العودة   منتدى النرجس > منتديات جمالك > منتدى تعليم المكياج والجديد في عالمه وعالم العطور




إضافة رد
 
LinkBack أدوات الموضوع
قديم 16-12-2016, 09:43 PM   رقم المشاركة : 1
معلومات العضو
ranin
عضو مجلس إدارة
 







ranin غير متواجد حالياً

 

Sss18 ادوات تجميل للجسم ، تقشير الجسم ، اتعلمي تأشير الجسم

ادوات تجميل للجسم ، تقشير الجسم ، اتعلمي تأشير الجسم


صور مكياج , الوان انيقه لمكياج للبنات كولكشن ميك اب , ميك اب السيدات روعه , ميك اب للسيدة الانيقة ، ميك اب جان كيوت ، ميك اب للجامعة ، ميك اب صباحى ، ميك اب حفلات ، ميك اب سهرات ، ميك اب خفيف للبيت



انهارده هقدم ليكم موضوع تشقير الجسم


يعني ايه تشقير الجسم ؟


في بنات بيكون عندها شعر خفيف او كثيف علي حسب


في منطقه الضهر والذراعين والبطن


الافضل انه يتشقر لان ده بالذات لما يتعمل بالسويت بيزيد وبيكتر وهو اوقات يكاد يكون خفيف جدا


بس شكله بيكون باين


علشان كده التشقير افضل حاجه


حاجه تانيه هتستفادي بيها


في ناس بتعمل سويت بعد شويه صغيرين الشعر يظهر ومينفعش يتشال بيكون لسه صغير


ممكن تشقريه وتستني لما يكبر وتستخدمي السويت وده الافضل في استخدام السويت


علشان متقطميش الشعرايه وتخلي جلدك يلتهب علشان الشعرايه صغيره وانتي عاوزه تشيليها بالعافيه


وكمان مفيد اوي وبيريح عرايس كتير لان السويت فالمناطق دي


بتسبب التهاب جامد خصوصا الضهر


**********************


هو سهل ولا صعب ؟


لا هو سهل جدا بس اعمليه صح


وان شاء الله مش هيسبب اي التهاب


بس اعملي المقادير صح


وهاتي المنتج اللي هقولك عليه


الحمد لله بستخدمه ومفيش منه اي مشاكل


***********************


ممكن يسبب التهاب ؟


ممكن لو الاكسجين نسبته عاليه


او البشره حساسه جدا


او اتساب وقت زياده عن اللازم


او البودره قويه يعني انا استخدمت بيبوينت ونوع تاني كانت قويه جدا


************


لو حصل التهاب اعمل ايه


لا انتي الاول تسمي الله و تجربي علي مكان صغير لقيتي تمام يبقي كملي


لقيتي اي التهاب بسهوله جدا استخدمي نشا علي ميه بارده وهتختفي اي اثار التهاب ان شاء الله


وممكن بعدها كريم بردرم هو طبي من الصيدليه


*************


يلا نشوف المقادير والشرح بالصور



المكونات

انا بجيب علبه كبيره علشان موفره وبتعد معاكي وقت طويل
دي نص كيلو
اعتقد ب 50 تقريبا
دي بودره تفتيح
اسمها ايجو ايطالي
بودره زرقا
وايجو ماركه ممتازه في السيروم والصبغه والاكسجين والتفتيح
ماعاده الفرد لانه قوي جدا للاسف
المهم فتوكات اسكندريه سهل جدا تلاقوها في اي محل تجميل هنا او في المنشيه
فتوكات القاهره دايما بقولهم علي ايجو مش بيلاقوها مش عارفه ليه
بس ممكن لان بيكون مكتوب عالعبوه المستورد في اسكندريه ممكن يكون مش ليها مستوردين فالقاهره

وده الاكسجين ايجو برضه حلو جدا وفي بلسم علشان ميكونش قوي اوي وريحته حلوه جدا
برضه بجيب الكبيره حلوه وموفره ب 15 تقريبا وساعات بتوصل ل 20

ودول نوعين كويسين ايطالي برضه
بستخدمهم لما مش بلاقي ايجو

الطريقه بتاخدي مقدار البودره نصف مقدار الاكسجين
يعني لو هتاخدي معلقه بودر يبقي 2 معلقه اكسجين
وتخلي الخليط متجانس ولا تقيل جدا ومكلكع ولا خفيف زي الميه
زي الشكل ده

الكميه دي تكفي الظهر والبطن والذراعين
بتلبسي جوانتي طبي وبتوزعي علي جسمك
علشان لما بيجي عالضوافر بيدايق
او خلي ماما او اختك توزعلك مثلا
الملاحاظات الهامه
************
*النقطه الاولي
الوقت مش هحددلك وقت
لان ممكن اقولك ربع ساعه تحسي باي حرقان اغسلي علي طول
مش لازم يصفر الشعر من اول مره ممكن تكرري مره كمان بعد اسبوع
افضل متسبيه وقت كتير علشان يصفر من اول مره ويسببلك التهاب
* النقطه التانيه
تستخدمي التشقير في طبق بلاستيك او زجاج بلاش معدني
*النقطه الثالثه
بعد غسل التشقير اخلطي في طبق نشا وميه بارده وحطيه عالجسم 10 دقايق
* النقطه الرابعه
بعد ما تخلصي ممكن تستخدمي اي كريم مرطب بس مش فيه نسبه معطر
او تستخدمي اويل جونسون
* النقطه الرابعه
الاكسجين يكون 20
* النقطه الخامسه
البودره تكون زرقا مش بيضا
*ملحوظه هامه
ممنوع الاستخدام اثناء الحمل
ممنوع الاستخدام علي اي مكان فيه حبوب
*****************************
كده انا خلصت الموضوع واتمني يعجبكم وانا معاكم في اي استفسار






   رد مع اقتباس

إضافة رد

مواقع النشر (المفضلة)


جديد مواضيع قسم منتدى تعليم المكياج والجديد في عالمه وعالم العطور
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:05 PM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير