واحة الشاعر محمد سالم

رسالة الي روحي في الحرم
************************
مشتاق انا للحرم
عشق الطواف غية
بحضن بلاط الحرم
والسبب هيا
كان نفسي اقلك بحبك
يا كل ما ليا
لكن غرامك سبق
كل الحروف فيا
واحترت أنا أوصفك
وقت السفر يا غرام
عاشق يا حلمي لضحكتك
وسكرت انا بضمتك
والعين قالتلي سلام
وعيوني ردت سلام
هاتزوري مين قدك
لمحت دمع الفرح.
نازل علي خدك
مسحت ايديا الدموع
ومليت بها كفوفي
هاشربها زي الرضاب
وقت الشعور بالهم
واخلطها جوه الوريد
بالعشق ويا الدم
وتملٓي روحي بنظرتك
وبضمة في الاحلام
تبعت عيوني لعينك
في الحلم الف سلام
إياك تغيبي.... إياك تغيبي
وتقتلي حلمي ف وريدي
مانت عارفة
إن بعدك عن ديارنا بيبقي نار
وأي بُعد يكون نصيبي
روحي بتدوق المرارة
أَدي المناسك وارجعي
إياك لعقلك تسمعي
خلي قلبك هو صاحب القرار
وفي عشفي زيدي
ويوم ما تيجي.. هيبقي عيدي
وللأحبة يبقي عيد الانتصار
وبحضن ايدي لايدك
نهد الف جدار
نحضن قدرنا وعمرنا
وابني لقمرنا ف قلبنا
ميت الف دار
بطلع بنور سكتي
والناس بتحكي ف قصتي
وأنا بوزع مهجتي
من دار لدار
وقلبي يصرخ انت فين
انا ف انتظار
وإن طال غيابك اقول بحبك
طب امين
دانا قلت عاشق للقا
بالف لهجة وميت حوار
وقتلني في البعد الحنين
عودي يا روحي لجنتي
وبلاش يطول الانتظار
****************
محمد سالم