العودة   منتدى النرجس > منتديات الكروشيه والخياطة والتطريز والخبرات المنزلية > منتدى الكروشية مع الباترون دروس و ورشات وتعليم التريكو



إضافة رد
 
LinkBack أدوات الموضوع
قديم 24-03-2012, 06:44 PM   رقم المشاركة : 1
معلومات العضو






ام هبهوبه غير متواجد حالياً

 

Sss16 طريقة عمل بونشوه بالكروشيه يجنن ღشرح طريقة عمل بونشوه حريمى كروشيه ღღღ باكتر من طري




طريقة عمل بونشوه بالكروشيه يجنن
عايزة تعمل بونشوه حريمى
وبتسال على الطريقة
ان شاء الله احاول اوريها اكتر من طريقة فى التوبيك هنا
نبدأ بورشة منقولة من موقع اجنبى

واللى يهمنى من الورشة دى مش البونشوه نفسه او غرزته
اللى يهمنى الفكرة




البونشوه شكله رقيييييييق جدا
وفكرته بتعتمد على تشبيك وحدات مربعة مع بعض بحيث تدينى شكل البونشوه
نشوف الورشة
الله يعطينا العافية .. رفعنالك الملف


دى وحدة مربعة سهلة جداااااا
والميزة اللى فيها اننا نقدر نتحكم فى مقاسها زى ما احنا عايزين



بنعمل منها 3 وحدات للامام و3 للخلف
ونشبكهم مع بعض بالخياطة
او بغرزة الحشو او المنزلقة فى اخر سطر
الله يعطينا العافية .. رفعنالك الملف


بعدين نعمل حاقة حلوة
ممكن وردات
او شراشيب
او اى غرزة نحبها
او نمشى على باترون غرزة معينة




بعد التجميع مع الوحدة بالخياطة او التشبيك

وممكن نسيبه مفتوح من فوق عند الرقبة بالمقاس اللى نحبه
او نعمل كول زى ده
او نعمل حافة بسيطة تحلى الحرف ومش بالضرورة يتقفل اوى كده



ودى النتيجة النهائية

وفى واحد تانى معمول بنفس الطريقة مع اختلاف الوحدة والفينيش




يعنى الفكرة الاساسية هى اننا نعمل وحدات مربعة باى حجم وبالشكل اللى يعجبنا ونشبكهم بحيث يدونا الشكل اعلاه
ونعمل حافة حول الرقبة
وشراشيب حول البونشوه
والنتيجة جمييييييييييييييلة


ووقبل ما نشوف طريقة تانية
هاوريكى يا سوسو باترون الوحدة اللى معمول بيها البونشوه الاول اهى


ودى باترونات وحدتين تانيين
غرزتهم مقفولة زى ما انتى طلبتى يا قمررررررر




وممكن الوحدة اللى كانت عاجباكى فى درس تشبيك الوحدات ^-^

تااااااااااابعوووونى
هاقول طرق تانية لعمل البونشوه الحريمى من الكروشيه









آخر تعديل ام هبهوبه يوم 03-04-2012 في 11:19 AM.
   رد مع اقتباس

قديم 24-03-2012, 07:02 PM   رقم المشاركة : 2
معلومات العضو






ام هبهوبه غير متواجد حالياً

والبونشوهات دى من موضوع للاخت الفاضلة ام حسين المصرية









الاول معاه باترونه
والفكرة الاساسية اننا نعمل سلسلة على قد الفتحة اللى نحبها فى الرقبة
ونشتغل عليها غرزة بتزيد
زى الصدفة بتوسع معانا واحنا نازلين لانها ممكن تتزود بسهولة
ونقدر نتحكم فى الطول براحتنا
كل المطلوب اننا نوسع واحنا نازلين قبل ما نعمل الاناناسات



نفس الفكرة
مع ان الغرزة مش بتتوسع اوى
لكن الفكرة واضحة والنتيجة حلوة ومقبولة


غرزة مش بتتوسع
بدانا بسلسلة واسعة
واشتغلنا باى غرزة زى الجيبة داير ما يدور
ودككنا برباط من فوق وحليناه بوردتين



ده مفتوح لكن ممكن ناخد منه فكرة حلوة او ى
الورمر ده او البونشوه
معمول بالطول من الجنب
يعنى بدأنا بسلسلة بالطول اللى عايزينه
واشتغلنا عليها غرز باطوال مختلفة
من فوق عند الرقبة نمشى شوية بغرزة الحشو ولما ننزل قرب الصدر نعمل نص عمود وبعدها عمود بلفة ثم عمود بلفتين
وهكذا لحد ما نوصل لاعرض جزء فيه وهو الحرف من تحت
نقلب الشغل ونشتغل على الضهر
بنفس الغرز بس هنبدأ من تحت بالغرزة الطويلة ثم نقصر بالتدريج عكس ما عملنا السطر السابق
ونكرر لحد ما نخلص الاتساع اللى عايزينه
وبعدين ممكن نخيط من الامام الفردتين فى بعض او نقفله بزراير
نعمل حافة حلوة من تحت على اى باترون او نركب ورد داير ما يدور او وحدات مربعة او مدورة اى حاجة





والبونشوه البناتى ده
هناخد منه فكرة
اننا ممكن نبدأ من عند الرقبة عادى بسلاسل ونقفلها
ونزود واحنا نازلين بغرزة العمود بلفة عادى
ونعمل زى صفوف تحت بعض من الاعمدة وبين كل صف والتانى سلسلة فى اول السطور
ثم 2 س ثم 3 س ثم 4 س وهكذا هتوسع معانا لحد الطول المطلوب
والصفوف نفسها بنزود الاعمدة فيها كل سطرين نزود عمود
بحيث سطر نعمل فى وسط الصف عمودين فى غرزة واحدة
والسطر التالى نعمل ع واحد فى كل ع من السطر السابق
والسطر التالى نرجع نزود بنفس الطريقة السابقة
وفى الاخر نختم بحافة مناسبة وشكلها حلو




تاااااااااااااااااابعووووووووووونى






   رد مع اقتباس

قديم 24-03-2012, 07:07 PM   رقم المشاركة : 3
معلومات العضو






ام هبهوبه غير متواجد حالياً

ودى طريقة تالتة ونتيجتها جمييلة جداااااااا





بتعملى مستطيلين بالغرزة اللى تحبيها ويكونوا قد بعض
ممكن العرض 50 او 60 سم
والطول متر او اكتر شوية
وبتخيطى المستطيلين بالطريقة اللى وضحتها فى الشكل التخطيطى اعلاه
بحيث يكون العرض مع الطول فى ناحيتي الخياطة


ودى شيلان معمولة بنفس الطريقة بس تريكو جاهز
وممكن تكون مستطيل واحد طويل ومقفول بنفس الفكرة
لكن احنا اللى عايزينه مكن الصور دى
طريقة تزيين البونشوه


فكرة ادخال مربعات او وحدات كروشيه بالوان زاهية مع المستطيلين بين الخياطة
وفى الحالة دى
هنعمل الوحدات ونشبكها اولا ثم نشتغل عليها المستطيل وبعدين نخيط من الطرف الاخر للوحدات






وده رقييق جدا وفكرته سهلة
التزيين بضفيرة من الخيوط


وده مزين بكرات من الخيط الصوف سهلة الصنع
وممكن استبدالها بوردات


ياااااااااارب يكون الموضوع مفيد واضاف لكم جديد








   رد مع اقتباس

إضافة رد

مواقع النشر (المفضلة)


جديد مواضيع قسم منتدى الكروشية مع الباترون دروس و ورشات وتعليم التريكو
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:49 AM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير