العودة   منتدى النرجس > منتديات جمالك > منتدى تعليم المكياج والجديد في عالمه وعالم العطور




إضافة رد
 
LinkBack أدوات الموضوع
قديم 09-08-2007, 09:31 AM   رقم المشاركة : 1
معلومات العضو






ميرا غير متواجد حالياً

 

A4 الهالات السوداء!

السلام عليكم ورحمة الله وبركاته


لاحظت ان في كثير من النساء لا تحسن اخفاء هالاتها السوداء <<< امحق فصحى ههه

جد بنات مراااات اصادف بنات حلوين لا اله لا الله .. جمالهم رباني تبارك الرحمن لكن يكون في بشرتها حبوب .. او اثار حبوب .. والمصيبه اذا كان عندها هالااااااااات سوداء وغطتهم بكونسيلر فاااتح ((( ظناَ))) منها انها اخفت السواد وصار شكلها حلوو في كثير بنات ما يعرفون يحطون الكونسيلر .. ولانهم ما يعرفون الطريقه الصحيحه للكونسلر تلاقينهم يخبصون الدنيا !!

وللاسف المكياج الهدف منه انه يحلي لكن اذا انحط بطريقه غلط يبشع ومرات يضحك !



بيت القصيد << ترى فلسفتي واايد وهذرتي اكثررر تحملوني


راح اشرح لكم بالتفصيل والصور الطريقه الصحيحه لاخفاء العيوب وغيرها .. وعسى الله يقدرني واعلمكم كل شي بصوره صحيحه . و ان شاء الله تفهمون علي

وللعلم ترى الطريقه عاااديه جدا جدا و بغايه السهوله والتفاهه حتى انتوا اذا قريتوا الموضوع بتقولون بس جذيه .. ما راح تاخذ منكم اكثر من 5 دقايق ! وتراها مو شي غريب ولا اختراع اغلب المحترفات يسون هالطريقه و مو بس المحترفات خل نقول المتمرسااات على المكياج بشكل عام


طبعا قبل لا ابتدي بالنسبه للبنات اللي عندهم هالات سوداء لازم لازم لازم تحرص على شرب الماء بشكل منتظم .. يعني اقل شي 6-8 اكواب باليوم .. وتحرص على اكل 4-5 حصص فاكهه بالاسبوع ! وتحرص على السلطه .. لا تقولون ما نحب .. اذا ما تحبين الطمام لا تاكلينه لكن اكلي خياااااار << كل الناس يحبونه حتى الاطفال حلوو الخيار .. سوي لك سلطه خيار بالروب والنعناع ! اكلي جرز .. خس .. حرصي على اكل السمج= السمك والاكلات البحريه بشكل عااام .. لا تقولون زفرر وويع .. والله لو تدروون شنو فوائد الاسماك .. جان ظليتوا طوول عمركم تاكلون سمج .. ما تشوفون الشرق اسيوين يعمرون لا اله الا الله وصحتهم زينه حتى لو كبار وفيهم قوه اغلب اكلهم بحري ! ولو كلش كلش ما تقدرين على الزفره اخذي حبوب خلاصه السمك من الصيدليه << استشيري طبيب انا مالي شغل !! << خاافت تخلي مسؤليتها



بسم الله نتدي
بالنسبه للهالات السوداء .. لا تفكرين تحطين كونسيلر افتح من بشرتك على هالمنطقه ابدا ابدا ابد .. لانه بيقلب على رمادي ويصير شكلك حتى لو حطيتي كونسيلر فاتح وما قلب على رمادي بوقتها .. بعد فتره يقلب .. يعني انتي بالبيت شحلاتج تروحين المناسبه هالاتك رماديه مو بنيه ولا سودا .. وحسافه اذا المكياج حلوو والاساس حلوو الهالات تبشع ..


ف اخذيها قاعده اذا تبين تغطين ...

هالات سوداء

حبوب حمرا (ملتهبه)

حبوب سمرا (الحبوب اللي راسها بني غامج شوي)

اثار حبوب

لاااااااااااااا تغطينها ابدا بكونسيلر فاااتح !


اتبعي هالخطوات .. (بعدين بتكلم عن كل خطوه بالتفصيل )
1)حطي كونسيلر غامج
2)حطي فوقه كونسيلر فاتح
3)فردي الاساس
4)البودره
5) التنظيفات
6)المسات النهائيه




منقوووووووووول






   رد مع اقتباس

قديم 09-08-2007, 09:36 AM   رقم المشاركة : 2
معلومات العضو
! سمو الإحساس !
إدارة الموقع
 







! سمو الإحساس ! غير متواجد حالياً



شكرا جزيلا لك على المشاركه
وبارك الله فيك

* *



By

.•^•.

 .¸¸۝❝ أسير الإحسـّــاس❝۝¸¸. 







   رد مع اقتباس

قديم 09-08-2007, 02:22 PM   رقم المشاركة : 3
معلومات العضو
ولاء 1990

عضوة ليس لها مثيل

*لست كما يقولون ! هناك من يحبني . يرسمني بأجمل الصور. هناك من يكرهني . يرسمني بأبشع الصور. فلكل منهم فرشاة و يرسمني على مزاجه. ولكن انا ! ابقى ~أنـا~
 







ولاء 1990 غير متواجد حالياً

مشكورة يا اختي ميرا عالطرح الرائع مثلك اختك ولاء






   رد مع اقتباس

إضافة رد

مواقع النشر (المفضلة)


جديد مواضيع قسم منتدى تعليم المكياج والجديد في عالمه وعالم العطور
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:45 AM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير