العودة   منتدى النرجس > المنتديات الأدبية > منتدى القصص والروايات الاكثر شعبية



إضافة رد
 
LinkBack أدوات الموضوع
قديم 07-08-2018, 09:28 PM   رقم المشاركة : 4
معلومات العضو
وليدالحمداني
إدارة الموقع
 







وليدالحمداني غير متواجد حالياً

رد: أنوثتي ليست عورة +18 ـ قصة اغتصاب حقيقية

الجزء السابع ......

منى : مروة هلاء لو ليث عرف اني ماني بنت عذراء شو رح اعمل ..

#مروة: انا رح يموتني هاد السؤال .. انا مافيمي قلك شي لانك مالك ذنب وكنتي طفلة ومازلتي طفلة ..عم فكر اخدك لشي دكتورة تعمل ترقيع ..

#منى : ترقيع شو يعني

#مروة : بترجعلك غشاء بكارة تاني

#منى : شلون هيك يعني مارح يعرف بس هاد حرام وكدب رح ننكشف ,,

#مروة : انتي مالك ذنب مارح ننكشف لانو ماحد بيعرف بالقصة الا انا وانتي والحقير سيف .وهو مارح يستجري يقول شي هالمخنث المريض ..

(كلام مروة ريحني كتير وبلشت فكر بهاي السيرة بس ماكنت احتاجها لان ليث ماكنت شوفوا بالمرة اذا اجا متل العادة بياخد تيابو وحرامو وبفوت غرفتو يحكي مع حبيبتو ,,

#منى : فيني ادخل

#ليث : ماشي حبيبتي شوي وبحكيكي .. اي ماني عرفان شو بدها لا لا تخافي والله على وعدي لالك والله ..ماشي رح اترك الخط مفتوح ..

#منى : اسفة ماكنت بعرف انك بتحكي تلفون خلص من تكون مانك مشغول بحكيكي ..

#ليث : لا تعي قولي في شي مهم ..

#منى : رايحة بكرة مع مروة من بعد اذنك على السوق

#ليث : ماشي اذا بدك فلوس انا كل يوم بترك لالك على الطاولة مصروف ليش مابتاخديهن مابكفو زودهن لالك,,

#منى : لا يسلمو مابحتاجهن ..تصبح على خير

#ليث : اها حبيبتي معك متل ماسمعتي ,...مسكينة مشان تشتري كم غرض لا لا والله مابجيب شي ,,انا بتركلا وهي بتجيب..

((كلام ليث مع حبيبتو اثر فيني شوي بس مانو مهم كتير بس باين انها بتغار عليه ومابدها حتى يهتم لو ذرة فيني على العموم مو مهم كتير ,,,تاني يوم اطلعت مع مروة لعند الدكتورة وعملت المطلوب .,,مابعرف شلون وقتها رجعت نفسي قويةنوعا ما وماعدت اخاف من شي ..صح شي غلط بس برجع بكرر ماكان ذنبي ...ارجعت على البيت اللي بلشت اكون فيه هادية ومرتاحة وانام بدون خوف لدرجة صرت انا اطفي النور واترك الباب مانو مقفول ماعدت خاف من اي شي رح يصير معي ... ليث كان كارهني على الاخر ومانو طايقني بتاتا ,, او مابحب يقعد معي قلبو وعقلو وكل شي مع حبيبتو ,,مرقت الاشهر على هاد الحال وكان امي ماتاركني بحالي تجي تسال ليش لهلاء ماحملت وتعملي قصص وسيرر.. وبدها تاخدني على الدكتورة بدها تخرب كل شي عملناه..

#ليث : مرت عمي نحنا ماناويين نجيب اولاد هلاء بدنا نننبسط بحياتنا

#امي : يوووه هو في احلا من الاولاد بالحياة شووف انا جبت 6 شباب وطاير عقلي فيهن ,,

#ليث : اي الله يفرحك فيهن ..عن اذنك مرت عمي طالع عندي مشوار ,,

يتبع .....






   رد مع اقتباس

قديم 07-08-2018, 09:29 PM   رقم المشاركة : 5
معلومات العضو
وليدالحمداني
إدارة الموقع
 







وليدالحمداني غير متواجد حالياً

رد: أنوثتي ليست عورة +18 ـ قصة اغتصاب حقيقية

الجزء الثامن

#امي : يووه شو هاد شو هالصهر هاد روحو بأنفو .. اسمعي يا بنت جيبي لحقي صبي الراجل مابربطو الا الاولاد .. بكرة بتركك وبتزوج عليكي ليكون بيعمل موانع ولا بتشربي يابنت شي اياكي اصحك هاا لما يقلك اشربي شي لاتقبلي دحوشي هون وهون ..اسمعيبدي جيب الداية فخرية تفحصك لتعرف متى بتنزل البويضة الذكرية مشان تجيبي صبيان ....بحكي مع حيطان انا ..رح روح جيب الداية فخرية وراجعة ...

(طلعت امي اتجيب الداية فخرية تفحصني وهاي مصيبة تانيو ماكنت عاملة لالها اي حساب ..نزلت بسرعة لعند مروة لاخبرها باللي بدو يصير...من قابلت مروة خافت وقالت \

#مروة : رح ننكشف بس مافي الا مرت عمي تعي ننزل لحماتي تعي ...

|(انزلنا لعند مرت عمي وخبرتها مروة انو امي رايحة تجيب داية على البيت تفحصني وانو ليث مابحب هالشي واذا عرف بدو يطلقني ..مرت عمي خافت لانها مابدها ليث يطلق ويرجع لحبيبتو ..بقيت مرت عمي تنطر الداية على الباب ؟؟

#حماتي : اهلين داية فخرية شو جابك لعنا اهلين ام سيف شو صار نورتوا اتفضلو

#امي: هاي الداية فخرية جاي تفحص بنتي لبنى مشان الحمل

#حماتي : يوووه يا ام سيف ..بصراحة ابني مابدو يجيب اولاد البنت بعدها صغيرة وهو صغير مانو مستعجل لهيك شي بعدين هو وصانا ماناخد منى لاي دكتور اتفضلو اشربوا قهوة ..

(مرت عمي حلت القصة والحمد لله انا بلشت اتعود على ايامي هيك ..فيق الصبح رتب البيت واغسل تياب ليث واكويهن وجهز الغدا وفوت غرفتي ..او انزل عن حماتي اهتم بصحتها كانو يحبوني كتير عمي ومرت عمي والكل يحترمني ..ماكانت تطلع العيبة مني حتىضيوف حماتي ينبسطو ويطلعو يشكروا فيني ..كان ليث من يكون ضيوف عنا كان يبين قدامنن انو مهتم فيني ومرتي ومن هالحكي لان الكل كان يحسدو على الاهتمام اللي هو فيه ..مرق على علاقتي مع ليثت 6 شهور وهو بغرفة كانت علاقتي مع ليث شبه اخوية بحياتيماشعرت بأمان او براحة الا بوجودوا اليوم اللي مايكون بالبيت فيه ما اعرف نام ابقى خايفة لعند مايرجع كنت يوم عن يوم عم اتعود عليه كنت انا معو بس هو مانو معي كنت شوفوا كل شي حلو بحياتي وهو كان يشوفني كل شي مظلم بحياتو بقي حالو مع حبيتو لاشهر يكون عم ياكل ويحكيها تلفوت يفوت ينام يكون عم يحكيها تلفون ماكنت اغار كنت مستسلمة للامر بشكلعفوي المهم انو ماعاد هاداك الكابوس اللي اسمو سيف بحياتيا ...|






   رد مع اقتباس

قديم 07-08-2018, 09:30 PM   رقم المشاركة : 6
معلومات العضو
وليدالحمداني
إدارة الموقع
 







وليدالحمداني غير متواجد حالياً

رد: أنوثتي ليست عورة +18 ـ قصة اغتصاب حقيقية

الجزء التاسع

(اتصال امي هو اللي سم لالي بدني ..حلف يمينها انها اتزوج اخي سيف مرة تانية على مرتوا لميس هو اللي قهرني بس اللي مستغربة منو شلون لميس كل هالمدة ماشكت من سيف معقول تغير معقول منيح صار ...مرق هاداك اليوم وانا مابعرف شلون مرةمن صوت الطنة والعراضة اللي كانت بفرح ليث كان عم يرقص وينط وهو مانو مسدق حالو ..ومن شفت تولين اللي كانت عم تطلع فيني من فوق لتحت بقرف ..بصراحة اول مرة احكم على بنت انها حلوة او لاء بس ماعرفت شو اللي حبب ليث فيها كانتمانها حلوة بس كانو تيابها من اغلى مايكون ,,مرق الاسبوع الاول وانا كل شي كان عم يدور بالشقة عند ليثت وتولين كنت اسمعو حتى نغمت الفراش كنت اسمعها ...ضحكاتهن وتدليع ليث لتولين ..وكانت من تنزل الدرج يسبقها ليحملها ..شغلات اول مرة شووفها واشوف انو في زووج ممكن يكون مع مرتو هيك ... بيوم كنت عم اكوي تياب ليث لانو كان يجيبهن لعندي اغسلهن لان تولينكانت تقرف وترفض تعمل شي متل هيك ...وانا من اكوي بكون بالغرفة الخارجية اللي بتطل على باب قسم ضرتي تولين ..\

#تولين : انا ماعاد فيني امك هاي فيها شي

#ليث : حبيبتي هاي امي مافيني زعلها بعدين هي ببيت وانتي ببيت وهي مابتطلب منك غير الاحترام بعدين كلمتك لالها ماحلوة يعني عيب تقولي لامي من تموتي بدي زوج حماي يعني غلط اكيد رح تزعل ..

#تولين : انا كنت عم امزح بيبي هي مابتتحمل المزح بعدين كلنا مييتين ههه اليوم وين حبيبي بدو يطلعني اتغدا حياتي انا مابحب مطعم الروتس ولا الكنج ازهقتن ,,

#ليث : حياتي مابقيان من راتبي شي كلن صرفتن بالمطاعم ,,

#تولين : من كنت دقلك كنت تترك لهانم اللي جوا مصاري بس من اطلب منك حق اكل ماعاد فيه اذا كنت عارف انك مانك من توبي ليش علقتني فيك اااه \

#ليث : حبيبتي لاتبكي والله مابحب شوف دموعك بعدين انا اللي كنت اتركهن لمنى كانو مابتجاوزو حق ساندويشة من محل شعبي ..بس كل وجبة بناكلها انا وانتي باليوم عن 60 وجبة متل يلي اعطيهن لالها انا حبيبتي مابحاسبك على الاكل بس انا اشتهيت شي من ايديكي الحلوين..

#تولين : انا مابعرف اطبخ

#ليث : اتعلمي انزل لعند امي واتعلمي منها ..

#تولين : لا مابدي انزل تحت لعندها امك مابتحبني ليش ماتخلي منى تطبخ وتجيب لالنا الاكل فكرة حلوة ما..






   رد مع اقتباس

إضافة رد

مواقع النشر (المفضلة)


جديد مواضيع قسم منتدى القصص والروايات الاكثر شعبية
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:58 PM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير