العودة   منتدى النرجس > المنتديات الأدبية > خواطر وهمسات من القلب الى القلب > منتدى صدى الروح مدونات خاصة بالاعضاء,بوح بلا انتهاء



إضافة رد
 
LinkBack أدوات الموضوع
قديم 19-12-2020, 11:38 PM   رقم المشاركة : 97
معلومات العضو






الشاعر محمد سالم غير متواجد حالياً

نهايتها فين

[c
olor="navy"]نهايتها فين
***********
دخل الشتا كل البيوت
وإحنا عرايا وبردانين
والموت بيحصد في القطيع
كل الطرق حزن وانين
ومفيش دفا يمنع صقيع
والموت جبان
واقف بينده ع البيبان
في كل أركان البلد
بيخطف أرواح الجميع
راجل كبير..بنت وولد
والكل خان ..قاعد يبيع
حتي الجنين نزل صريع
ودّعنا قبل ما يتولد
والموت خلاص لف المكان
ولقتني بجري ع القبور
بنده ابويا يا سند
راح الأمان
مبقتش عارف سكتي
رايح لفين
وأقول يا مين
وأنا بودع دنيتي
هاجت بقلبي الذكريات
ومين يونّس وحدتي
غير حضن جدي وجدتي
ومين يهدي في مهجتي
وجع الاهات
ومين يعالج في الجبان
الم السكات
ومين يطبب الانين
جوه الصدور
وناديت عليهم بأعلي صوت
يا كل سكان القبور
ياهل السكات
الصدق مات
بعنا الفرس وشبعنا نوم
معدش غير الكذابين
واذا قال كبير الكذابين
أنا الاله
رفعوا الايادي آمين آمين
وانا كل يوم
هاجي لقبرك وأندهك
واترجي يابا في الغيوم
تبعد بعيد عن مطرحك
تبعد مطرها من عليك
وترش ع القبر الرزاز
واهديك ياقلبي مهجتي
وأنده عليك
أروح لمين
يمكن تقلي سكتي
نهايتها فين
*********************
محمـد سالم
[/color]






   رد مع اقتباس

قديم 19-12-2020, 11:41 PM   رقم المشاركة : 98
معلومات العضو






الشاعر محمد سالم غير متواجد حالياً

رد: واحة الشاعر محمد سالم

ومين يقدر علي خصامك
*********************
وليه ناسية حكاوي زمان
والعشق اللي كان بينا
ياريت تسالي عيونك
هتقلك من زمان كنا
انا وانت كتير احباب
وكنا كتير بنتخاصم
بدون اسباب
وياما البعد جرحنا
ونتصالح نعود احباب
وياما القرب فرحنا
ويبقي بين عيونا عتاب
وأتحمل أنا عنادك
وبرضة تزعلي مني
ومش بقدرعلي بعادك
وقادرة تبعدي عني
ولو كان الخصام ساعة
ياروحي استغفري لذنبك
والبعد عن الذنوب طاعة
أنا قلبي سايب قلبك
يقول مرة انا مخاصمك
ومرة يهادي بالاشواق
ويكتب ع الفؤاد اسمك
ومرة يقول انا بهواك
ومرة يقول كاره رسمك
ومرة عزوتي وناسي
ومرة بنلاقية هايج
ومرة بنلاقية راسي
وانا ان كنت زعلتك
حقك فوق علي راسي
فليه عايزانا نتخاصم
ونقتل في القلوب اشواق
وليه قلبك يكون قاسي
دا قلبك لو بعد عني
يا روحي حتي لو ناسي
هاسافر في البلاد رحال
واجمّع عشق دنيتنا
واغني للعيون موال
واصب العشق دا ف كاسي
وابعتلك الغرام مرسال
بحضن للعيون دافي
وارجع أحكي قصتنا
واسقيكي الرضاب صافي
عشان تكمل حكايتنا
ونقول للخصام كافي
ولعش الحب مهجرشي
واوعي ترجعي تاني
تقولي وأنت زعلانة
أنا مخصماك
عشان ع البعد مقدرشي







   رد مع اقتباس

قديم 19-12-2020, 11:48 PM   رقم المشاركة : 99
معلومات العضو






الشاعر محمد سالم غير متواجد حالياً

أنا مخصماك

أنا
أنا
مخصماك
*****************
روحي من تلت أيام
قالتلي وهي زعلانة
أنا مخصماك
وعدي م الخصام ساعة
لقيتها جاية بتقلي
أنا مخصماك
هاخصمك
شهر تلاتين يوم
وهادعي ربنا يعيني
اتحمل خصامك يوم
وهافضل ليلي سهرانة
وتخاصم عيوني النوم
واناجي في السحر ربك
يرق قلبك القاسي
واعاتب قلبي ليه حبك
واقله هو لك ناسي
والوم عيني عشان ضماك
يا روحي وعزوتي وناسي
أنا مخصماك
ولو كنا في شهر الصوم
هاكمل حب لو ناسية
ومش نافع معاك اللوم
ماهو الاحساس لا بيفطر
ولا بيروي قلوب قاسية
ولو تسقيني نار حبك
هاكمل صوم وأقول ناسية
وأصلي كتييييييروأتبتل
وأجمع قلبي وعيوني
ومعاهم روحي تتكتل
نشد ازار
نقوم الليل ونتهجد
وببعدك عني بتهدد
وأنا اسبح وأقول أذكار
وأسجد خمسمييييت مرة
وأدعي يكون خصامنا هزار
لان العيشة في البعاد مرة
أنا عارفة علي بعدك
مانش هاقدر
دنا مخصماك
وقلبي سابني راح عندك
وقلي انه كان واعدك
يكون وياك
وبستحمل عذاب عندك
وأنا بهواك
أنا مخصماك
وايييييييييه يعني
لما روحي تندهلك
وأمشي ف ليلي كام مشوار
ولا تحسش
ولييييييه يعني
لما القلب يشتقلك
في ليل حالك ملهوش نهار
مابتحنش
فاتت ساعة
فاتت ساعة علي خصامك
وحاسة بنار
حاسة اني مدبوحة
دموع عيني كما الانهار
وبأعمل نفسي تقلانة
وأنا بنهار
وبستناك تعود ليا
وأنا عقدة ميييييت نيه
أرجعلك بدون انذار
وبلمسة حلوة لايدية
ونظرة حب لعينية
تقول كلمة
بالف حوار
وحشتيني
بتملي قلبي حنية
وتسقيني الغرام مية
رزاز صافي كما الامطار
في لحظة
بنسي اللي زعلني
لكن...............
لكن اللي حيرني
ياساكن قلبي والنني
تقبل يبقي بينا خصام
وهجرك يوم بعيد عني
دا ذنب ..............
ووزر م الاوزار
دانا عاشقة قاتلني الشوق
انا بهواك
وحشني يا اغلي من روحي
و أنا مخصماك
*****************
محمـد سالم






   رد مع اقتباس

إضافة رد

مواقع النشر (المفضلة)


جديد مواضيع قسم منتدى صدى الروح مدونات خاصة بالاعضاء,بوح بلا انتهاء
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:51 PM.


Powered by vBulletin® Version 3.8.8, Copyright ©2000 - 2021, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير