العودة   منتدى النرجس > المنتديات الأدبية > منتدى القصص والروايات الاكثر شعبية



إضافة رد
 
LinkBack أدوات الموضوع
قديم 10-04-2018, 11:30 PM   رقم المشاركة : 1
معلومات العضو
ملكة الحروف
مشرفة المنتديات العامة
 







ملكة الحروف غير متواجد حالياً

 

Sss4 حب الكتروني - بداية كل شيء - بدايه خداع ثم... صدمة كما تدين تدان قصة رووووعة


حب الكتروني
الحُب عـــبر الإنتـــرنت البعض مِنا لا يؤمن بِه أبداً
والبعـــض جربه ...وكــان مصير العلاَقه الفشـــل
لأسباب عـــده ... تكتــشف أنك أحببت شخـــص مُســـتعـار
لا عِلاقة له بماَ يمثله خلف تِلك الشاَشه ..!!
أترك لكم البقيه في القصه
______________
القصة عبارة عن 12 جزء ورح انزل كل اجزاء بردود لحتى تقرءوها كاملا
الجزء الاول
قـــيس شـــاب عمره 20 عاَم مُدمن إنتـــرنت
لا يفعـــل شيء في يومه سوى تَصفح الإنتــرنت
لَم يكمل تعليمه بسبب عشقه وإدمانه للإنترنت .. أي أنه كان يوهم والديه بأن ذاَهب للمدرسه..ويذهب إلى مقاهي الإنترنت !!
حتــى إنكشف أمره ... بعدما تم حِرمانه من الدراسه بسبب الغياب المتــواَصل
ولم يفلح بأي عمل ..!!
مفـــهوم الإنترنت لديه هو " لصيد المزز" !!
____________________
إستيقـــظ قـــَيس مِن نـــومه على صوت هـــاَتفه
إتصـــاَل مِن إحد أصدقائه
قـــيس :- هلاَ يا كبير
محمد:- شكلك ناَيم
قيـــس :- لأ عادي
محمد :- طيب بدك تفتح الفيسبوك ولا لأ أنا بستناَك
قـــيس :- ربـــع ساَعه وبفتـــح
____________
ذهب قـــيس "للمطبخ " وأعدَ قهوته
وعاَد إلى غـــرفته لِيبدأ يومه الإلكتروني ...
ضـــغط زِر تـــشغيل الحـــاَسوب وبـــدأ يومــه
المـــوقع المفضل لديه هو " الفيسبوك "
أي أنه كمـــاَ يصفه " مكـــاَن تجــمُع المزز ..!!
بدأ بالدردشة مـــع صَديقه
قـــيس :- صــــباحو ياَ غالي
محمد :- هلا يا كبيـــــــرز شو نايم لهساَ
قـــيس :- يزم ضـــليت لــ الأربعه الصُبح سَهراَن
محمد :- ولك روح شوفلك شغـــله إشتغلهاَ بَدل ما إنت قاعد زي الولايا في الدار
قـــيس :- محمد بالله عليك مش ناَقصك خليني راَيق بكفيني أبوي وأمي
محمد :- ياَ زلمه أنا عشـــاَنك إنت مش صغير يا قيس العُمر بيمشي وإنت مش حاسس
قـــيس :- خلص بعدين بنحكي في هالمـــوضوع ... هساَ عرفتـــلي إسم بنت جيراَنكم هديل على الفيس ؟؟
محمد :- عيب ياَ صـــاحبي طبعـــاً عرفته وضفتها كمـــاَن
قــــيس :- هههههههههههههـ كبيررررررر محمد طيب هـــاَت يا غالي زمـــان ما زَبطت بناَت
___________________________
قــــيس هواَيته "تزبيبط البنـــاَت "
ويوهمهم بالحُب ... ثمَ يأخذ ما يريد .. ويرميـــهاَ
وداَئمـــاَ يردد ... "أعشقُ سجـــاَئري أكثـــرَ مِن أي شيء أخـــر ولَكن أدوسهاَ عندمــاَ أنتهي مِنها"
هذاَ مـــاَ يَقوله لِكل فتاه بَعدما يأخذ ما يُريد
لَم يكـــن قَيس يفعلُ ذلِكَ مِن فراَغ ..!!
ذاَت يوم أحب فـــتاه حَد الجـــنون .... تـــَعلق بهـــا جِداً
وهي أيـــضاً أحبتهُ أكثـــرَ مِن نَفسهـــاَ ولَكن ... تزوجت..!!
إعتبرَ قـــيس ما فعلتهُ خِيـــاَنة ... وَقرر الإنتــقاَم مِن كُل من تــَقول أنا أنثى...
______________
لـــدَى قـــيس صفحه ترفيهية عــلى الفيسبوك
مِنهاَ كـــاَن يـــصتاَد ...!!
____________
كـــتب قـــيس ...
" للمزز فـــقط إثبتي وجودك بلون شــَعرِك "
ويبدأن البنـــاَت بالرَد على ما قاَله ... وكلٌ منهم تكــتب لـــون شـــعرها ..!!
قرأ قـــيس تعليق لَم يُعجه مِن فتاة ... كــَتبت
" ما أتفه من الادمن إلا يلي بردوا عليه ... مين هو حتــى يعرف لون شعرك إنتِ وياها "
حـــذف قـــيس التـــَعليق ..!!
وعاَدت وكــتبته مرة أخرى ..
غــَضِب قــيس مِنها ... وَكـــتب .. " إنتِ شو حَشرك في الموضوع كُل واحد حر في حاله مش عاجبك المنشور ما تعلقي وإنتهى "
رَدت " فعـــلاً إنك تافه"
غـــضب قـــيس منهاَ ... وحذف التــعليق ... وأرسَل لهـــاَ رِسالة كــَتبَ فيها
" أنا مش راضي أغـــلط عليكي ... بَس إنتِ مش محترمه حالك بدك تعمليلي فيهـــاَ إنك مُلتزمه وشيخه سيبينا من هالحكي كله ما عجبك البيج إطلعي مِنه "
رَدت " لـــَو ســـمحت ما تبعتلي مسجــاَت أنا بحكي معك في البيج بتحكي في البيج إنتهى .. وأنا طلعت من البيج "
_______________________
يقول قيس لِنفسه :- بس هاي هي أنا بموت في الي مناَخريهم في السمـــاء
وأخر شي بتكون ميته حتى شب يحكي معهـــاَ يلا مش وقتها هسا..!!
_________________
إستـــلم قـــيس إشعـــاَر ... أن "هديل " وافقت على طَلب الصداقه
فَرِح قـــَيس .... وفــوراً قـــاَم بِمحادثتها
قـــيس :- مرحبـــاَ
هديل :- هلاَ
قــيس :- وأخيراً وصلتلك ..!!
هديل :- عَفواً .. مين حَضرتك
قـــيس :- بتعرفي محمد إبن جيراَنكم ..أنا بكون صاَحبه .. وشفتك مره وأنا عندهم وبصراَحه عجبتيني
هديل :- وكيــف عــرفت الفيس تاعي ؟؟
قـــيس :- لماَ أحط شي براسي بجيبه .. وخصوصاً ازا بنت حلوه مثلك
هديل :- طيب يا خطير إنت .. وشو بدك هسا؟؟
قـــيس :- بدي أتعرف ..!!
هديل :- طيب بمـــاَ إنك خطير وبتجيب كل شي المفروض تكون بتعرفني منيح
قـــيس:- لأ أنا بدي إنتِ تعرفيني
هديل :- بس أنا مو حابه أتعرف
قـــيس :- هو بالله لاَ توجعيلي راَسي ... بحكيلك عرفيني عن حالك
هديل :- عــفواً ؟؟
قـــيس :- معلش بس بَعصِب بسرعه
هديل :-اها خُفت أنا ... أنا إسمي هديل عمري 20 سنه ..
قـــيس :- شو بتدرسي ؟؟
هديل :- بدرس ..... وإنت ؟؟
قـــيس :- أنا إسمي قيس عمري 20 ...ما بدرس
هديل :- ليه ما بتردس ؟؟
قـــيس :- ليه أدرس وأغلب حاَلي شو بدي في الشهادة المصاري موجوده
هديل :- بس الشهادة ضروريه حتى لو في مصــاَري
قـــيس :- ما بتلزمني ... أنا عندي أكبر معرض سيارات في البلد شو بدي في الدراسه ووجع الراس
هديل :- واو ...
قـــيس :- مُرتبطه إنتِ؟؟
هديل :- لأ $:
قيس :- ولاَ أنا
هديل :- معقول شب عنده معرض سيارات ومش مرتبط
قــيس :- شو دخل هاي في هاي .. لسه ما لقيت الي بحلم فيها
هديل :- ان شاء الله بتلاقيها
قيس :- كأني لقيتها
هديل :- اها ... طيب أنا هسا لازم رووح بنحكي بعدين باي
قـــيس :- باي
____________
يقول قيس في عقله ... أنا مش عارف من وين بختــرع هالقصص قال معرض سيارات قال ... حق باكيت دخان ما معي

يتبع [/COLOR][/SIZE]






آخر تعديل ملكة الحروف يوم 11-04-2018 في 12:22 AM.
   رد مع اقتباس

قديم 10-04-2018, 11:37 PM   رقم المشاركة : 2
معلومات العضو
ملكة الحروف
مشرفة المنتديات العامة
 







ملكة الحروف غير متواجد حالياً

جزء الثاني
يفكــر قيـــس كثيرا بحبيبته التي تزوجــت ... وَكُلمـــاَ تَذكر فِعلتهـــاَ
إزداَد جُنونه .. لــَم يَجِد حلاً للإنتــقاَم سوى التلاَعُب بمشاَعر
من لـــيسَ لهُم عـــلاقه بِمـــاَ حــَدث ... ولكــن ذنبهم أنهم مِن نــَفس جنسهـــاَ
وأيقَن قـــيس مِن خٍلال تجربه واَحده أن جميعهم خائناَت ..!!
_____________________
عـــاَد قـــيس لِمحادثة صــديقه "محمد"
قـــيس :- حكيت مــع هديل
محمد :- كيف شُفتها ؟؟
قــيس :- ساقت الشرف أولهاَ ... وبعدين حسيتهاَ رَخت
محمد :- لاَ إنسى البنت خفيفه كثير ..
قيس:- يا زلمه اليوم وحده في البيج حرقتلي راسي على الأخر
محمد :- ههههههههههـ من إيمتى بنت بتحرق راَسك ولاَ ؟؟
قــيس :- يا زلمه بتقولي تـــافه !! عشان بسأل البنات في البيج عن لون شعرهم
بعتلها مسج على بروفايلها بهدلتها ... برضوا حرقتلي راسي في الرد .. مناخيرها في السماء
محمد :- إدعس عليهم يا كَبير لعبتك هاي القصص xd
قيس :- خليهاَ شوي مش وقتها خليناَ نشوف هدوول شو وضعها
محمد :- هههههههههههـ ماشي يا صــاَحبي .. إلك مصلحه في طلعه الليلة ؟؟
قـــيس :- أكيد يا كبير ... بس بدون نِت ما بقعد أنا
محمد :- ولاَ يهمك بجيب الابتوب والفلاشه ..وبنسلخها قعده في القهوة
قـــيس :- خلص ماشي يا حُب... بدي أنزل صورتي على البيج شو رأيك ؟؟
محمد :- نزلها يا كبيررر وشوف المزز كيف راَح يقطعوا بعض عليك
قـــيس :- ههههههههههههههههههههـ ماشي
_________________
قـــاَم قــيس بِتحميـــل الصوره إلى الصفحه ... وَتــابعَ التعليقــاَت
محمد :- ههههههههههههـ شايف كيف مش قلتلك راَح يقطعوا بعض
قـــيس :- يلاَ خلينا نسترزق ...
محمد :- ما تنسى صاحبك يا كبير
قيس :- ههههههههههـ ولو لعيونك
_______________
تفـــاجئ قــــيس بتعــليق من نفس "البنت"
كتبت فيه :- ومنزل صورتك كمــاَن على فكرة مُش كل شي الحلاوه والزلمه بينمسك من لسانه
وفعلاً يا بنـــاَت انكم بطلـــتوا تستحوا ...
غـــضب قـــيس جــداً ... ورد عليها
إنتِ وبعدين مــعك ؟؟ شو يلي بدك ياه بالزبط عامله فيها إنك شريفه وحالتك حاله
مش عاجبك البيج إنصرفي من هون ..
ردت عليه وكــتبت ... أنا شريفه غصباً عنك ولا مش متعود بنت تنتقدك
أنا مش تافهة مثل هدوول يلي ميتات عليك ... وأنا ما بدي أطلع من البيج حره أنا
مش عاجبك إعملي بلوك ..
قيس جَن جنونه مـــنها ... وحذف تعليقها .. وأرسل لها رساله على حسابها الشخصي
كـــتب فيهاَ ..
إنتِ شكلك نفسك تحكي مع شــب ...وبدك تعملي حالك ثقيلة وحالتك حاله
وما لقيتي غير هالطريقه .. ديري بالك أنا جنس حواء كله عارفه منيح وعارف كل قصصكم
ردت ...
ههههههههههههههههههههههههههههههههههههههههه فعلاً إنك أهبل .. إنت مفكر حاَلك شــب يعني ؟؟
أنه انا ممكن أتطلع عليك ؟؟ وبعدين أنا ما بعمل هيك حتــى أتقرب لأشكــاَلك بس أنا ما بقدر أشوف تفاهة وما أعلق عليها
وعلى فكره البنــات يلي عرفتهم ما تعتبرهم من جنس حواء .. لإنه حكوا مع أشكالك شو بدهم يكونوا يعني
قرأ قــيس الرســاَله وقـــال خلص دورك إنتِ هسا .. بدي أشوف أشكــالي شو راَح تعمل فيكِ..
رَد وَكــتب ... بــَسيطه أنا متـــأكد انك شبه إسفنجة الجلي
لهيك مش لاقيه حبيب يضبك وينظف ألفاظك ... بينك وبين الأنوثه جبــال ..وهاد كله كــَبت جاي تطلعيه فيني أنا بس مش عارفه مع مين وقعتي
رَدت ... ههههههههههههههههههههههه بتعرف إنك مسخره
لك حتــى رد مش عارف ترد زي الناَس ... يلا إوعى تبعت مره ثانيه مسج ما بدي أوسخ بروفايلي في هيك أشكال
قرأ قيـــس وقرر بـــدأ اللعبه مــَعها ... لــَكن كيف؟؟
يبدو أنهــاَ لــيست بِتلك السهولة التي تُمكنه من اللعب فيها ... لكــن لاَ يَصعب على قــيس أي شيء
فــَ هو فــعلاً تـــعـــاَملَ مع الكثير مِن الفتــيات ويــعرفُ جــيداً أسلوبهم ... ولكــن هي يبدو أنهــا مُختلفه ..!!
______________
دُقَ بـــاَب غــرفة قــيس ...
قيس:- مين ؟؟
أنا دعاء .... قــيس :- ادخلي
دعــاء:- قــيس بدي الكمبــيوتر شوي
قــيس :- إطلعي من راسي
دعاء :- ضروري بدي أعمل هالشغلة ما بطول
قـــيس :- أنا كم مره قولتلك الكمبــيوتر ما إلك قعده عليه .. مهو ناقصه الواَحد مصايب
دعاء :- مصــايب شو .. مفكرني صغيره .. أنا بعرف شو بــعمل .. أنا بدي أحكي مع صاحبيتي شوي
قـــيس :- بلا فلسفه وإتصلي عليها وإحكي معــها
دعاء :- أنا بس يجي بابا راح أحكيله الكمبيوتر مش إلك لحالك
قيس :- روووووووووووووووحي إنصرفي من هوووووون
__________________
زَلمه يا قــيس ...
يـبدو أن قــَيس يخــاَف على أختــه مِن الدخــول إلى عــاَلم الإنترنت ...
يخـــاَف أن يفــعل بها أحدهم مثلماَ يفعل هو
يــَعني أن قــيس يُدرك أن " كــَماَ تُدين تُدان"
وَيظــنُ أن الطريقه الأفضل لعــزلِ أخته عن هذه الأفعــال هو
عــدم دخولها إلى الإنترنت ..!!
___________________
نـــَفذت عــلبة سجــاَئره ... وقال في عقله هسا بدي أسمع أسطوانة كل يوم
ذَهبَ قـــيس إلى أمه وطــلب منها نقود
أم قيـــس :- ولك إنت ما بتستحي على حالك قَد الجحش وبتطلب في مصــاري من إمك ..
قــيس :- يما إرحميني في هالقصة كل يوم ...هو إنتِ بدك تذليني في هالقرشين
أم قيــس :- وهاد الي عامله في حالك مش ذل ... كل حياتك إنترنت وطلعات لنص الليل
ولك الي بعمرك صار عندهم أولاد ...
قـــيس :- طيب ماشي ... هسا أعطيني مصاري وبعدين بنحكي
أم قيس :- حسبي الله ونعم الوكيل بس ..
قيس :- طيب
عبوووووووووود ولك عبووووووود ... تــعال جيبلي باَكيت دخان
عبود :- حِل عني
قـــيس :- مش عيب تحكي لأخوك الكبير حل عني
عبود :- لأ
قيس :- حتى إنت مسترخصني يا زلمه .. خذ الباقي إلك
عبوود :- هات ماشي
يتبع.....






   رد مع اقتباس

قديم 10-04-2018, 11:39 PM   رقم المشاركة : 3
معلومات العضو
ملكة الحروف
مشرفة المنتديات العامة
 







ملكة الحروف غير متواجد حالياً

جزء الثالث

عـــاَد قـــيس إلى غُرفتـــه ...وَجد مُحاَدثه مِن هديل
كــتبت فيـــهاَ مرحبا ... كيفك ؟؟
وينك ؟؟
قـــيس ..
احم احم ..
كأنك مو موجود خــلص أنا بالليل بفتــح وبنحكي ..
قـــال قــيس في عقله ... بنحكي ليش ما نحكي
محضرلك مفاجأة الليلة ..
قـــيس يُفكِر الأن كيـــف يُسيطر على " حنين"
التي أغضبت في تعليقاَتها ... فـــكر كثيراً لــم يجد أي طريقه ..
يبدو أنها أصعب من ماَ يتـــوقع ... لكـــن بالتـــأكيد ســَيجد قــيس الطريقه..!!
طُرقَ باب غــرفة قـــيس ...
قـــيس :- فووووت
الأب :- شو يا باَشا ؟؟
قـــيس :- نعــم ؟!
الأب :- ليش ما تخلي أختك تقعد على الكمبيوتر ؟؟
قـــيس :- يابا خليها بعيده عن النت أحسن
الأب :- أختك مش صغيرة والكمبيوتر أنا ما جبته إلك لحـــاَلك
قـــيس :- يابا أنا بعرف كيف البنات على الفيسبوك ولشو بدخلوا
الأب :- طيب إستحي على حالك ..بتقـــاَرن الأشكـــال الي عرفتهم في أختك
قــيٍس:- مش هيك قصدي أنا
الأب :- إيمتى ما بدها خليها تفتح النت ... تفتحوا قداَمنا أحسن ما تفتحوا وراَنا
قيس:- ماشي زي ما بدك ... طيب بدي مصاري بدي أطلع
الأب :- بس بدك تعمل حالك زلمه في شغلاَت وشغلاَت ..ولك روح شوفلك شغلة
قيـــس :- أنا بدور على شغل
الأب :- لأشوف أخرتها معك .. تفضل
________________________
كـــتب قـــيس في " البيج"
في وحده في البيج حاطط عيني عليهـــاَ بس شكـــلها صـــعبه تُزبط معي \:
__________
وطبـــعاً البنـــاَت سريـــعاَت الذوبــاَن
وكل وحده تعلق مين ؟؟ مين ؟؟
عـــلى أمل تطـــلع وحده منهم ..!!
_____________
لكـــن قـــيس لم يكـــن يقصد أي واحده فيهم...
لكـــن وجد تــعليق من " حنين "
عـــِندماً قرأ إسمها غــضب جِداً دون أن يقرأ التعليق
يبدو أنهـــاَ ســـيطرت عليه قـــبلَ أن يُسيطر هو ..!!
نص التعليق كـــان :- أنا مش عارفه مين تعيسة الحظ الي بدها تقبل فيك
لـــَم يُجبها قـــيس ..!!
إتصـــال من صديقه محمد
محمد :- ايش يا معلم
قيــس :- هلا يا غالي
محمد :- يلا جاهز يا كبير؟؟
قيـــس :- هسا بدنا نطلع ؟؟
محمد :- اه الساعه 9 مالك ؟
قيـــس :- خلص نص ساعه وبكون عندك
___________________
أغلق الحــاسوب ... وأرتدى ثيــابه وَخرج ..
فـــرحت أخته دعــاء جِداً ... وذهبت وفتحت الحاســوب ..!!
قـــيس يمشي ويفــكر بــِ " حنين "
فـــَ هو يــعشق " البنت الثقيلة " كــَماَ يقــول
ولكـــن ليسَ بِقصد الحُب إنمــاَ حتــى يجــعلهاَ " أرخص من الفجل "
دَخلت دعاء مــوقع الفـــيسبوك ... وفــوراً بدأت المحاَدثه مــع شـــاَب ..
___________________
وَصلَ قــــيس لــمنزل صديقه محمد ... وجـــلسواَ على " ســَطح البيت "
محمد :- شو مالك شكلك مش على بعضك
قـــيس :- يا زلمه حرقتلي راسي هاي البنت الي حكتلك عنها الصبح ثقيــــــلة فوق ما تتصور
محمد:- يا زلمه شو قصتها معك هاي بتحكي عنها كثير شو مالك ؟؟
قـــيس :- بدي إياها بدي أكسرلها إياهم مناخيرها هدوول
محمد :- طيب ضيـــفهـــاَ عندك وشوف جرب إحكي معها
قـــيس :- دخلت على بروفايلها شكلها ما بتضيف شباب ... وهاد الي مصعب علي الشغلة
محمد :- يا زلمه سيبك منها ... هسا قولي هديــل فتحت معك كاميراَ شي؟؟
قــيس :- لسه ما حكيت معها منيح ليش؟؟
محمد :- يا زلمه طلبت منها تفتح الكام عملتلي فيها ام شرف
قــيس :- يا زلمه إنت أهبل عُمرك ما تطلب من بنت تفتح الكام
محمد :- بس برضوا ما راح تفتحها من حالها
قيس:- لأ بتفتحها ... وقدامك راح أخلي هديل تفتح الكاميرا
محمد :- طيب لنشوف ..
قيس :- هاتلي الابتوب
محمد :- صح شو بدي احكيلك .. يا زلمه إتعرفت على بنت ساَكنه قريب من منطقتكم قبل ما تيجي بشوي كنت أحكي معها
قيس :- إبعت يا كبير
محمد : فكنا منك يا زلمه بدي ازبطها أنا إلي
قـــيس :- طيب يا رخيص ماشي .. جيب الابتوب
محمد :- يلاَ ثواني
__________________
حــنين تنتظر الرد من قــيس... تعجبت لِعدم رده !!
وأرسلت لهُ رسالة كتبت فيها :- شو ههههههههههههـ ما عرفت ترد ؟؟
يبدو أن حنين مهتمه أيضـــاً لإمر قـــيس لكن لماذا؟؟
____________________
عاد محمد وأحضر الابتوب ...
دخل قـــيس لــِ الفيسبوك ... وقرأ الرسالة ..!!
قال قيس لمحمد :- شو بالنسبه ؟؟
محمد :- شو مالك ؟؟
قـــيس :- هاي البنت الي حكتلك عنها باعتلي مسج عشان ما رديت على الكومنت
محمد :- شكلها واقعه بتحكيلي ثقيلة ؟؟
قـــيس :- بدي أطنشها
محمد :- صح هاد هو
قــيس :- وبدي أفرجيك كيف راَح أزبطها
__________________
محمد :- هديل اون لاين ؟؟
قيـــس :- اه موجوده
محمد :- طيب يلا يا كبير فرجيني شطـــاَرتك
قيـــس :- ولا يهمك شوف يا غالي الفن
_________________
قيس:- مساء الخير
هديل :- هلا
قيس :- كيفك ؟؟
هديل :- الحمد لله
قيس :- اسف عشان ما رديت قبل شوي ما كنت موجود
هديل :- بسيطه
قيس:- طيب ما بدك تعرفيني على حالك ؟؟
هديل :- ما إحنا تعرفنا !!
قيــس :- طيب إنتِ ما بتفكري ترتبطي ؟؟
هديل :- مش قصة ما بفكر بس لسه ما لقيت يلي بدي ياه

يتبع........






   رد مع اقتباس

إضافة رد

مواقع النشر (المفضلة)


جديد مواضيع قسم منتدى القصص والروايات الاكثر شعبية
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:49 AM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير