العودة   منتدى النرجس > المنتديات الأسرية > منتدى مشاكل المجتمع وحلولها العنف والاغتصاب والعنوسة والمراهقة



إضافة رد
 
LinkBack أدوات الموضوع
قديم 02-11-2012, 12:36 AM   رقم المشاركة : 1
معلومات العضو






تعبت اشكي غير متواجد حالياً

 

مصيبه اللي صارت لي تعببببببببببت ااااخ بس

السلام عليكم اخواني اخواتي انا في مشكله وابغاكم تساعدوني

في البدايه انا شابه واكبر اخواني وابوي رافع راسه فيني الله يطول بعمره الوالد متزوج غير امي حرمه ارمله ومعها عيال كبار من زوجها المتوفي المهم تزوجت ابوي وخلفت منه انا كنت اكرها ولااحب اروح لها بس ابوي كان يجبرني عليها وكان يعاتبني ويقول تحبينها وتقدرينها من محبتي وتقديري والله بس عشان ابوي اضطريت ودست على نفسي وكرامتي وانا اعرف انها تكرهني خااااااصة انا لان ابوي جداا يحبني صرت اروح لها وازورها لا وبعد انام عندها عدت 10 سنين وانا مازلت اروح لها واجي والله العظيم حتى اذا ولدت اني اتنوم معها واشيل اخواني رغما عن كذا معها بنت من زوجها الاول وكبيره نفس عمري 22سنه لكن كل شي على راسي صرت كل عيد وكل مناسبه اعطيها فلوس لاني متوظفه كان يصحيني ابوي من اعز نومي انظف بيتها واصلح القهوه والشاهي عشان خواتها بيجون لها وبنتها حضرتها نايمه لكن قلت ذا ابوي لعيونه ولحشمته اقوم واصلح كل اللي يامر عليه وكان يجيني كلام ان عمتي زوجة ابوي تسبني وتحرض ابوي علي وكنت لها احسن من بنتها وهي بنفسها قالته قلت لابد تحصل حزازيات بينا وكنت اطنش بعد فتره جاني ابوي قالي بفاتحك بموضوع قلت سم قالي ولد زوجتي متقدم لك ويبييك وشاريك انا انصدمممت جلست اطالع ابوي شلون اتزوج شاب امه تكرهني وتكره امي قلت لابوي اللي تشوفه صلحه ونت تعرف الرجال اكثر مني وجلس ابوي يمدحه لي وهو طالع قاعد صاحي بس يمدحه لين كبره بعيني والله ماتوقعت اني بتعلق فيه هالادمي انا ماعرفه ولايعرفني بس شافني صدفه ببيت امه قال بس مابي الا هالبنت انا من شدة حب ابوي للشخص صراحه حبيته قالي ابوي انا احب هالشخص قلت يبه اللي تحبه انا مثلك احبه خطبني رسمي والحمدلله بعد فتره قعدت عمتي زوجة ابوي تلمح اني اكلم خطيبي اللي هو ولدها قلتلها عمتي وش هالحكي ترضينها علي قالت بكل جراءه عادي حبيبتي ابوك كان يكلمني فترة الخطوبه ويقابلني جات على بنته الحين انا دارت بي الارض انقهرت ليه تقول هالحكي وجلست تقنع فيني ونا رافضه الحقيره صارت تدق من جواله ولدها على جوالي وترسلي رسائل ردي لاني مارد على رقم غريب رديت وكانت حاطه اسبيكر عيب عليها والله كل اللي اقوله حسبي الله عليها المهم صار اللي صار حبينا بعض وصارت بينا رسائل جوال استمرينا 8شهور على هالوضع ونا متضايقه لايدري ابوي وكانت تقول زوجته ليه خايفه ترى ابوك انسان عارف ومر بهالشي وكان يكلمني وصرت خلاص مو مره مهتمه قلت دام كذا كان يسوي ابوي اتوقع بيتفهم الوضع جاء يوم من الايام وطاح جوال خطيبي بيد ابوي ماكان مقفل برمز وشاااااف كل رسايلنا الله لايسامحه حيوان مايهتم ونا كنت احرص عليه ينتبه لجواله ويمسح الرسايل المهم جاني ابوي بالسكين ااااااااااااااااه يوم عرفت انه درى كرهت نفسسسسي حسيت خلااااااص عفت الدنيااااا بلي فيهاااااااا وقعد يلوووموني قال بذبحك والله لاذبحك والله لو مو امي دخلتني الغرفه وقفلت الباب كان نهايتي على يد ابويسحب مني جوالي حرمني من كل شيييي ماصار يكلمني ولايسلم علي حتى في العيد طلبت اسلم علي واعتذر رفض يقول لو شفتها بذبحهااا وربي تعببببببببببببببت كرهت عمتي وولدها حتى اخواني من ابوي كررررهتههههههههم فسخ الخطوبه والولد السااافل لما عرف مسك خط الرياض وسافر الله لايرده كرهته على قد ماكنت احبه والله مافيه ذرة رجوله كان يقولي والله مارضى انك تضررين لو صار شي وعرف ابوك انا بواجهه كذااااااااااااب الكلب راح وخلاني عايشه حياه الله لايوريكم الحين لي اسبوعين والله ياللاب توب انا اخذه لاراح الدوام او عند حرمته الزق امانه دلوني انصحوني حالتي تعبت والله قبل امس 12الليل ونا بالطواري تعبت مرضت خلااااااااص انا اعترف بغلطي ومستعده احلف لابوي على المصحف معاد اكرر هالشي بس والله والله ان ابوي اللي علقني بهالولد وامه انا كنت كافيه خيري وشري بس ابوي اللي قربني منهمابي منكم نصايح وش اعمل مع ابوي اااااه كل اللي اقوووله حسبي الله ونعم الوكيييييييييييييل






   رد مع اقتباس

قديم 02-11-2012, 12:48 AM   رقم المشاركة : 2
معلومات العضو






تعبت اشكي غير متواجد حالياً

اضيف لكم على مصيبتي تخيلو عمتي تقول لابوي شف فعايل بنتك اللي رافع راسك فيها وش سوت الله لايوفقها الله يجعل كيدها بنحرها ويجعلها بوجهها اللهم ورني يوم فيهااا ياااااااارب






   رد مع اقتباس

قديم 02-11-2012, 08:57 PM   رقم المشاركة : 3
معلومات العضو






تعبت اشكي غير متواجد حالياً

افااااااااااااا حطمتوني بصراحه
وين الردود والفزعات






   رد مع اقتباس

إضافة رد

مواقع النشر (المفضلة)


جديد مواضيع قسم منتدى مشاكل المجتمع وحلولها العنف والاغتصاب والعنوسة والمراهقة
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:44 AM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير