العودة   منتدى النرجس > المنتديات السياحية > منتدى السياحة والرحلات واشهر الوجهات العالمية



إضافة رد
 
LinkBack أدوات الموضوع
قديم 05-11-2007, 07:29 PM   رقم المشاركة : 1
معلومات العضو







رنرن فلسطين غير متواجد حالياً

 

A33 أغاني أطفال من التراث الفلسطيني

هاااااااااااي

جيبتلكن اليوم اغاني كتير حلوة كانو يغنوها اطفال فلسطين وما زالو يغنوها


يا رايح على الشجرة
جبلي معك بقرة
حلابة العشرة
تحلب وتسقيني
يا رب تنجيني
انظروا انظروا يا ولاد
ربانا شيخ الشباب
اللي عيون سود سود
مكحلات براس العود
....................

حدوته بدوته ،،،،،،،،، طلع الشيخ ع التوته
والتوته بدها فاسة ،،،،،،،، والفاسه عند الحداد
والحداد بدو بيضه ،،،،،،، والبيضه عند الجاجة
والجاجة بدها علفة ،،،،، والعلفة بالطاحونة
والطاحونة مسكرة ،،،،، فيها مية معكرة
...............

حطو مقص على مقص ،،،، سبع عرايس تنزف
حطوا منخل على منخل ،،،، سبع عرايس تدخل
اشتي وزيدي ،،،،،، بيتنا حديدي
عمنا عبدلله ،،،،،،،، رزقنا ع الله
شمست شمسية ،،،،،،،،، على قريعة عشية
عيشة بالمغارة ،،،،، جابت قط وفارة
ضربته ع تمه ،،،،،،، راح يعيط لامه
فتت له فطيرة ،،،،،،، ع قد الحصيرة

................


يا فاطمة ،،،،،،،،،،، يا عونك
اين الجمل ،،،،،،،،،، بالقنطرة
شو ياكل ،،،،،،،،،، حب الذرة
شو يشرب،،،،،،،،، قطر الندى
هالباب يفتح ،،،،، ما يفتح
هالباب يفتح ،،،،،، ما يفتح
هالباب يفتح ،،،،، يفتح ، يغلق
ليلة عرسك ،،،،يا فلان
لا كرشة ولا مصران


ومن الاغاني الي بغنوها الاولاد في فلسطين ،،،،،،،ن اغاني عن الاحفالات والعيد






شتي يا دنيا وزيدي،،،،، بيتنا حديدي
عمنا عبد الله ،،،، رزقنا ع الله
شمسي يا شمسية ،،،، ع عروق عيشة
عيشة بنت البابا ،،،،، بتلعب ع الشبابة
يا قمرنا يا جدع ،،، يا اللي مشنشل بالوداع
بناتك ستة سبعة ،،،، بلعبن على القبعة


...................................



وهيدي تهليله للطفل قبل النوم



نيمتك في العلية ،،،،،،، خوفي عليك من الحية
تعاليله يا بدرية ،،،، بركن على صوتك ينام
نيمتك بالمرجوحة ،،،، خوفي عليك من الشوحة
تعاليله يا عندورة ،،، بركن على صوتك بنام



.................

أو نني نني


هذا الاصطلاح أو نني يستعمل كثيرا عند تنويم الطفل
وكلمة نن ليست عربية بل ايطاليه ورومانية لها نفس المدلول الذي نستعمله في اثناء تنويم
الطفل




حدريجه بدريجه ،،،،، من حيها لبيها
قالت لي معلمتي ،،،، جيبي زيت وبصل
وقع الكوز وانكسر ،،،، حلفتني معلمتي
لتعلقني بالشجر ،،،،، والشجر مليان عروق
خبي إجرك يا ،،،،،، منيح يا عروس
يا أم الحلق ،،،،، والدبوس


........................


يا مفطر بعد العيد ،،،،، حني اسعد وسعيد
حني عليه الالماني ،،،، خلي اسنانه قدامي
بكرة العيد وبنعيد ،،،،، بنذبح بقرة السيد
والسيد ماله بقرة ،،،،، بنذبح بنته الشقرة
والشقرا ما فيها دم ،،،، غير نذبح بنت العم
بكره العيد يا مسعود ،،، دارت المية في العود
يا سعيد ويا سعيد ،،، اليوم الوقفة بكره العيد
بكره العيد من حقه ،،،، بنقطع راسك يا سقا
بكره العيد والثاني ،،،، بنقطع راس ابو هاني
بكره العيد والثالث ،،،، بنقطع راس ابو عايد

................................................

من اغاني المقاومة ،،
أنا طفلة عربية ،،،، بحارب مع الفدائية
أنا عمري ثلاث سنين ،،،، قلبي صوان متين
ما بحمل فرد فلين ،،،، وبرمي قنابل يدوية
أنا عمري ما بخاف ،،،،، ولا نتخبا تحت لحاف
والصهاينة قبالي ضعاف ،،،وبكفي اني عربية


...............

طيري وهدي ،،،،،، يا وزة
ع بلاد غزة ،،،، يا وزة
قطف العنب ،،،، بالسلة
مقطوف مقطوف ،،،آمنة
يا معطارتي ،،،،، آمنة
دقت الكبة ،،،،،،، آمنة
انزلت على الشركة البركة
يا خالو
لقيت خواتي الستة
يا خالو
لقيت مندوب الازعر
يا خالو
عما يمشي او بتكعور
يا خالوا







انشالله يعجبوكم






   رد مع اقتباس

قديم 05-11-2007, 07:56 PM   رقم المشاركة : 2
معلومات العضو






المحبة لله غير متواجد حالياً

اقتباس:
المشاركة الأصلية كتبت بواسطة رنرن فلسطين مشاهدة المشاركة

وهيدي تهليله للطفل قبل النوم

نيمتك في العلية ،،،،،،، خوفي عليك من الحية
تعاليله يا بدرية ،،،، بركن على صوتك ينام
نيمتك بالمرجوحة ،،،، خوفي عليك من الشوحة
تعاليله يا عندورة ،،، بركن على صوتك بنام

كتير حلوين
احنا التهليلة بنقولها مع فرق بسيط
يلا ينام يلا ينام
نيمتك بالعلية ****خفت عليك من الحية
تعاليله يا بدرية***بلكن على حسك بينام
يلا ينام يلا ينام
نيمتك بالمرجوحة ***خفت عليك من الشوحة
تعاليه يا ملوحه ****بلكن على حسك بينام






   رد مع اقتباس

قديم 06-11-2007, 12:00 PM   رقم المشاركة : 3
معلومات العضو







دموع الورد غير متواجد حالياً

شكرا جزيلا كتيير حلوين

الله يعطيك العافية






   رد مع اقتباس

إضافة رد

مواقع النشر (المفضلة)


جديد مواضيع قسم منتدى السياحة والرحلات واشهر الوجهات العالمية
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:22 PM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير