العودة   منتدى النرجس > منتديات الانشاءات الهندسية والاثاث والديكور والتصاميم > منتدى عالم الاثاث والتجهيزات المنزلية والمكتبية



إضافة رد
 
LinkBack أدوات الموضوع
قديم 04-10-2016, 01:56 PM   رقم المشاركة : 1
معلومات العضو
حنين العمر
مشرفة منتديات الديكور
 







حنين العمر غير متواجد حالياً

 

الفرق بين الاثاث المودرن والاثاث الكلاسيك modern VS classic furniture

سمعنا كتير اوى وخصوصا اخر 10 سنين عن مصطلحات الاثاث المودرن والاثاث الكلاسيك , التصميميات التركى والايطالى , مستورد ولا مصرى , خشب زان وخشب MDF .

لكن ياترى كام واحد وكام واحده فينا تعرف الفرق بين كل الاختلافات والمصطلحات دى ؟
ايه الفرق بين الموبيليا / الاثاث المودرن والكلاسيك ؟
ايه الفرق بين الاثاث التركى والايطالى ؟
ايه الفرق بين المستورد والمصرى ؟
ايه انواع الاخشاب الموجوده فى السوق والفرق ما بينهم ؟

اسئلة كتير بتدور مابين الناس وخاصة كل عريس وعروسة مقبلين على الزواج , او الناس اللى بتغير او بتجدد اثاث بيتها ......

تعالوا مع بعض انهارده ناخد اول سؤال معانا واللى هوه عنوان الموضوع , ايه الفرق بين الاثاث المودرن والاثاث الكلاسيك ؟ .

وعشان يبقى الموضوع مترتب صح , تعالوا نناقشهم فى مجموعة نقاط .




نبدأ بالاثاث الكلاسيكى عشان ندى كل واحد حقه , الاثاث الكلاسيكى له تاريخ طويل جدا وطبعا ده باين من اسمه من غير كلام , ولكن زمان كانت البيوت بتتميز بالمساحات الكبيرة الواسعة والضخمة وخاصة فى الدول الاوروبية , عشان كده كانت البيوت والمنازل دى قادرة تستوعب قطع الاثاث الكلاسيك واللى بتتميز بالضخامة فى الحجم , اما فى الفترة والزمن الحالى وكثافة السكان وكثرة المبانى وضيق المنازل والبيوت عشان خاطر تستوعب الاعداد المهولة دى من البشر قل الطلب كتييييير اوووووى على الاثاث الكلاسيك وحل مكانه اثاث من نوع جديد يلائم ويناسب الاماكن صغيرة الحجم وكمان الاماكن كبيرة الحجم واللى هوه (الاثاث المودرن) , الاثاث المودرن من اسمه حاجة بسيطة فى تكوينها وتحفه فى تصميها , من ابسط ديكور حواليه بيبان جماله , بيدى وسع جامد للمكان , يعنى الفرق بينه وبين الكلاسيك فى الحجم ان لو عندك شقة مساحتها صغيرة او كبيرة تقدرى تفرشيها اثاث مودرن , لكن الكلاسيك مينفعش الا فى الاماكن الواسعة بس عشان يبان فخامته وشياكته .
يعنى نقدر نقول كده (الاثاث المودرن 2 : 1 الاثاث الكلاسيك) .




الكبير ثقيل ، الصغير خفيف . قطع الأثاث المودرن أخف وزنا بكثير من قطع الاثاث الكلاسيك لأنها مصنوعة من مواد أخف وزنا واللى اتسببت بدورها فى اختلاف الاسعار بين النوعين , فنلاقى فرق كبير بين السعر , يعنى ممكن تبدأ غرف النوم الكلاسيك من 8000 وتبدأ غرف النوم الكلاسيك من 18000 , اكيد فرق سعر كبير جدا يكاد يكون الضعف واكتر , ولكن ده مش معناه اطلاقا ان المودرن خاماته رديئة او سيئة , هوه شغله بسيط فى الخامات والمجهود .
يعنى نقدر نقول تانى كده (الاثاث المودرن 2 : 1 الاثاث الكلاسيك) , لان الاثاث المودرن سعره بيناسب الجميع بينما الكلاسيك مش فى استطاعة الناس كلها وخاصة فى ظل الظروف الاقتصادية الحالية .




الاثاث الكلاسيك اكتر قتامة من الأثاث الحديث بشكل عام , يعنى الوانه غامقه بعكس المودرن , بينما الاثاث المودرن بيتميز بمجموعة أوسع بكثير من الألوان والتصميمات اللى بتتناسب مع الذوق العصرى وده لان خاماته مرنه بتساعده كتير على اللعب فى الشكل والالوان .
يعنى لسه النتيجه معانا (الاثاث المودرن 2 : 1 الاثاث الكلاسيك) , مش عارفه ليه حاسه ان المودرن ده اهلاوى .


الموبيليا المودرن سهله صيانتها وتنظيفها وفكها وتركيبها بكتير من الموبيليا الكلاسيك . وفيه ادوات تلميع وتنظيف فى السوق متوافره تقدرى تخلى بيها اثاث بيتك اكنك لسه شارياه حالا .
نرجع ونقول نتيجة جديدة (صيانة وتنظيف) (الاثاث المودرن 2 : 0 الاثاث الكلاسيك) .


طبعا مفيش كلام , الاثاث الكلاسيك هو أكثر صلابة ومتانه من الاثاث المودرن وأكثر ثباتا لأنه مصنوع من مواد أكثر متانة حيث الاخشاب الصلبة . على عكس الاثاث المودرن ، ده غير ان الاثاث الكلاسيك بياخد وقت طويل جدا على ما يبان عليه انه قديم , ده غير جمال القطع الكلاسيكية , بس مش معنى كده ان المودرن مش متبن ولا صلب , لا طبعا , ولكن عشان هوه اقل خامة وصلابة "خامات مرنه لسهولة التحكم فى الشكل واللون" من الكلاسيك فعمره اقصر من الكلاسيك .
يعنى الزمالك خد حقة تانى (الاثاث الكلاسيك 1 : 0 الاثاث المودرن) .




وده من غير كلام يتفوق فيه الاثاث المودرن على الاثاث الكلاسيك , لان الاثاث المودرن مالوش حدود فى التصميم , يعنى تقدرى تعملى وتصممى الشكل اللى بتحلمى بيه واللى يتناسب مع ديكور بيتك نظرا لمرونه خاماته , ده غير طبعا ان المودرن فى اشكاله وتصميماته بيتناسب وبيتماشى اكتر بكتيير من الكلاسيك مع العصر الحديث وتطوراته , اما الاثاث الكلاسيك فبيميل اكتر الى انه يكون اكثر رسمية .
والنقطة دى نسيب تقيمها على حسب ذوق كل واحده وكل واحد .....







   رد مع اقتباس

قديم 09-10-2016, 05:31 AM   رقم المشاركة : 2
معلومات العضو
rosana
إدارة الموقع
 







rosana غير متواجد حالياً







   رد مع اقتباس

قديم 10-10-2016, 01:51 PM   رقم المشاركة : 3
معلومات العضو
حنين العمر
مشرفة منتديات الديكور
 







حنين العمر غير متواجد حالياً

نورتى الموضوع ياقمر






   رد مع اقتباس

إضافة رد

مواقع النشر (المفضلة)


جديد مواضيع قسم منتدى عالم الاثاث والتجهيزات المنزلية والمكتبية
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:19 AM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير