العودة   منتدى النرجس > المنتديات الأدبية > خواطر وهمسات من القلب الى القلب > منتدى صدى الروح مدونات خاصة بالاعضاء,بوح بلا انتهاء



إضافة رد
 
LinkBack أدوات الموضوع
قديم 28-06-2011, 07:17 PM   رقم المشاركة : 1
معلومات العضو
rosana
إدارة الموقع
 







rosana غير متواجد حالياً

 

Sss2 واحة الشاعر عادل المنصوري






سلام من الله يغشاكم آل القلم وأنصاره ومتذوقيه




هذه واحة الشاعر الفاضل عادل المنصوري ومن خلالها سنتعرف على أعماله وما ميز مسيرته الادبية









عادل كاطع زهر او عبود المنصور

من محافظة البصرة العراق كتب الشعر بصورة جديه وهو في العشرين من عمره وتتلمذ على يد خاله المرحوم الشاعر الكبير سامي شياع المنصوري

حصل على شهادة البكالوريوس في التربية الرياضية جامعة البصرة عام 2000 ـ 2001 ثم التحق لاداء الخدمة الالزاميه لمدة سنه ونصف بعدها التحق بجامعة البصرة قسم اللغة الانكليزية الدراسات المسائية وحصل ايضا على البكالوريوس عام 2007 2008 يعمل حاليا مدرس للغة الانكليزية في اعدادية الامام علي بن طالب عليه السلام يكتب قصائد باللهجة الشعبه العراقية , ابوذيات , زهيري ويكتب باللغة العربية الفصيحة






نمادج لاعماله




ابوذية

اشكَـ منا بثوبي وخيطمنه

منه وبي ركَعته وخيطمنه

قسم ما مدله ايدي وخيطمنه

رواسب نهر حقد البي وغيه



ومضه

اعله ماعونك اردد واقره بالآيات

لن بي ماي البنيسان من تمطر

وثوبك بالوفه امطرز الخيط البي

وجن اللي يلبسه عليه متكَدر

ياسبحة صلاتي البيها اسبح دوم

وياشذرة عقيق ابفضه عالخنصر

ويا ماي ابوضوئي ودوم اغسل بيك

يبطل كلشي دون الماي من يحضر

كَلي شلون اعوفك لو عصفني الروج

انه الغركَان بيك امجلب وابحر



زهيري

سيفه الوكت جرده بزوم وعلي وربه

وزامط ازماط وجهب حد ضامر وربه

ضايج عليَّ الخله لا جول ضمني وربه

ولا من صديج الصدكَـ كَال آنه عد عيناك

افتح طسم كارتك جيتك يخي عيناك

لا تامن بذيب كونه ابتعد عيناك

متعلم اعليك وبمضوه صار وربه



مقطع شعري شعبي

حكمك اعلينه ثجيل

وانته رب البيت والبيت الدليل

لاتعن اكحيل صبرك وي اثر حدوه وصهيل

ولا ترخي اشداد عكات العليل

آنه عوية ذيب لو ينفع عويل

وآنه ونة فاكَده بليلي الطويل

يلي فيضك بالقمم زاد وطفح

وهدر شلاله وغسل رمش الفرح

والصدر جر النفس بيك انشرح

لاتضري التوتيه بعركَـ انذبح



فصيح

سيروا في درب السداد

واقلعوا في مشيكم عرق الفساد

كونوا كالمجذاف في بحرٍ لُجي

فرقت ضربته الموج العتي

معلناً بحاره ذاك الفتي

اني قد ابصرته شاطي الرشاد

................

ايها الجسد المسجى فوق دكة مغتسل

بدات مراسيم الحنوط بكف من فيك غسل

وبكتك عين آثمة فرحاً بمدمعها تهل

الله مذ ان كون التكوين قد شرع العلل

يبدي الثلاثون الهلال ونصفها بدر كمل

ويحين دور محاقه ليهل ذاك وذا افل

ها هي ثلاثون انقضت كم دورة فيها ارتحل

قالوا الجمال جماله بغيابه

ترنوا له من بعد ما افل المقل




فكونوا دائما على موعد متجدد مع جديده








آخر تعديل rosana يوم 04-07-2011 في 06:48 PM.
   رد مع اقتباس

قديم 28-06-2011, 10:31 PM   رقم المشاركة : 2
معلومات العضو







عادل المنصوري غير متواجد حالياً

آنه ماكولن خطيه اعله الشموع
الذوباهه النام وسط احضانهه
احسد اصخور الجرف لو فتهه روج
لن شــــــــــــــــــفايفهن لثم شِــــــــــــيطانهه
الفخر مو للطش بذر وانطاه دماه
الفخر للبذرة التمد اغصــــــــــــــــــــانهه
ولا يغرك زمر طكََََََـ صيده ورماه
عاين البالذل رخت جنحانهه
وعاين الجدم المشت فوكَـ التراب
رضت بغباره الشبكَـ سيكَانهه
انطيني واحد يسوه افديله الحياة
لن چثيرة الطلكَت جثمانهه
چم سفينه العاركت روج المحيط
وتالي يرجع صيتهه لسفانهه
والسواري ادكَـ جدم لاجل الشراع
والشرع تتفاخر بالوانهه
خلي ميزانك عكَل والبخت چيل
ولا تِبخَّسْ الناس من اوزانهه
الشمع نَس ابلحظة الخيطة چواه
وعاف لخيوط لحَرِكَـ نيرانهه
ياهو باع الوفه وياهو اللي اشتراه
والفصول اطالب ابعنوانهه
آنه احچيلك صور وانته التصوغ
والقوافي تريد ضبط اوزانهه
آنه عرفك صايغ وتفرز شكَول
والعروس بشاربك نيشانهه
وانه اعرفك ريح لو مر بالسبوس
يلكَط الحنطة ويبين ادنانهه
الجملة ما تهوى الطلاسم والحروف
الماتنقطهه تشل السانهه
اكو سطحي الماي يدهده عليه
لاچن اشحده يعلي ايشانهه
آنه جبَّلت الحچي وهلت التراب
وانته حط شاهدهه يا دفانهه
وانته حط شاهدهه يا دفانهه






   رد مع اقتباس

قديم 28-06-2011, 10:44 PM   رقم المشاركة : 3
معلومات العضو







عادل المنصوري غير متواجد حالياً

ايا جارتاه ما انصف الدهر بيننا تعالي اقاسمك الهموم تعالي
قال المرحوم الشاعر سامي شياع المنصوري
خلص صبري اوبكَت روحي تعالي
هبطنه والنذل بيها تعالي
يجاره الدهر ما انصف تعالي
نحط اهمومنه ونجسم سويه
اجبته بالابوذيه التاليه
ابشاطي الهم شله كَاري وجربيه
مسرفن واتهل اوكَلبي وجربيه
لفي اوكَاچ يا جاره وجربيه
حملي اوزيحي نص الناض بيه
علق الشاعر راهب المنصوري
صفت صبخه الارض وايبس شجرها
ذلولي وللركب بركت شجرها
الجاره اوياي شو نشبت شجرها
وانه الحاسب تشيل النص اليه






   رد مع اقتباس

إضافة رد

مواقع النشر (المفضلة)


جديد مواضيع قسم منتدى صدى الروح مدونات خاصة بالاعضاء,بوح بلا انتهاء
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:13 PM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير