العودة   منتدى النرجس > منتديات الكروشيه والخياطة والتطريز والخبرات المنزلية > منتدى الخبرات المنزلية والاعمال الفنية اليدوية



إضافة رد
 
LinkBack أدوات الموضوع
قديم 16-12-2017, 07:31 PM   رقم المشاركة : 1
معلومات العضو
قصر الاحزان
عضو مجلس إدارة
 






قصر الاحزان غير متواجد حالياً

 

Sss16 نصائح للتخلص من كابوس غسيل المواعين ولتحظى بمطبخ نظيف دائما

نصائح للتخلص من كابوس غسيل المواعين ولتحظى بمطبخ نظيف دائما







نصائح للتخلص من كابوس غسيل المواعين


غسيل الأواني أو المواعين كابوس بعض النصائح من عندي للتغلب علي هذه المشكله و تحويلها لمهمه سهله


١- اول حاجه ما تخليش حاجات كتير للاستعمال يعني خللي في المطبخ مثلا كوبايتين للشاي كوبايتين للماء يعني علي ح...سب العدد الكافي للاستخدام لمره واحده و شيلي الباقي في دولاب مقفول نفس الكلام علي الأطباق و المعالق خللي الكميه الكافية لاستخدام واحد أو مره و نص و شيلي الباقي ،، ده حيخليكي لما تحتاجي كوبايه حتغسلي واحده بسرعه و تستخدميها بدل ما تلاقي علي اخر اليوم ١٠ كوبايات أو الأولاد يستسهلوا و يسحبوا كوبايه كل شويه


٢ - و انتي بتطبخي اول بأول اغسلي الحاجات اللي بتستخدميها خصوصا الحاجات السهلة يعني طبق غسلتي فيه الرز اشطفيه و شيليه علي طول لو سبتيه حيتبهدل مع باقي الحاجات في الحوض و حياخد مكان و يصعب عليكي المهمه



٣ - و انتي مثلا بتسلقي مكرونه العشر دقائق دول تقدري تغسلي فيهم كميه كتير فاستغلي الوقت و خللي المواعين اول بأول



٤- لو عندك كميه مواعين اغسلي الأول الكوبايات و الأطباق الزجاجيه و بعدين الحاجات السهلة الكبيرة حتلاقي الحوض نزلت المواعين فيه لنص الكميه بسرعه و ده حيشجعك انك تخلصي و حددي لنفسك مثلا ربع ساعه و حاولي تخلصي فيها


٥ - لما تخلصوا غداء لمي الأطباق و بمنديل ورقي امسحيهم بسرعه علشان تشيلي آثار الطبخ و بعدين اغسليهم ، لو قررتي تتاخري شويه و نزلتي و حتسيبيهم امسحيهم و ممكن تشطفيهم بسرعه بالميه و سيبيهم مترتبين فوق بعض في الحوض أو جنب الحوض لحد ما ترجعي و تغسليهم و حتحسي ساعتها ان غسيلهم سهل جدا

٦- اخر حاجه لو المواعين دهونها تقيله استعملي الميه السخنه في غسيلها بتسهلها كتير و لو مقلايه أو حله حطي. فيها شويه ميه و نقطتين من ساءل غسيل الأطباق و سخنيها علي النار لحد ما تغلي و بعدين اغسليها حتنضف بسرعه جدا







   رد مع اقتباس

إضافة رد

مواقع النشر (المفضلة)


جديد مواضيع قسم منتدى الخبرات المنزلية والاعمال الفنية اليدوية
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:46 PM.


Powered by vBulletin® Version 3.8.8, Copyright ©2000 - 2020, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير