العودة   منتدى النرجس > المنتديات الأدبية > منتدى القصص والروايات الاكثر شعبية



إضافة رد
 
LinkBack أدوات الموضوع
قديم 10-04-2018, 11:44 PM   رقم المشاركة : 4
معلومات العضو
ملكة الحروف
مشرفة المنتديات العامة
 







ملكة الحروف غير متواجد حالياً

جزء الرابع
قيــس :- طيب إنتِ ما بتفكري ترتبطي ؟؟
هديل :- مش قصة ما بفكر بس لسه ما لقيت يلي بدي ياه
قـــيس :- الصراحه أنا معجب فيكي
هديل :- بهاي السرعه
قـــيس :- معـــلش أنا سريع الذوبان
هديل :- هههههههههـ اوك
قـــيس :- شو أفهم يعني من اوك ؟؟
هديل :- لسه أنا ما عرفتك منيح حتى أحكي إني معجبه أو لأ
قــــيس :- راح أعجبك
هديل :- ماشي بنشوف
قـــيس :- بس يـــاَرب تكوني حلوه
هديل :- ما إنت شفتني لما كنت عند هاد الزنخ محمد
ضـــحك قــيس على محمد وقـــال :- شو بالنسبه لزنخ هههههههههههههـ
محمد :- أنا بفرجيها الواطيه
قيس :- بس انا ماَ شفتك منيح !!
هديل :- خلص بس تيجي مره ثانيه شوفني منيح
قــيس :- طيب إنتِ حلوه ؟؟
هديل :- لأ ساده ههههههههههـ
قيس :- بحكي جد أنا
هديل :- اه حلوه بجنن
قـــيس :- ما أكذبك
هديل :- عفوا ؟؟
قــيس :- طيب بدي أشوفك هساَ
هديل :- كيف بدك تشوفني هسا
قيس :- أكيد عندك كاميرا لا تحكيلي لأ
هديل :- اه عندي
قيـــس :- طيب إفتحيها
هديل :- امممممممممممممممممم إنسى صدقني أنا حلوه
قـــيس :- لأ لأ إفتحيها
هديل :- لأ
قيــس :- على راحتك
محمد :- هههههههههههههههـ بشوفها ما فتحت ؟؟
قيس:- إستنى يا كبير عيب
هديل :- زعلت ؟؟
قيس :- لأ ليه بدي أزعل
هديل :- طيب بفتحها بس بشرط ؟
قيس :- بدون شروط
هديل :- لأ في شرط ما تحكي لمحمد إني فتحت معك كام لإنه طلب مني وما رضيت بكرهوووو كتير
قيـــس :- أكيد ما راح أحكيله
محمد :- أنا بفرجيها الكلبه
قيس :- تزعلش يا حب هسا بفرجيك شو بدي أعمل فيها
هديل :- اوك إستقبل الإتصال
قيس :- اوك
هديل :- شو رأيك
قـــيس :- والله بتجنني عن جد حلوه
هديل :- طيب إنت ما عندك كام ؟؟
قيـــس: لأ عندي
هديل :- طيب إفتحها أنا بدي شوفك كماان
قــيس:- محمد إبعد هيك شوي ما تبين على الكام
قـــيس :- اه شو رأيك فيني ؟؟
هديل :- حـــلو والله
قـــيس :- طيب بدي أسألك سؤال
هديل :- تفضل
قيـــس :- صح إنتِ محجبه ؟؟
هديل :- اه محجبه
قيس :- طيب ليه يعني مش لابسه الحجاب هسا
هديل :- ليش إنت زوج أختي حتى ألبسه قدامك ههههه
قيس :- ايوووووووووووووووووووووووووه كده يا وديييييييييييع أخيراً فهمت يا وديـــــع
هديل :- هههههههههههههههههههههههههـ مجنون
قـــيس :- طيب إفتحي المايك خلينا نحكي
هديل :- اوك
قيس :- ايش يا خسه
هديل :- هههههههههههه هلا
قـــيس :- ينعن أنا على هالصوت
هديل :- احم احم
قــيس :- والله إنك مزه
هديل :- ههههههههههه بعرف
قيس :- إنتِ عمرك حكيتي مع شباب
هديل :- حكيت بس مو حب هيك صداقه
قيس :- اها
هديل :- طيب هلا انتوا الشباب بيحكوا إنه نقطة ضعفكم كلمة " هئه " مزبوط ؟؟
قيس :- هههههههههههههههههههـ مين حكالكم هالحكي مش كل الشباب
هديل :- يعني إنت مو هيك ؟؟
قيس :- مش من كل البنات بتطلع حلوه
هديل :- طيب إسمع " هئه"
قيس :- يعني مش كتير
هديل :- بلا بياخه
قيس :- والله مش حلوه كثيررر عيديها
هديل :- هئــــــــه
قيس :- يسعد الله انا والله لابقتلك هيهيهيهيهيهيي
هديل :- هههههههههههههههههـ
قيس :- طيب إنتي بتعرفي تعملي أصوات غريبه
محمد :- شو يا أهبل أصوات غريبه
قيس :- يشير بيده قاصداً إسكات محمد
هديل :- كيف يعني أصوات غريبه ؟؟
قيس :- إحكي كلمة " اه " بس مديـــها قد ما بتقدري
هديل :- اااااااااه
قيس :- ينعن قلبي أنا
هديل :- ايش يعني هاد
قيس :- عيديها وبحكيلك
يشير بيده لمحمد
ليــسمعه ...
هديل :- ااااااااااه
قيس :- طيب محضرلك مفاجأه حلوه
هديل :- شو هي ؟؟
قـــيس :- تعال يا صاحبي تعال شوف بنت جيرانكم
محمد يضحك ويقـــول إيش ياااااااااااااااااااااا هدييييييييييييل يلي سايقه الشرف
إنصدمت هديل من ما حدث .. ولم تتفوه بأي كلمه
محمد:- والله لأحكي لإمك هههههههههههههه
قيس :- لأ يزم
هديل :- فعلاً إنك واحد واطي
قيس:- هههههههههههههههههههههههههههههههههههههههههههههههه
ولا شو مفكره يا أموره بدي أحبك مثلاً ؟؟
هديل :- يا حقيررررررررررر ولك أنا أمنتك هيك بتعمل فيني ؟؟
محمد :- إخرسي ولي ههههههههههههههههه
قيس :- يلا طيري
محمد :- شو تطير يا زلمه هيك ببساطه أنا طفــراَن
قيس :- والله وجبتها يا كبير ... إسمعي هدوووول بدي مصاري أنا
هديل :- تفووووووووووووووووووووووووووووووووو على أشكالك على أساس عندك معرض سيارات
قيس :- هههههههههههههههههههههههههههـ هو إنتِ لهالدرجة هبلة عندي معرض سيارات وبدي أحكي مع أشكـــالك
محمد :- إختاري أبعت الفيديو لأهلك ولا تجيبي مصاري وتحفظي شرفك
هديل :- ماشي يا حقير أنا بفرجيك أنت وياه
قيس:- يلا حبيبتي بنحكي بعدين
وأغلقَ قـــيس الجهاز ... قال قيس :- شو رأيك
محمد :- يخرب بيتك ولك دين ما عندك إنت
من وين بتجيب هالأفكار هاي قال أصوات غريبه هههههههههههههههههههههههههههههههههههههـ
قيـــس :- إتعلم يا كبيررررررررررررررر
محمد :- راح أجرب طريقتك ههههههههههههههـ
قيس:- هسا سيبنا من هالحكي ... يا زلمه ما في حواليــك شغـــل ؟؟
محمد :- والله يا حصتي حالياً لأ بس بشوفلك
قيس :- بشرفك لا تنساني قرفوني أهلي
محمد :- ولا يهمك
قيس :- يلا أنا بدي أروح
محمد :- بدري يا زلمه وين تروح
قيس :- بكفي قرفااان
محمد :- طيب بنحكي على الفيس
قيس :- ماشي يلا سلام
______________________
خـــَرَج قـــيس ... وكـــاَن يشعر بالندم على ما فعله مع هديل
لأول مره يندم على شيء فعـــله لا يدري لِماذاَ ..
يبدو أن قـــيس ليس راضي بما يفعله ... لكـــن لا يوجد طريقه للإنتــقام من حبيبته سوى هذه
بِداخله شيء دائمـــاً يدعـــوه للـــتوقف عن هذه الأفعـــال ...لكـــن قـــيس لم يضـــع أمام عينيه سوى الإنتـــقام
___________________________
وصـــل قــيس المـــنزل ومـــباَشرة دَخل لــغرفته وأغلقَ الباب
وفتـــح حاسوبه ... الأن قـــيس لا يفكـــر بـغير حنين وطريقة الوصول إليها
خطرت على باله فكره مجنونه شيء ما ... فكــرَ بأن يضيفها من " إيميل بإسم بنت " !!
وَفعــــلاً قام بــذلك ... لم تمضي دقائق حتى وافقت حنين على طلب الصداقه
_________________
" مش ملاحظين إنه حنين ما وراها إشي دائماً موجوده "
____________________
قال قيس في عقله هيك بعرف كل شي عنها ...
وفـــوراً بدأ بمحادثتها ...
يتبع ..






   رد مع اقتباس

قديم 10-04-2018, 11:50 PM   رقم المشاركة : 5
معلومات العضو
ملكة الحروف
مشرفة المنتديات العامة
 







ملكة الحروف غير متواجد حالياً

جزء الخامس
قـــيس :- مساء الخير
حنين :- مساء النور هلا
قـــيس :- كيـــفك ؟؟
حنين :- الحمد لله ...إنتِ كيفك ؟؟
قيـــس :- تمام ... إنتِ كم عمرك
حنين :- 21
قيس :- العمر كله
حنين :- وإلك يا رب ... إنتِ شو إسمك
قيس :- إسمي رهف
حنين :- عاشت الأســـاَمي
____________
طبـــعاً قيس فاقع من الضحك
_______________
قيس :- تسلميلي حبيبتي ..من وين إنتِ ؟؟
حنين :- من ......
قــــيس :- اها إتشرفنا مو بعيده عنا
حنين :- ليه إنتي من وين ؟؟
قيس :- من ....
حنين :- اها اهلاً فيكِ ... وإنتِ كم عمرك ؟؟
قيس :- عمري 20 ... بدرس ........
حنين :- والله حلو
قيس :- وإنتِ
حنين :- أنا بدرس ......
قيس :- واااااااو والله أنا كنت بدي متلك بس ما زبطت معي
حنين :- يلاَ نصيب شو بدك تعملي
قيس :- مزبوووط ...طيب أنا لاَزم روووح هلا ..بعدين بنكمل ..وإتشرفت بمعرفتك كتير والله وبتنمى نكون صديقاَت
حنين :- الشرف إلي والله ... أكيد
قيس :- يلا باي حبيبتي
حنين :- الله معك باي
____________________
أطلـــقَ قـــيس ضحكـــته .... وقال :- وهيك عرفنا وين ساكنه وعمرها وشو بتدرس
نياهاهاهاهاهاهاهاهاهاهاهاها ....
قـــاَم قـــيس بتسجيل الدخـــول إلى صفحتــه فــوراً ... ليحادث حنين ..!!
أرسلَ قيس رسالة إلى حنين كــَتب فيهاَ ..
أنا قيس عمــو يعني بس أحطك في راَسي بجيبك لو كنتِ في حضن إمك
رَدت حنين :- ههههههههههههههههههههههههههههههههههـ بشوف هيني بمكاني ما جبتني !!
رَد قيس :- بدي أشوف نغاشتك لوين بدها توصلك... إنتِ عمرك 21 صح
وبتدرسي ..... وساكنه في ... مزبوط ؟؟
إنذهلت حنين ..!! وقاَلت :- يخرب بيته كيف عرف ..!! أنا مش حاطه أي معلومات عني في الفيس
لـــَم يخطـــر على بال حنين أبداً أن من كاَنت تحادثها منذُ قليل قيس..!!
رَدت حنين بِرد على غير عـــاَدتها بِه شيء من الهزيمه
كتـــبت :- اممممممم عاادي يعني ما فيها شي هاي معلومات عاديه
وبعدين إنتً شو بدك مني حتـــى تدور وراي مثل هيك ؟؟
قيـــس :- شو بشوفك جلستِ ههههههههههههههههههـ لسه ما شفتي شي كل يوم راَح أعرف عنك شي
أنا ما بدي منك شي ... بس عاجبتيني ياَخي ...بحب البنت القويه بس بلشت تتغير فكرتي عنك بعد هالرد
_________________
إرتـــاَحت حنين لِرد قــيس ..!!
وكتبت :- ههههههههههههههههههههههههههههههههههـ لا عمو ما بجلس أنا ... بس الي عرفته عادي يعني مو هالشي يلي أخاف منه
وبعدين من وين لوين عجبتك بعرفك أو بتعرفني شي ... أنا عرفتك من البيج وكل الي حكيته مع كنت أسب عليك ..!!
ههههههههههه
قيـــس :- هههههههههههههههههههـ قولتيلي بتسبي علي ... شوفي أنا بتعجبني البنت الراكزه مش زي ما شفتي عندي في البيج كلهم ميتات علي
وأنا لما كنت أشوف تعليقاتك كنت أعصب منك وأتفاجئ .. لإنه ما ضل بنات مثلك يعني
رَدت حنين :- أنا ما تفكرني دقه قديمه ولا شي ..بس أنا ما بحب البنات الي زي هيك
يعني عدم المؤاخذه إنتَ مين حتى تعرف لون شعري مثلاً ..!! هاي وجهة نظري مش أكتر
_______________________
بهذِه السٌرعه سَيطرَ قيس على حنين ..!!
مُجرد كــَلماَت لا معنى لهاَ ... تنـــازلت حنين عن رأيها في قيس
وبدأت تتحدث معهُ بِلطف ..!! إلى أين نهاية هذاَ الحديث ؟؟
____________________
لَم يرد قـــيس ... !!
لَدى قيس أسلــوب يجعـــل أي فتاه تتــعلق بِه من محادثه واَحده
دونَ أن تراَه أو يراَها ... مٌجرد صـــَف حروف لا معنى لها ..!!
لكـــن أنا لا ألوم قـــيس ...بـــَل أضـــع الحـــق عـــلى كُل "بنت" بـــمجرد أن يحادثها شـــاَب بِلطف
تُحبه ..!!
______________________
إستغـــربت حنين لعدم رد قــيس على رســـاَلتها ... وأرسلت
شو قيس وينك ؟؟
______________
لَم يجبها قيـــس وأدركَ جيداً أن حنين وقعت ...!!
___________________
سمع قــيس صوت أخته دعاء تناديه ...
ذهب قيس إليها
قـــيس :- شو بدك ؟؟
دعاء :- بابا وماما طلعوا ... وأنا مليت وانا لحالي .. بدي أروح عند الجيران شوي ما بطول
قيس :- طيب ماشي بس ما تطولي ..
_____________________________
دعاء ذهبت لصديقتها ... حتى تدخل إلى الفيسبوك وتحادث الشاب على حسب الموعد المتفق عليه
يتبع .....






   رد مع اقتباس

قديم 10-04-2018, 11:54 PM   رقم المشاركة : 6
معلومات العضو
ملكة الحروف
مشرفة المنتديات العامة
 







ملكة الحروف غير متواجد حالياً

جزء السادس
قـــررت هديل أن تتوسل لقيس وتتحاَيل عليه حتى يتـــركها وكـــأن شيء لم يكن ..!!
هديل :- قيس ممكن طلب
قيس :- هههههههههههههههههـ شو هدوول شو بدك ؟؟
هديل :- قيس مشان الله إتركني بحالي ولا تبعت الفيديو لأهلي ..أنا وثقت
فيك يا قيس ليه هيك عملت معي
قيس :- أنا جنس حوا كله بدي أنتقم منه وما تسأليني ليه
هديل :- طيب مشان الله إتركني والله أهلي بيذبحوني لو عرفوا ... أنا عندي جامعه بدي ا
كمل دراستي ... مشان الله يا قيس .. ولا تخلي محمد يلعب في عقلك
قـــيس :- خلص بفكر في الموضوع
هديل :- لأ قيس ما بدها تفكير ... بتقبل لأختك يصير معها هيك ؟؟
قيس :- لا تجيبي سيرة أختي ... أختي أشرف من أشكالك ..
هديل :- طيب انا أسفه ... بس إعتبرني أختك يا قيس
قيس :- فشرت عينك تكوني أختي ... وأنا إذا بدي أتركك بتركك بمزاجي ما بستنى إذن من محمد
هديل :- طيب يا قيس أنا وحده صــايعه متل ما بدك ... بس بترجاك إتركني ما تضيعلي مستقبلي
قـــيس :- خلص روحي
هديل :- يعني خلص ما راَح تعملي شي ؟؟
قيس :- اه
هديل :- عن جد شكراً قيـــــــــس شكراً كتيرررررررر... وبترجــاَك خلي محمد يبعد عني
قـــيس :- خلص ما عليكي من محمد عندي
هديل :- طيب بدك مقابل إشي ؟؟
قيس :- لا تخليني أغير رأيي خلص رووحي
هديل :- طيب مره تانيه بشكرك قيس ... وأنا أسفه اذا أزعجتك ... باي
______________________________
قيس :- محمد شو بدي احكيلك خلص سيبك من هديل
محمد :- نعم ؟؟؟؟؟؟؟؟؟
قيس :- زي ما بحكيلك سيبك منها
محمد :- شو مالك قيس كيف يعني سيبك منها ..؟؟
قيس :- خلص البنت إترجتني يا محمد وأنا وعدتها إني ما أعملها شي خلص إنساها
محمد :- زي ما بدك بس أنا ... لسه ما خلصت منها
قيس :- محمد بحكيلك يا زلمه البنت اتحامت فيي شو مالك ؟؟؟؟؟؟
محمد :- قيس هو على كيفك الشغلة ؟؟
قـــيس :- محمد بحياة امك سيبك منها بحكيلك عندي البنت خلص
محمد :- طيب ماشي يا قيس زي ما بدك
قيس :- زلمتي محمد مش تزعل بس خلص إنساها شوفلك وحده ثانيه .. مش حكتلي إنك زبطت وحده ساكنه في منطقتنا خلص شوف شغلك معها

محمد :- هههههههههههههههههههـ هيني قاعد بحكي معها ... بس يزم شكلها هبلة البنت ولا فاهمة علي شي

قـــيس :- هههههههههههههههههههههههـ يزم كل بنات حارتنا هبايل ولا كان ما فورتهم أنا

محمد :- بس يزم انا حظي زفت ما عندها نت في البيت .. أو كأنه أهلها ما بيخلوها تفتح نت مش فاهم عليها بالزبط

قيس :- طيب هات أزبطلك اياها هههههههه

محمد :- مفكرني اهبل ... عشان تسرقها مني عارفك حيوان

قيس :- الله يســاَمحك ...

محمد :- بدها تبعتلي صورتها إلي ساعه يزم بترجى فيهاَ ...

قيس :- ههههههههههههههههههههـ الله يخزيك يزم ما أهبلك حكتلك ما تطلب إنت

محمد :- شكسبير إطلع من راَسي وسيبنا من أساليبك بدي ازبطها بأسلوبي

قيس :- طيب بس تبعتلك الصوره إبعتلي اياها يا كبيررررررر بلكي بعرفها البنت

محمد :- ماشي

قيس :- خلص هسا إطلع من راسي بدي أشوف حنين زلمتي الجديده

محمد :- هههههههههههههههههـ الله لا يشبعك ... ولك على أساس ثقيلة البنت

قيس :- بعدين بحكيلك

محمد :- ماشي
_______________
كـــتب قـــيس في " البيج "

وأخيراً لقيت فتاة أحلامي xD

وتــاَبع التعليقــاَت ...

مبروووووك يا كبير

مبروووك قيس

مين هي ؟؟

أكيد زنخه متلك $:

تعليق من حنين :- اهاااااااا
____________________
أرسلت حنين رساله لـــقيس :- مبرووووووووك قيس والله فرحتلك

ردَ قـــيس ... الله يبارك فيكِ أنا لقيتها بس هي ما لقيتني ..!!

رَدت حنين :- ههههههههههههههـ كيف يعني صارت هاي ؟؟

قـــيس :- يعني أنا في وحده عجبتني بس يبدو أنا مش عـــاَجبها ... بعدين صحيح بدي أسألك إنتِ دايما على الفيس هههههه؟؟

حنين :- لك لأ أكيد راَح تعجبها ... بس إنت حاول تغير أسلوبك يعني بالعربي ما تكون ثقيل دم هههههههه ... وبعدين أنا دائماً على الفيس بفتح من التيلفون ..وهالفتره ما عندي إمتحانات

قيس :- هههههههههههههـ الله يسامحك أنا ثقيل دم ... أصلاً الي بحكي عنها قاعد بحكي معهاَ هسا بس عامله حالها مش عارفه

حنين :- اها اوك ... طيب أنا بدي أروح هساَ

قيس :- خليكِ بدري

حنين :- بعدين برجع
____________________
أيقنت حنين أن قيس يقصدها ... ولم تذهب بَل ... حــاولت التهرب من الحديث ..!!

إتصلت على أعز صديقاتها

حنين :- مساء الخير حبيبتي

ســـاره :- هلا حبيبتي كيفك

حنين :- تمام

سارة :- شو عامله

حنين :- ولا شي ... بس بدي أستشيرك بشغله

ساره :- الله يستر من شغلاتك

حنين :- لأ شغله عن جد

ساره :- إحكي حبيبتي شو في

حنين :- في شب إتعرفت عليه في الفيسبوك ... أول شي كنت أبهدله ..لإنه بوستاته زنخه ..المهم وكان يضل يرد علي بمسجات تافهة

وأنا أغلط عليه ... وبعدين فجأه غااب فتره .. ورجع بعتلي مسج بيحكيلي إنه عرف كم عمري ووين ساكنه وشو بدرس

وعن جد طلع صح .. وبعدين صار يحكيلي انا بتعجبني البنت الي متلك يعني إنه عشان ثقيله ومن هالحكي

وهسا بيلمحلي إنه معجب فيني وأنا إتهربت منه

ساره :- اهاااااااااااااااا امممممممممممممم حبيبتي سيبك منه الحب في النت إبعدي عنه اذا بدك نصيحتي

حنين :- بس كــأنه الشب منيح

ســـاره :- حنين بلا هبل إنتِ شو عرفك انه منيح أو لأ لا شفيته ولا شافك ولا بتعرفي عنه شي

حنين :- بس الصراَحه ما بعرف أنا حاسه إني بلشت أميل لإله

ســاَره :- إنتِ بدك تسشيريني صح ؟؟ خلص لا عاد تردي عليه ولا تحكي معه

حنين :- امممممممممممممممم ما بعرف

ساره :- إنتِ شكلك بدك ياه ..طيب إبعدي عنه يعني إثقلي عليه ما تبينيله إنك مهتمه فيه لا تردي عليه كل ما بعتلك مسج

حنين :- طيب ماشي خلص بنكمل حكي بكرا في الجامعه

ساره :- ماشي

حنين :- باي
_________________________
ســـَمع قيس صوت والده ينــاَديه ...

قيس :- نعم

الأب :- شو وين أختك ؟؟

قيس :- راَحت عند الجيران هون

الأب :- طيب روح ناديها
_________________
قبلَ ان يذهب قيس دخلت دعاء ... مُرتبكه للمنزل

سألها والدها :- شو مالك ؟؟

دعاء :- لا ولا شي بابا بس تعبانه شوي ... يلا أنا بدي انام تصبحوا على خير

الأب :- عيلة مجانين
______________
عاد قيس إلى غرفته ووجد رساله من صديقه محمد

محمد :- ياااااااااااااا كبير بعتتلي صورتهاَ

ضحك قيس وقال الله يشفيك

قيس :- طيب هات إبعتلي يا كبير أشوف

محمد :- ولك بنات حارتكم مزز طلعوا

قيس :- هههههههههههههههههـ زي بنت حارتكم هديل

محمد :- شوف يا كبير

قيس :- هاات يا معلم

محمد :- وصلت ؟؟

قـــيس ؟؟

قـــــــــــيس مصدوووووووووم..!!

محمد :- ولك وينك وصلت ؟؟

قيـــــــــــــس
يتبع ....






   رد مع اقتباس

إضافة رد

مواقع النشر (المفضلة)


جديد مواضيع قسم منتدى القصص والروايات الاكثر شعبية
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:56 PM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير