tags)
مايكشخون, أزواج, تعليقات, حريمنا, كويتين


جديد مواضيع قسم منتدى الترفيه والنكت والتسلية والالغاز
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:33 AM.


Powered by vBulletin® Version 3.8.8, Copyright ©2000 - 2021, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير