العودة   منتدى النرجس > المنتديات الأدبية > خواطر وهمسات من القلب الى القلب > منتدى صدى الروح مدونات خاصة بالاعضاء,بوح بلا انتهاء



إضافة رد
 
LinkBack أدوات الموضوع
قديم 29-06-2011, 02:38 AM   رقم المشاركة : 1
معلومات العضو
rosana
إدارة الموقع
 







rosana غير متواجد حالياً

 

Sss2 واحة الشاعر هدار المنصوري







سلام من الله يغشاكم آل القلم وأنصاره ومتذوقيه




هذه واحة الشاعر الفاضل هدار المنصوري ومن خلالها سنتعرف على أعماله وما ميز مسيرته الادبية










الاسم/ هدار سامي شياع المنصوري
تولد/4/7/1975
شاعر
ابن الاديب المرحوم سامي شياع المنصوري
من عائلة ادبية
اعمل حالياً
في وزارة العدل/مديرية التسجيل العقاري العامة
مشرف الشعر الشعبي في منتديات بنت العز الثقافيه
لي ديوان في ديوان شعراء بنت العز الثقافيه
عضو في منتديات الفرات
عضو في منتديات ورد العراق
عضو في منتديات العراق
عضو في مجتمع شط العرب
عضو في منتديات جروح نابضه
عضو في نقابة العمال
عضو في اتحاد الشبيبه
سكرتير العلاقات الاجتماعية في الجنة المحلية في مدينة البصرة
عضو فعال في المهرجانات الادبية
حصلت على لقب العضو الذهبي في منتديات الفرات
حصلت على شهادة تقديريه في منتديات الفرات
حصلت على اربعة اوسمة في منتديات الفرات
حصلت على مدالية في منديات ورد العراق
حصلت على وسام في منتديات بنت العز الثقافية
حصلت على لقب شاعر المنتدى في منتديات بنت العز الثقافية
عملت واشرفت على مسابقة العيون السود في منتديات بنت العز الثقافية






بانتظار هطول بوحك من وحي قلمك المميز شاعرنا الفاضل










آخر تعديل rosana يوم 01-07-2011 في 05:49 PM.
   رد مع اقتباس

قديم 29-06-2011, 03:11 PM   رقم المشاركة : 2
معلومات العضو







هدار المنصوري غير متواجد حالياً

خليهه يم الله


خلها يم الله ونبيه ويم ابن بنت البتول
اليضرك سلمه بيد الجليل
ولا تضن احسابه بالتالي جليل
الله يمهل لجن مايهمل الجيل
وانت عاقبتك اذا تصبر تنول
خلها يم الله ونبيه ويم ابن بنت البتول
انت حكم كل ضميرك والعقل
وكل عمل لاتحتسب بيه الفضل
اصدكَ ابكَولك ورفجه ويه الفعل
وترك اشما فعل غيرك وشما يكَول
خلها يم الله ونبيه ويم ابن بنت البتول
حتى لو دور عليك البايهات
هذا طبعه ايبدله بس الممات
لاجن اتعوذ بالله والنبي من التايهات
وشوف تاليها وحسابه مايطول
خلها يم الله ونبيه ويم ابن بنت البتول
انت تنجح واهو يخسر لامحال
وهاي عاقبته الذي تنكيره ضال
شنهي يقبض كل من قيل وقال
يغضب الله ويفقد اهل بيت الرسول
خلها يم الله ونبيه ويم ابن بنت البتول
اشما كثر ضدك الباطل سلمه بيد الرسول






   رد مع اقتباس

قديم 29-06-2011, 03:16 PM   رقم المشاركة : 3
معلومات العضو







هدار المنصوري غير متواجد حالياً

العراق العظيم


الناس طبع الناس تعشكَ
والعشكَ مشروع مو عيب وحرام
احنه دنيتنه جميله
ونعشكَ لها الخير والحب والسلام
العراق صار ابضمايرنه
عطاشه اعليه ريعونه
لوشفت العلم بيه رايه والنجمات
واسم الله عليه بقماش مزيونه
منذورين
نهتف من كَلب ولسان
بعالي الصوت ويسمعنه كل انسان
اسمك ابد مامات باقي للابد
نعم نعم مامات صدكَونه
ولا فديوم مربيه موت
موش انريد نحجيله
صحيح اعزاز ضحينه ونضحيله
العراق ماجل ولامل النضال وباقي ابحيله
شعبنه المر عليه المر
جلد تدري الجلد يصبر
والكَلبه رجيج ابروج مايعبر
عبرنه اسنين محنتنه وبقينه احرار
ويستاهل شعبنه ارواح نفديله
ياتراب امزيرعه وماي السويب
وياشلب شاطي الجوابر
انته جيكَور الحبيبه
واحنه سياب ونحشم يابويب
الرابطيه هلهلت وكت الفجر
بصوتها ذاك الحنين
فزعت الكَرنه اعله حسها
من جنوب الدير لشمال الثغر
مدينه طلحه هوير هوسات وشعر
احنه منذورين للكَرنه نذر
وحنه ذول احنه هلج وانتي التعرفين
ياحبيبه وباسله وتستاهلين
شفنه ابضلم صدام
تعذيب وسجن وعدام
سوه وي شعبنه الماجرى ولاصار
حروب وجوع وستهتار
وملايين النشامه هاجرت لبعيد
غربه وفاركَو اطفالهم جم عيد
وهوه جرود يشرب واجله بس غزلان
ودموع الارامل تترس الوديان
جماعيه المقابر صفت للشبان
وركَ اخضر حلبجه الموت وصمة عار
ابجيبه وبجيب البعث واركانه
جند للاعلام الخوش عدهه السان
شب نار الحرب والقدس حزنانه
يغرف بالفلوس وينطي جيف انجان
وخلاها تمركَص ركَص عريانه
شجره نضموله وقائد الايمان
صلاح الدين صار ونبوخذ نصر
نعم0جا وينه اخو افلانه
تاليها ابحفر شفتو الفلك من دار
بطل من علي اوهابي عنوانه
اهو خله الجيوش اطب علينه اطبوب
وهو باع العراق ابيورا وبدولار
لجن والله الشعب تاريخ اله ومهيوب
من وكَت الرميثه وفالته ومكَوار
صحيح الوكت يطلب صبر ايوب
ونصفي احساب للطالب اومطلوب
كفاره شعبنه النمحي بيه اذنوب
احنه اهل العراق واهل هاي الدار
متوحدين كلنه عرب وكراد
من اعله القمم ولبة الاهوار


نبني اعراكَنه بنيان
ونكَعد عله اربوعه اصرار
صدكَ محتله اراضينه
لجن ابد مانركع
نعم ندري الشمس تطلع
نعم كل غيمها يكَشع
والي غاب عن اهله نعم يرجع
عهد نبني العراق الحر
دمقراطي اصيل اروع
ويضل اسم العراقي شامخ ويلمع
ارد اردود للنشدو اعلينه
ورد اجاوب كل كَلب ملهوف
وعيون الفرح تدمع
موبس اعراكَنه نفتح
فتحنه اكَلوبنه من زمان
ويضل صوت العراقي ايزاود المدفع
اعراكَنه ابزودكم مفتوح
مضيف الكل شهم ابدع
يرحب يمد ذرعانه
يتلكَاكم صدر اوسع
نحيي كل شريف ونشد جف ابجف
وكَلوب العراقيين حتى من البياض انصع
موش اطباعنه نتعاله فوكَ الناس
ونعاهد شعبنه انصير اله نبراس
ماتهمنه التضحيات احنه نتحده الممات
نبقه رايه وعاليه ابسوح النضال
ونبقه ذيج اطباعنه وذيج الخصال
ونبقه ذيج اطباعنه وذيج الخصال






   رد مع اقتباس

إضافة رد

مواقع النشر (المفضلة)


جديد مواضيع قسم منتدى صدى الروح مدونات خاصة بالاعضاء,بوح بلا انتهاء
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:45 AM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير