العودة   منتدى النرجس > المنتديات الأدبية > منتدى القصص والروايات الاكثر شعبية



إضافة رد
 
LinkBack أدوات الموضوع
قديم 07-08-2018, 10:09 PM   رقم المشاركة : 1
معلومات العضو
وليدالحمداني
إدارة الموقع
 







وليدالحمداني غير متواجد حالياً

 

Questionmark ليلة شؤم ـ بقلم أمل أحمد

ليلة شؤم ـ بقلم أمل أحمد







(الجزء الاول)

السيارة عم تمشي باقصا سرعة ع الشارع العام.. جواتا شب باول عمرو.. الغضب والقهر باين بعيونو.. عم يسوق ويضرب بئيدو ع مقود السيارة... وبعد بشوي فتلت السيارة فيه وقلبت....

رهف: يا ربي شو رح يصير هلأ.. شو رح يعمل.. لك الله يلعنك يا قيس الله يلعنك..

دق تلفونا لرهف...

رهف: الوو.. مين معي.. اي انا.. علاء.. شبو ..شوووووو.. بايا مشفى.. جايي فورا

سكرت الخط واخدت مفاتيح سيارتا وطلعت ...

رهف: الوو... قيس.. علاء عمل حادث.. والله ازا صرلو شي لابعتك لجهنم بئديي..

سكرت الخط بعصبية وكملت طريقا ع المشفى.. وصلت المشفا ودخلت متل المجنونة...

رهف: مرحبا.. مريض اسمو علاء الحمصي بايا غرفة

الريسبشن: بالعناية المكثفة حبيبتي

راحت ركض وهي متدايقة ودموعا ع خدودا..

رهف: انا السبب.. يا ربي حميه يا ربي حميه.. مرحبا دكتور ..كيفو علاء

الدكتور: مين حضرتك

رهف: انا خطيبتو

الدكتور: والله وضعو صعب كتير.. الضربة ع راسو ..دعيلو

ما قدرت توقف ع اجريها.. قعدت ع المقعد يلي باب الغرفة وغطت عيونا ودموعا عم يهرو ع خدودا..
مسكت تلفونا ودقت ع حماتها...

رهف: مرحبا مرت عمو

حماتها: اهلا حبيبة البي.. كيفك

رهف:..........(تبكي)

حماتها: خير يا بنتي ..شبك

رهف: مرت عمو علاء بالمشفى

حماتها: شووووووووو.. شبو ليه بالمشفى وبايا مشفى

رهف: هو بمشفى......... صار معو حادث

حماتها: يا ربي لطفك.. ليكني جايي يا عمري

دق تلفونا لرهف...

رهف: والله لانهيك ..والله لامحيك عن وجه الدنيي.. لا عاد تدقلي

قيس: رهف صبري شوي

رهف: لك ليه هيك عملت ..ليييه.. علاء بين الحياة والموت بسببك

قيس: بايا مشفى انت

رهف: ماااااااا دخلك.. ما بدي شوفك ابدا

فصلت الخط بوشو بعصبية..

رهف: لك الله يلعنك

بعد بشي نص ساعة...

حماتها: رهف.. وينو علاء فهميني كيف هيك صار

ضمتا لحماتها وهي عم تبكي...

رهف: هو بالعناية المكثفة هلا.. دعيلو

قعدت حماتها ع المقعد وهي مانا قدرانة توقف..

حماتها: يا ربي سلم يا ربي سلم

رهف بنت حلوة من عيلة اكابر ..وعلاء هو وحيد امو الارملة وكمان من عيلة اكابر ..وبكون خطيبها لرهف.. وقيس رفيقن

وضع علاء كتير صعب.. حتاج لوحدات دم كتير.. مضا طول الليل وهو بالعناية.. والدكاترة ملبكين فيه..

ابو رهف: مسا الخير

ركضت رهف لعند بيا وضمتو وهي عم تبكي

رهف: علاء يا بابا علاء

ابو رهف: طولي بالك يا بنتي.. ليه ما خبرتيني

رهف: تلبكت كتير وما عرفت شو بدي اعمل

طلع الدكتور من الغرفة..

الدكتور: وضعو استقر الحمد لله

ام علاء: الحمد لله.. الحمد لله(تبكي)

رهف ضمتا لحماتها ..

رهف: يااا رب

الدكتور: هلا ما بدي انزعلكن فرحتكن.. بس ضروري تعرفو انو يمكن يكون عندو اما شلل او فقدان ذاكرة.. بس ليصحا وبنتاكد

رهف: يا ربي دخيلك يا الله

(الجزء الثاني)

رهف نايمة ع سريرها.. غفيانة والدموع بعيونها.. دق جوالها....فاقت مفزوعة من نومها..

رهف: لؤي.. لؤي

اطلعت بتلفونها..

رهف: الله ياخدك.. الوووو

قيس: صباح الخير

رهف: لشو دقيت.. شو بعد بدك مني.. علاء ووصلتو للمشفى.. شو بعد بدك

قيس: رهف بدي شوفك

رهف: انت اكيد جنيت.. لك فهاااام.. انا بكرهك ..بكرهك

قفلت الخط.. وبكيت بحرقة...
دقت لحماتها..

رهف: صباح الخير مرت عمو

ام علاء: هلا يا روحي

رهف: لساتك بالمشفى؟

ام علاء: اي يا روحي بالمشفى

رهف: نص ساعة وبكون عندك

لبست تيابا وطلعت من غرفتا..

رهف: صباح الخير ماما

ام رهف: هلا ماما.. كيفك يا روحي

نزلو دموعا ...

رهف: مو منيحة ماما ابدا.. قلبي تعبان.. تعبان كتير

قربت منا امها وضمتا..

ام رهف: يا روحي.. هدي شوي.. لا تخافي رح يصح ويرجع متل اول

رهف: كابوس يا امي كابوس .. ما بعرف كيف وصلنا لهون

ام رهف: رح ينتهي هالكابوس ويصير ذكرى يا عيوني.. لا بقا تبكي.. رح اجي معك ع المشفى

مسحت رهف دموعا ومشيت ع سيارتا.. راحو سوا هي واما ع المشفى..

ام رهف: ما بدك تحكيلي شو صار

رهف: (تبكي) يلي كنت خايفة منو صار

ام رهف: قيس.. موو

رهف: اي هو

ام رهف: انا قلتلك من قبل وما سمعتي الكلام

رهف: امي بترجاكي لا تزيديها علي.. انا عم مووووت

ام رهف: سلامة قلبك يا روحي

وصلو المشفى ونزلو سوا....

رهف.. ام رهف: صباح الخير

ام علاء: صباح النور

ام رهف بوستا لام علاء...

ام رهف: ما ع قلبو شر.. ربي يشافيه ويعافيه

ام علاء: يا رب

رهف: رجعي ع البيت مرت عمو خدي دوش وغيري تيابك وريحي شوي.. انا ببقى هون

ام علاء: ماشي يا روحي.. ازا صار شي حاكيني فورا

رهف: ماشي مرت عمو

بقيو ع هالحالة يومين... وعلاء لسا غايب عن الوعي وباليوم التالت..

الدكتور: هاي علاء فاق.. فيكن تشوفو

رهف: الحمد لله.. الحمد لله

الدكتور: باينتو فاقد الذاكرة.. بدكن تتعاملو معو بحذر ..ولا تضغطو عليه

رهف: (تبكي) يا ربي دخيلك.. وما في شي علاج

الدكتور: علاجو الوقت.. طولو بالكن عليه

دخلت رهف لعندو...

رهف: مرحبا علاء

علاء: اهلا

رهف: الحمد لله ع سلامتك ...وقربت منو وباستو ع راسو

علاء: مين انت

رهف: انا خطيبتك وحبيبتك.. رهف

علاء: ااخ.. راسي حينفجر

قعدت رهف حدو ومسكت ايدو..

رهف: سلامتك يا روحي

علاء: كيف وصلت لهون.. وكيف فقدت ذاكرتي

رهف: حادث سير.. قلبت فيك سيارتك

بقي علاء بالمشفى اسبوع بعدا ليصح شوي وبعدا طالعوه من المشفى..

(الجزء الثالث)

وبيوم.. رهف وعلاء سوا بحديقة الفيلا يلي لعلاء.. وفجاة دخل عليهن قيس..

قيس: مرحبا

رهف: (بخوف وعصبية) لك انت شو جابك لهون

علاء: مين هاد

قيس: انا رفيقك.. كيفك شريك

وقرب منو وسلم عليه..

علاء: هلا تمام

اخدتو رهف ع جنب..

رهف: اتركنا بكفيييي.. لك انت ما بتستحي ابدا

قيس: انا طول هالمدة وانا مراعي مشاعرك ومطول بالي عليكي.. بس هلا خلص.. بكفي.. اوووووعك تحكي معي مرة تانية هالحكي.. والله بحرقك وببعتك ع جهنم

وتركها ورجع لعند علاء..

علاء: رهف حبيبتي طلبيلنا قهوة زكاتك

رهف: تكرم حبيبي

قيس: كيفك

علاء: ما بعرف.. تعبان كتير.. وضايع

قيس: لا تخاف رح كون حدك ع طول.. واحميك من الناس يلي حدك

علاء: الناس يلي حدي!!.. مين قصدك

قيس: بكير لتعرف ..كلشي بوقتو

مشت الايام وعلاء وضعو ع حالو....

علاء: رهف.. فيني قلك شي

رهف: طبعا يا روحي

علاء: ريحتك كل ما شما بحس بمشاعر كبيرة بقلبي.. وبتاكد انو كنت عشقانك.. بس في شي متل جدار عم حسو بيني وبينك.. شو سببو

نزلت دمعتا لرهف.. وحطت راسا ع صدرو..

رهف: مشاعر العشق بتكفيني.. ما في داعي تعرف شي اكتر

علاء: طيب وقيس..كيف كانت علاقتي فيه

نقز قلبا لرهف واطلعت بعلاء بخوف

رهف: وليه عم تسال عنو

علاء: ما بعرف.. بس ما رتحتلو

رهف: قيس رفيق طفولتك.. بس لا تامنلو.. مانو محل ثقة

علاء: انا تعبت كتير.. جد تعبت

مسكلا ايدا لرهف وحطا ع وشو..

علاء: ما برتاح الا وانت معي.. بقي معي ع طول.. لا تتركيني

رهف: اكيد ما حاتركك.. لك انا بعشقك

علاء: رهف.... بتقبلي نتزوج قبل لصح

اطلعت فيه رهف بحب وعيونا مليانين دموع.. وضمتو

رهف: اي اكيد بقبل.. ربي يخليلي ياك

علاء: لكن من بكرة بنبلش تجهيزات ..هلا بحاكي امي

رهف: اي تمام حبيبي

وبلشو من تاني نهار يجهزو لعرسن... الدنيي كلا كانت مانا واسعتن من فرحتن...

وبيوم كانو سوا بالسوق ..دق جوالا لرهف فصلت.. رجع دق وكمان فصلت.. ورجع دق للمرة التالتة..

علاء: ردي ليه عم تفصلي

رهف: مانو مهم

وهني ماشيين مرقو عن بياع بلالين ...وقف علاء واشترى تلاتة ع شكل قلب..

علاء: هدولي الك.. الاولى لانو بحبك.. والتانية لانو بتحبيني والتالتة لحتى يدوم حبنا وما يوقف

رهف: علاء انا بمووت فيك.. ما فيني عيش يوم واحد بلاك.. انت كلشي حلو بحياتي.. وقربت منو وباستو ع خدو

علاء: هههههههههه.. لك شو عملتي يا مجنونة

رهف: ههههههههه بستك.. ما قدرت ما بوسك

علاء: لك نحنا بالشارع.. هههههههه

رهف: اي عادي ههههههههه

تفتلو كتير بالسوق ومن بعدا تغدو سوا ورجعو ع الفيلا..

رهف: الوو ماما.. كيفك حبيبتي.. سمعي انا ما رح ارجع للمسا.. اوك بوسيلي بابا







   رد مع اقتباس

قديم 07-08-2018, 10:11 PM   رقم المشاركة : 2
معلومات العضو
وليدالحمداني
إدارة الموقع
 







وليدالحمداني غير متواجد حالياً

رد: ليلة شؤم ـ بقلم أمل أحمد

بقيت رهف حدو لعلاء.. ما كانت قدرانة تتركو.. شعورها بالذنب عم يخليها ما تقدر تتركو ابدا..

رهف: بدي روح ع الحمام هلا برجع

علاء: خدي راحتك حبيبتي

دخلت رهف ع الحمام ودقت لقيس..

رهف: لك انت ما رح تتركني ..لا عاد تدقلي

قيس: سمعي يا حلوة.. هالزواج ما رح يتم

حكا هالكلمتين وقطع الاتصال..

رهف جسما صار كلو ينتفض من عصبيتا وقهرا ...

رهف: لك الله يلعنك يا حقيييييير

علاء: رهف.. حبيبتي فيكي شي.. رهف.. رهف.. رح افتح الباب

دخل علاء ع الحمام كانت رهف قاعدة بزاوية الحمام وجسما كلو ينتفض ودموعا عم تنزل.... وتحكي حكي مانو مفهوم..

رهف: مو بئيدي والله.. هو السبب يا علاء ..هو السبب ما دخلني ..ما دخلني

ضما علاء لحضنو وهو كتير خايف عليها..

علاء: لك شو صرلك ..شو فيه

رهف: لك تعبتتتتتت.. مااااا عااااد فيني اتحمل ..تعبااااانة

علاء وقت شافة بهالحالة.. مرت لمحة بذاكرتو....

《هو ورهف قاعدين ع مرجوحتهن.. ورهف عم تبكي ومنهارة..

رهف: سامحني بترجااااك ..والله ما بعرف كيف هيك صار.. علاء والله بحبك والله》

بس علاء ما فهم شي وما قدر يتزكر غير هالموقف..
حملا لرهف وهي عم ترجف واخدا ع غرفتو.. نيمها ع سريرو وقعد حدا وهو عم يمسحلا ع شعرا..

علاء: رهف حبيبتي اهدي.. انت هالفترة تعبتي كتير... امييييييي

ام علاء: خير.. شو في امي

علاء: رهف تعبانة.. خليكي حدا رح روح جبلا كاسة زهورات

ام علاء: شبك يا بنتي.. اسم الله عليكي

رهف: تعبااااانة.. علااااء.. لا تروح خليك حدي بترجاااك

ام علاء: هلا بيجي يا روحي

جبلا علاء زهورات وقعد حدا وهي عم تبكي وتبكي.. هداها وشربا كاسة الزهورات...

رهف: يسلمو كتير.. صار لازم روح

علاء: ما بدك تحكيلي شو صاير

رهف: ما صاير شي.. بس جد تعبانة ومضغوطة

علاء: ماشي حبيبتي.. ريحي حالك.. ما بدي يجي يوم عرسنا وانت هيك تعبانة

رهف: ماشي يا روحي

علاء: بتحبي وصلك

رهف: لا يسلمو.. انا منيحة بقدر سوق

ضما علاء بكل حب لصدرو ..

علاء: ضلي تزكري انو انا بحبك كتير وبعشقك وما فيني بلاكي ابدا

رهف: انا يلي بعشقك.. انت احلا شي بحياتي

ومسكت ايدو وباستها...

رهف: سلام يا قلبي

اطلع علاء بئيدو ..مكان بوستها لرهف وتنهد وحطا ع قلبو..

(الجزء الرابع)

وصلت رهف ع بيتا وهي كتير تعبانة ومتدايقة..

ام رهف: شبك امي.. شو صاير

رهف: ما عم بقدر يا امي تعبت كتير.. ضميري عم يعزبني.

ضمتا اما وبوستا..

ام رهف: لا اتعبي حالك هيك.. هاي رح تتزوجو.. وكلشي من بعدا بينحل.. علاء بيحبك وما رح يتخلى عنك

رهف: قيس عم يهددني.. بدو يحكيلو لعلاء

ام رهف: هو بيهدد بس لتتركي علاء ..لا تخافي.. لو بدو يحكيلو كان حكا

رهف: اي امي بس هو حكا من قبل.. وشفتي شو صار وقت حكا

ام رهف: انا رح احكي لابوكي ..ضروري يعرف

رهف: امي شو عم تحكي انت.. ما بدي يعرف ابدا

ام رهف: ابوكي ضروري يعرف.. ليقدر يوقفو عند حدو لهاد الكلب

رهف: يا امي كيف رح يوقفو

ام رهف: لا تقلقي هو عندو خبرة بهيك عالم

*ببيت علاء*

علاء: امي.. كيف كانت علاقتي برهف من قبل

ام علاء: انت ورهف فولة وانقسمت نصين.. من يوم تعرفتو ع بعض وانتو سوا بكلشي.. اديكن بادين بعض بكلشي..

علاء: كل ما شم ريحتا بتمر لمحة بذاكرتي ..جمعة ناس وهي بحضني.. ماني عرفان هالشي حقيقي اولا

ام علاء: هههههههه.. اي هاي وقت تعرفتو ع بعض

علاء: جد.. كيف

ام علاء: رهف بنت اكابر متل مو شايف.. واهلا كتير بيحبوها ومعطينا راحتا بكلشي.. بيوم كانت بحفلة لرفيقتا.. وباينتن كاينين شربانين .. كانت طالعة من بيت رفيقتا وشب ماسكلا ايدا وبدو يدخلا ع سيارتو.. وهي ما بدا.. انت مريت بسيارتك وشفتن.. نزلت من سيارتك وضربتو للشب.. والناس تجمعت عليكن.. ومن بعدا جيت لتحكي معا ..بس هي ضمتك وهي سكرانة وماني عرفانة شو عم تعمل.. ههههههههه

علاء: جد عم تحكي.. بس مو باين عليها انو من هالنوع

ام علاء: اي صح.. رفقاتا هني يلي كانو يشربوها.. وانت طولت شوي لاقنعتا انو تترك المشروب وتترك رفقاتا

علاء: بس في كمان شي ماني فهمانو

ام علاء: شو هو

علاء: احيانا وهي معي بحس بغصة.. ومتل حاجز كبير بيناتنا

ام علاء: هاي من التعب يا امي.. ويمكن من شوقك الها..هلا بعد زواجكن كلشي بينتهي ..لا تخاف

علاء: ان شاء الله

ام علاء: علاء امي.. شركتك صار لازم تروح عليها.. خود رهف وروحو سوا.. ع الاقل الموظفين بيعرفو انو انت متواجد وما بيهملو شغلن

علاء: حاضر امي.. هلا بحاكي رهف لنروح بكرة سوا

ام علاء: ماشي امي.. تصبح ع خير

مسك علاء جوالو ودق لرهف..

علاء: الو حبي.. كيفك ..صرتي احسن

رهف: اهلا حبيبي.. انا وقت اسمع صوتك اكيد بكون احسن

علاء: يسعدك يا البي.. عندك بكرة شي؟

رهف: لا.. ليه

علاء: بدي روح ع الشركة

رهف: ممتاز.. اي ليه لا.. بنروح

علاء: كتير منيح.. لكن نامي وريحي منيح.. تصبحي ع خير

رهف: وانت من اهل الخير.. بحبك

علاء: اااخ لك شو عملتي انت

رهف: ما عملت شي

علاء: ههههههه اي وانا بحبك كتير يا روحي

تاني نهار فاقت رهف ع بكير وهي متحمسة كتير وجهزت حالا ودقت لعلاء..

رهف: صباح الخير

علاء: صباح الورد لوردة حياتي وياسمينتي

رهف: لا تقول لساتك نايم

علاء: لا.. هلا فقت ع تلفونك هههههه

رهف: يا الله شو كسلان.. جهز حالك نص ساعة وبكون عندك.. بسسسسسرعة

علاء: تماااام افندم

سكر علاء الخط مع رهف وجهز حالو ولبس وفطر ..

علاء: مامااا.. رهف وصلت رح روح انا

ام علاء: ماشي يامو.. مع السلامة يا البي

ركب علاء بالسيارة مع رهف وراحو سوا ع الشركة

علاء.. رهف: صباح الخير

داليا(السكرتيرة) : صباح النور.. اهلا وسهلا استاز.. الحمد لله ع سلامتك

علاء: الله يسلمك

رهف: مين في جوا

داليا: السيد رمزي

رهف: اي ماشي.. تعا يالا

علاء: لك شبك مستعجلة.. انا كيف بدي فوت وانا ما بعرف شي ولا بعرف اسماؤن

رهف: حبيبي انا معك وبساعدك

دخلو سوا ع المكتب وتعرف علاء ع السيد رمزي يلي امو وكلتو بادارة الشركة لوقت ما يصح ابنا علاء..
مضو النهار بطولو بالشركة.. ورجع علاء تعرف ع كل الموظفين بمساعدة رهف يلي كانو كل الموظفين يحبوها غير داليا.. يلي كانت تطالعا بنظرات حقد ومقت..

رهف: داليا.. كيفو عزيز.. من زمان ما شفناه

تلبكت داليا..

داليا: هاا.. اي اي هو مسافر هلا

داليا: اي يالا بالتوفيق

قرب علاء تمو ع ادنا لرهف وحاكاها بهمس: مينو هاد

رهف: حبيبا لداليا.. صرلن خمس سنين خاطبين ومانن قدرانين يتزوجو

علاء: اهاا

هاليوم كان بالنسبة لعلاء كتير متعب كان بين كل لحظة والثانية تمر بمخيلتو شي لمحة او لقطة .. بس مانو قدران يفسرها ..

بنفس النهار اما لرهف حاكت بيا وخبرتو بكل القصة لحتى يساعد بنتو وحيدتو..

ابو علاء: ماني مصدق.. لك رهف هيك تعمل.. لك هي بتعشقو لعلاء

ام رهف: هاد يلي صار.. بقا شفلو تصريفة لقيس قبل ليخرب كلشي

ابو رهف: لك وافرضي رجعت ذاكرتو لعلاء.. شو بدا تعمل

ام رهف: بيكونو صارو متزوجين.. وما في شي بعدا بهم..

تاني نهار بعت ابو رهف رجالو ليجيبو لقيس عندو..

ابو رهف: اي قيس.. قديش بدك لتسكت

قيس: انا ما بدي شي.. كل يلي بدي ياه رفيقي ما ينخدع ببنتك

ابو رهف: انت بتعرف قديش هني بيحبو بعضن.. بقا لا تدخل بيناتن

(الجزء الخامس)

قيس: هههههه ضحكتني والله.. ايا حب هاد يلي عم تحكي عنو.. ايا حب

وقف قيس: عن ازنك انا صار لازم روح

ابو رهف: سماع قيس.. انت عم تلعب بعداد عمرك

قيس: عم تهدد.. ما في شي بيهمني غير رفيقي.. بخاااطرك

طلع قيس من المكتب... فورا ابو رهف دق للحارس يلي ع الباب..

ابو رهف: لحقوه للغبي هاد واحجزو بالمخزن ليخلص عرس رهف

الحارس: حاضر معلم

لحقوه لقيس وجروه وربطو وحبسوه بمخازن الشركة..

عرس علاء ورهف عم يقرب.. كل ما قرب الموعد رهف بيزيد خوفا.. خايفة ليجي يوم وعلاء يتذكر يلي صار ويتركا..

رهف: ااخ يا امي.. حتى لو قيس راح.. علاء يمكن بايا لحظة يرجع يتذكر كلشي صار

ام رهف: ولو تذكر.. قصة وصارت وخلص ..تفاءلي شوي

رهف: والله يا امي بموووت.. ما فيني بلاه لعلاء.. علاء هو النفس يلي بتنفسو ..ازا تركني بموت يا امي

علاء كان مشوش كتير.. ما كان في شي متاكد منو غير انو بيحبا لرهف.. بس قلبو كان حاسو بانو في شي غلط..

كملت التجهيزات.. واجا يوم عرسن..

رهف متل الملكة لابسة فستان عرس بياخد العقل والكل حولا عم يرتب فيها ويجهزا ليزفوها لحبيبا..
علاء بالغرفة التانية عم يجهز بحالو ..لمحات متكررة عم تمر بعقلو ..تعبتو كتير ...

علاء: راسي رح ينفجر يا امي

ام علاء: سلامتك يا امي

علاء: امي انا عم شوفا لرهف عم تبكي وتترجاني لسامحا.. وعم شوفو لقيس بيحاكيني بشي وانا بعصب منو كتير.. وهالشي بخص رهف.. بس ماني فهمان شو هالشي.. وعم شوف حالي بالسيارة بسوق وانا ببكي

ام علاء: تعوذ من الشيطان يا امي

~~~~~~~~~~~~~~~~~

رهف: امي.. قلبي رح يوقف

ام رهف: يا عمري انا.. خلصنا لا تقلقي

ندق الباب ودخلت داليا...

رهف(باستغراب) : اهلا داليا

داليا: اهلا فيكي.. فيني حاكيكي بشي مهم

رهف: اي تعي

قربت داليا من ادنا لرهف: قيس وينو

رجفت رهف وعصبت وتوترت

رهف: وانت شو بدك فيه.. ليه عم تسالي عنو

داليا: لا ولا شي.. بس هاد عرس رفيقو وضروري يكون موجود

رهف: ماااا دخلك ..طلعي لبرا

داليا: اي حاضر

طلعت داليا من الغرفة ورهف عم تسبا ومتفاجاة من سؤالا...

بعد بشوي ندق الباب ..

ابو رهف: وينا عروستنا الحلوة.. لسا ما جهزت

رهف: بابا حبيبي.. الله يخليلي ياك.. قربت منو وضمتو ودمعو عيونن تنيناتن

ابو رهف: ربي يسعدك يا بنتي

قربت منن ام رهف وعيونا كلن دموع...

ام رهف: يالا مشو العريس ناطركن..

مسكو بادين بعضن ومشو.. دخلو سوا ع الصالة...
صالة كبيرة كتير مزينة بزهر الزنبق بكل ركن منا ..علاء باخرا واقف وعم يطلع بحبيبتو بكل شوق ولهفة...

وصلا بيا لعند حبيبا ومسكو ادين بعضن..

رهف: بتشكرك كتير ع الورد ..تفاجات كتير

علاء: معقول تكوني بتحبي شي وما جيبو..

مشيو سوا وفجأة راسو لعلاء وجعو كتير.. ترك ايدا لرهف ومسك راسو وهو عم يتوجع كتييير..

رهف: علاء.. شو صرلك حبيبي

علاء: اااخ.. ما عم بقدر اتحمل

لمحات كتيرة تزاحمت براسو لعلاء....

《رهف عم تبكي... رهف: علاء سامحني والله ما كان قصدي خونك والله...... قيس: لك هاي خاينة خانتك وبكل جرأة وهاي الفيديو خود وشوفو.... 》

هاد يلي تذكرو قيس.. تذكر كلشي.. تذكر الليلة يلي عمل فيها الحادث ..وقت كان قاعد هو ورهف ع المرجوحة ودخل عليهن قيس..

قيس: رهف بدي اياكي بموضوع مهم

دخلو سوا لجوا الفيلا..

رهف: شو في شو بدك فيي

قيس: هاي اخر فرصة الك ..تركيه والا رح احكيلو كلشي

رهف: لك مستحيل اتركووو.. لك انا بكرهك.. فهااام بكرهك ما بحبك

قرب منا قيس ومسكلا ايدا: بس انا بموت فيكي

سحبت ايدا منو بعصبية: لك انت ما بتستحي ابدا.. انا مستحيل كون معك ولو تركني علاء.. بعد من وشي

راحت لعند علاء وهي متوترة وخايفة..

علاء: شبك حبيبتي

رهف: ما في شي

علاء: شبو قيس

رهف: ولا............

قيس: بدي فتحلك عيونك يا رفيقي

علاء: شبكن ..شو صاير

قيس: علاء حبيبتك خاينة.. خانتك

علاء: شوووو

قيس: تفضل هاد الدليل.. حبيبا صورا وهي معو

فتح الفيديو ع جوالو وعطاه لعلاء..علاء انصدم ..ما عم يصدق يلي عم يشوفو قدام عيونو.. حبيبتو وشب تاني سوا...

علاء: فيكي تفهميني شو هاد

رهف كانت جمدانة بارضا ودموعا ع خدودا..

رهف: بترجاك سامحني... بترجاك.. والله ما بعرف كيف هيك صار.. والله مو بقصدي

علاء: مو بقصدك.... لك انت وياه بغرفة مسكرة وموو بقصدك

قربت رهف منو دفشا بعصبية ووقعت ع الارض

علاء: بعدي من وشي هيييك.. ما بدي شوفك فهماااانة

رهف: لك الله ينتقم منك يا قيس.. طلاع برا ولااا طلاع

قيس: ههههههه قلتلك ما حخليكي تتهني ابدا.. مو انا يلي بنقلي لا








   رد مع اقتباس

قديم 07-08-2018, 10:11 PM   رقم المشاركة : 3
معلومات العضو
وليدالحمداني
إدارة الموقع
 







وليدالحمداني غير متواجد حالياً

رد: ليلة شؤم ـ بقلم أمل أحمد


طلع علاء من عندا وهو معصب ركب بسيارتو ودموعو بعيونو... عم يضرب بمقود السيارة ويبكي: لك ليش هيك يا رهف.. لك ليش انا بشو قصرت معك لتخونيني بشووووو.. وفجاة وحدة بتقلب السيارة بعلاء

هاد يلي تذكرو علاء ...تذكر كلشي صار معو بليلتو المشؤومة...

(الجزء السادس)

وقف علاء قدام الناس كلا عم يطلع برهف وهو مصدوم..

رهف: علاء حبيبي انت منيح

علاء: بعدي عني هيك.. بعدي

وتركا واقفة ودموعا بعيونا وطلع من الصالة

ام علاء: لك شو صار

رهف: ما بعرف مرت عمو ما بعرف

كانت من اصعب الليالي ع رهف وعلاء..رهف حب حياتا نهار قدام عيونا بغلطة ما بتعرف كيف صارت..
وعلاء نصدم بحبيبتو وشاف خيانتا بعيونو..

رهف: بترجاك بابا.. خدني لعندو بترجاك

ابو رهف: يا بنتي ما بعرف وينو.. الرجال عم يدورو عليه.. وقت يلاقو باخدك لعندو... لا عاد تبكي

علاء كان ع شط البحر ..عم يحاول يستوعب كلشي صار معو.. بقي ع الشط طول الليل وهو عم يفكر ويتذكر كل ليلة مرت عليه مع رهف.. وكل موقف بدر منا..

رجع علاء ع بيتو..

ام علاء: اجيت يا امي.. ليش هيك عملت.. شو صار

علاء: امي بترجاكي تعبان

طلع الضو لبس علاء تيابو وراح ع شركتو...

علاء: صباح الخير.. دقيلي ع قيس فورا

داليا: صباح النور استاز.. قيس مختفي من فترة

اطلع علاء فيها بعصبية...

علاء: كيف يعني مختفي

داليا: فيني قلك شي

علاء: لك احكي خلصينيييي

داليا: انا بصراحة شاكة بالانسة رهف انو ورا هالشي ووقت سالتا اتلبكت كتير

علاء: وليش لحتى تساليها

داليا: ولا شي.. بس سالت لانو ما اجى ع الحفلة

علاء: انت شو بتعرفي عن رهف

داليا: انا... ولاشي استاز.. ولاشي

علاء: لكن ليش بتكرهيها.. شو بتعرفي

داليا: ما بكرها استاز ما بكرها

دخل علاء لمكتبو وسكر الباب بعصبية..
مسك تلفونو ودق لرهف..

رهف وقت شافت المتصل علاء ما صدقت عيونا..

رهف: علاء حبيبي ..كنت عرفانة رح تسامحني

علاء: وينوووووو قيسسس.. وينوووووو

رهف: ممممما بعرف.. وانا كيف بدي اعرف

علاء: بتمنى تكوني ما بتعرفي

وسكر الخط بوشا..

اطلعت رهف بالجوال ونزلو دموعا وقامت صارت تكسر بكلشي قداما... وهي عم تصرخ ...

اجت اما ع صوتا...

ام رهف: رهف شبك امي شبك يا عمري

رهف: علاء رااح يا امي خلص راااح

ام رهف: هدي يا بنتي هدي

*بشركة ابو رهف*

ابو رهف: جيبولي قيس لهون

الحارس: حاضر

جابو لقيس لعند ابو رهف

قيس: والله لدفعك تمن عملتك هاي

ابو رهف: ما عاد فيك تعمل شي.. علاء عرف بكلشي.. وهلا طلاع من هون واعميل يلي بدك ياه

قيس انصدم من الخبر يلي سمعو.. طلع من الشركة ودق تلفون..

قيس: مرحبا

مجهولة: اهلا قيس.. لك وينك انت.. الكل عم يدور عليك

قيس: هلا خبريني شو صار

مجهولة: ما تم عرسن.. علاء رجعتلو ذاكرتو بليلة العرس وتركا قدام كل المدعوين

قيس: ااااوووه.. كتير حلو

مجهولة: علاء عم يدور عليك

قيس: ههههههه اي اكيد هالشي

راح فورا قيس ع الشركة لعند علاء...

قيس: مرحبا.. قليلو لعلاء بدي شوفو

داليا: حاضر

دخلت داليا لعند علاء وخبرتو...

داليا: تفضل عم يستناك

قيس: مرحبا يا رفيقي

علاء: اهلا قيس.. وينك انت

قيس: لك هاد ابو رهف.. كان حاجزني عندو وقت عرف بانو رح خبرك

علاء: هيك لكن.. الفيديو لساتو معك؟

قيس: اي معي.. هلا ببعتلك ياه

علاء كان براسو الف سؤال وسؤال.. رهف كتير بتحبو.. ومن المستحيل انو تخونو.. كيف صار وخانتو.. وبالفيديو كان باين عليها انو هي سكرانة او شاربة شي.. ورهف من يوم ارتبطو تركت كل شي مشروب.. كيف هيك صار وليش كان علاء بدو يفهم...

علاء: انا بدي افهم.. ليش هيك صار.. رح روح واجها واسالا والا بجن

ركب سيارتو وراح لعندا ع بيتا...

( الجزء السابع)

ام رهف: اهلا وسهلا يا ابني ..تفضل

علاء: مرت عمو بدي حاكي رهف.. ممكن

ام رهف: اكيد ممكن.. بس بدي حاكيك قبل

علاء: تفضلي مرت عمو

ام رهف: رهف ما عملت يلي عملتو وهي بوعيا.. رهف كانت شربانة شي.. ومانا عرفانة كيف شربتو.. انا ما عم دافع عن بنتي.. بس رهف بتعشقك ومستحيل تخونك.. روح شوفا شو عملت بحالا.. ع شوي كانت رح تنتحر..

علاء: فيني فوت لعندا

ام رهف: اكيد يا ابني.. تفضل

دق الباب علاء...

رهف: لك تركوني.. ما بدي شوفكن.. تركونييييي

فتح علاء الباب ودخل لعندا...

علاء: مرحبا

رهف ما استوعبت وما صدقت عيونا بانو علاء يلي قداما.. كانت حالتا بتبكي الحجر.. كلشي بغرفتا مكسر وهي ع سريرا متسطحة ودموعا ع عيونا المنفخين من البكي..
ركضت لعندو وبدا تضمو.. علاء بعدا عنوو

علاء: مو جاي لراضيكي او تراضيني.. جاي لافهم

رجعت لورا رهف وزادت بالبكي..

رهف: لك والله ما بعرف كيف هيك صار والله..

علاء: خبريني يلي صار بالتفصيل

رهف: انا كنت عندك بالشركة ..وخبرتني داليا بانو في حفلة عيد ميلاد لرفيقتا وحابة كتير كون حدا.. وترجتني لاحضر.. وانا ما حبيت اكسر بخاطرا..رجعت ع البيت غيرت تيابي ورحت ع الحفلة.. قدمولي كاس وما شربتو.. وربي ما شربتو..
(كانت تحكي وهي عم تبكي ..).
بعدا بشوي داليا عطتني عصير ليمون.. وهاد اخر شي بتذكرو..

علاء: والشب يلي كان معك.. مين هو

رهف: ما شفتو للفيديو ..قيس ما قبل انو شوفو

شغل علاء الفيديو وعطاها اياه لتشوفو..حطت رهف ايدا ع تما وهي عم تتفرج على الفيديو..

رهف: لك هاد عزيز.. والله هو

علاء: مين عزيز

رهف: هاد رفيقا لداليا.. هو ..والله هو

علاء: من وين بتعرفي انت

رهف: لك بكل سهراتنا هو يلي بوصل داليا وبياخدا كمان

علاء: تمام

اخد جوالو منا وطلع..

رهف: علاء.. علاء

كمل مشيو ورجع ع الشركة.. دخل وهو معصب..

علاء: داليا تعي فورا

داليا: حاضر استاز

دخلت داليا لعندو ع المكتب..

علاء: انا كنت ساءلك من قبل ليش بتكرهيها لرهف.. ليش ما خبرتيني يلي بتعرفي

داليا: ما.. ما.. ما بعرف شي استاز

علاء: كزااااابة.. بتعرفي.. من ايمت بتعرفي انن كانو سوا.. حكي ولييي

رجفت داليا من خوفا..

داليا: قبل فترة قصيرة.. بس هو خبرني بانو هي يلي اغرتو وعرضت عليه تعطي بالمقابل شك

علاء: لك وليه ما خبرتيني

داليا: ما قدرت استاز.. ما قدرت

علاء: روحي من وشييييييي.. روحي قبل لموتك

طلعت داليا من عندو وهي عم ترجف.. ومسكت تلفونا ودقت ...

داليا: الووو.. قيس.. علاء عرف بانو عزيز يلي كان معا

قيس: لا تخافي.. هلا بدبرا

داليا: لك والله خايفة يقتلني

قيس: ما رح يعمل شي ..لا تخافي

سكرت داليا الخط مع قيس ودقت لعزيز..

رهف: الوو.. عزيز.. علاء عرف بانو انت يلي كنت مع مرتو.. انا خايفة كتير

عزيز: لا تخافي.. المهم انو اخدنا كام ليرة لنتزوج من بعدا ما في شي مهم.. ما رح يطلع بئيدو شي

خلصت شغلا داليا بالشركة وراحت فورا لعند حبيبا عزيز لتقضي الليلة حدو ويطمن قلبا..
وصلت بيتو ..كان الباب مكسور قفلو.. رجف قلبا..دخلت البيت ...حطت ايدا ع تما وشهقت...

داليا: عزيييييييييز

كان عزيز مدبوح وغرقان بدمو

(الجزء الثامن) والاخير

قعدت حدو داليا وهي عم تبكي من قلبا..
داليا: عزيز.. حبيبي فتح عيونك بترجاك.. هاي صار معنا كتيير لنتزوج.. بيتنا جهز يا عمري.. فتح عيونك يا عيوني ..فتح بترجاك

وهي عم تبكي فوق راسو لعزيز دق جوالا وكان المتصل علاء..فتحت الخط..

داليا: ...........

علاء: اي داليا.. عطيني عنوانو لعزيز بسسسسسرعة

داليا:(تبكي) عزيز راح ..خلص.. ما عاد في عزيز.. عزيز مات ..مات.. قتلو قتلووو

علاء: شو عم تحكي انت... وينك انت.. عطيني العنوان

عطتو العنوان وراح علاء لعندا..ودق للشرطة.. وصل هو والشرطة سوا...

اخدو البصمات والجثة وشحطوها لداليا ...

داليا: سيدي انا بدي احكي كلشي

الشرطة: احكي

داليا: بدي استاز علاء يسمعني.. دخلو لو سمحت

دخل علاء لعندا..

داليا: عشت حياتي كلا بالعزاب.. امي وابي ماتو من وانا صغيرة.. ربتني خالتي.. وتعزبت كتير معا.. بس ربي بعتلي عزيز يلي كان الي ونس وخفف عني كتير.. بس مادياتو كانت عم تاخر زواجنا.. والاستاز علاء شغلني عندو.. وما بخل علي بشي.. وع طول عم يعطيني اكراميات.. بس الشيطان شاطر.. شاطر كتير.. بيوم اجاني قيس رفيقو للاستاز علاء..

قيس: كيفك داليا

داليا: تمام

قيس: كيفو عزيز

داليا: عزيز؟؟ وانت كيف بتعرفو

قيس: هههههههعه.. سمعي عندي الكن عرض مغري كتير

داليا: الي ولعزيز؟

قيس: اي.. بدي عطيكن بيت جاهز ..ومبلغ منيح لتعيشو احلا حياة وبشغل مستقل كمان

داليا: وشو المقابل

قيس: وافقي بالاول

داليا: موافقة.. شو بدك اعمل

قيس: كتير حلو.. سمعي
انا ورهف بنحب بعض كتير.. ورهف بدا تخلص من علاء ومانا عرفانة كيف

داليا: مستحيل.. هي كتير بتحبو

قيس: هاد بس بالظاهر

داليا: وشو المطلوب مني انا

قيس: بدي صور فيديو لعزيز مع داليا.. لحتى يشوفو علاء ونخلص منو

داليا: مستحيييل.. ما فيني اتحمل عزيز والانسة رهف سوا

قيس: لكن رح تشوفي عزيز قدامك مقطع كل قطعة بمكان

حكا هيك وراح... انا ما عرفت كيف بدي اتصرف.. خفت كتير ع عزيز.. وما لقيت قدامي غير انو احكيلو.. قلتلو كلشي لعزيز..

عزيز: وانت ليه ما بدك.. كلا نص ساعة بنصور فيديو وخلصنا ومن بعدا بناخد الشيك وبنسافر براة البلاد..

اقنعني عزيز.. ووافقت.. ووقت كنا بالحفلة حطيتلا للانسة رهف مادة مخدرة بالليمون وما عادت حست ع شي.. شحطا عزيز ع الغرفة وصورن قيس



ومن بعدا اكتشفت كزبتو لقيس بانو الانسة رهف ما بتحبو وانو هو يلي بحبا وهي ما بدا اياه ..وعمل كل هالشي ليوقع بيناتن ويبعدن ع بعض ويهددا بالفيديو لتترك الاستاز علاء وتتزوجو..

واليوم دقيتلو وقلتلو بانو الاستاز علاء عرف بانو عزيز هو حبيبي ..

وهاي صار يلي شفتو.. قتلو لحتى ما يعترف بشي.. قتلو لعزيز.. قتلو..

وقعت داليا بارضا وهي عم تحكي...

تركا علاء ودق لرهف..

رهف: علاء حبيبي.. شتقتلك كتير

علاء: وانا شتقتلك يا روحي.. بحبك.. بحبك كتيييير

انتهت

طبعا قيس مسكو بتهمة القتل يلي ثبتت عليه.. وعلاء خبرا لرهف بكلشي.. ورجعو عملو عرسن بعد باسبوع..
وداليا انحبست فترة بسبب الفيديو يلي شاركت بتصويرو
والبنت المجهولة يلي حاكاها قيس هي داليا يلي كانت توصلو الاخبار اول باول






   رد مع اقتباس

إضافة رد

مواقع النشر (المفضلة)


جديد مواضيع قسم منتدى القصص والروايات الاكثر شعبية
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:00 PM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير