العودة   منتدى النرجس > المنتديات الأسرية > منتدى مشاكل المجتمع وحلولها العنف والاغتصاب والعنوسة والمراهقة



إضافة رد
 
LinkBack أدوات الموضوع
قديم 22-11-2010, 01:16 AM   رقم المشاركة : 1
معلومات العضو






يـــآرا غير متواجد حالياً

 

Unhappy قصتي مع اخوي ـآلمريض نفسياً آبيكمـ تقرونهآ وتعطوني حل



السلام وعليكم

قدر الله علينا ان ابووي يتوفى وانا مازلت طفله وماكنت احس بوفاته

امي اي شي ابيه تجيبه لي وتسويلي حاجات عوضتني عن ابوي

بس لماا كبرت وكبر اخوي بدآت المشاكل فشل في دراسته

مرض نفسياً ويطلع حرته فيني السنه اللي فاتت تخرجت من الثانوي وانقبلت بالجامعه

القسم اللي ابيه من بعدها قلب علي ومره جاني يهدد يقول ليش انتي تنقبلين وانا افشل

من بعدها والله ماعاد جالي نفس للدراسه مع انو مستواي حلو بس تركتها

فجآه حسيت اني اكره الجآمعه عفتها ماعاد داومت نزلولي انذارات لين فصلوني

كل هذا بسببه وبسبب مشاكله واكتشفت انه مايصلي واذا قالت له امي صل

يقول انا كافر حر المشكله امي تسكت له هي تخربه اكثر وتوقف معاه ضدي

كثير يفشلها قدام الناس ويعصب عليهآ وفوق هذا هي اللي تراضيه عجزت معاها واذا كلمتها وقلت انتي

تخلينه يتمادى تسبني وتقول انتي فكينا من شرك وتراضيه وهو مايستاهل

المفروض انا اللي تراضيني اكثر من مره ضربني لاسباب تافهه ودايم يفسر كلامي غلط

ويضربني ويقول اعرف قصدك وهو غلطان يعني حركات مجنون

ومرات يهدى ويكون عاقل ويجي يسولف لي وانا اعطيه جوه فوق كل اللي يسويه لي

وفجآه يقلب عصبي ويضربني من ادنى شي امي ساكته متمسكه فيه فوق انه عاطل ومريض نفسياً

وانا تعبت من تصرفات امي هي تخليه يتمادى مدري وش اسسوي









   رد مع اقتباس

قديم 22-11-2010, 01:27 AM   رقم المشاركة : 2
معلومات العضو
ورد الحمام

عضو شرف

 







ورد الحمام غير متواجد حالياً


و عليكم السلام و رحمة الله و بركاته
هلا و غلا فيك حبيبتي
يابعد قلبي
و الله هذي ام
غصب عنها تحن عليه و تسامح و تعفو و تعامله بكل حنان
حتى لو حاولت تقسى راح تجي لحظه و تضعف
لأنها ... أُم
لكن محتاجة تتخذ موقف صارم معه لأجله بمساعدة اقاربكم
و انتي بعد عزيزتي مايصير تتركين دراستك
و تقولين كرهتها
حاولي
جاهدي نفسك
هذا مستقبلك .. حرام تضيعينه
اهدأي و فكري تمام التمام
و استعيني بالله
و ان شاء الله تعوضي اللي فاتك
اما اخوك محتاج احد يوقف معه
احد اقاربكم
عم او خال
لازم له رجل مثله يوقف معه و يساعده يطلع من الحالة اللي فيها
حاولي ترجعي لأقاربكم اكيد بيوقفوا معكم بإذن الله
و اتمنى ان تتحسن الامور
هذا رأيي
و انتظري اراء البقيه

مع اصدق دعواتي
اختك
ورد الحمام






   رد مع اقتباس

قديم 22-11-2010, 01:32 AM   رقم المشاركة : 3
معلومات العضو
عبق الزهور

عضو شرف

 







عبق الزهور غير متواجد حالياً

وعليكم السلام
هلا وغلا فيك يارا‏
المفروض ماتركتي دراستك بعدين امك المفروض تاخذ منه موقف لانو ماراح تقدر تسيطر عليه وممكن يسوا اكثر من كذا انت حاولي تكلمي خالك عمك حد يكون له كلمه عليه وادعي له بالصلاه ربي يهدي






   رد مع اقتباس

إضافة رد

مواقع النشر (المفضلة)


جديد مواضيع قسم منتدى مشاكل المجتمع وحلولها العنف والاغتصاب والعنوسة والمراهقة
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:27 PM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير