العودة   منتدى النرجس > المنتديات الأدبية > منتدى القصص والروايات الاكثر شعبية



إضافة رد
 
LinkBack أدوات الموضوع
قديم 08-08-2018, 11:28 PM   رقم المشاركة : 1
معلومات العضو
وليدالحمداني
إدارة الموقع
 







وليدالحمداني غير متواجد حالياً

 

Questionmark حين افترقنا

حين افترقنا

الجزء الاول
الدكتور..حالتها كثير صعبة وفقدنا السيطرة عليها
احمد..لك انتو شو شووووو انا بدي طالعها من هون هلأ ما بدي خليها عندكن ولا لحظة وحدة
الدكتور..ما رح تستفاد شي واذا بدك تطالعها طالعها ع مسؤوليتك
احمد..اي رح طالعها ع مسؤوليتي
أنا أحمد شب باخر الثلاثين ربيت ببيت صغير مع أبي وأمي واخواتي الشباب والبنات بيتنا كلو دين والحمد لله ربينا ع مخافة ربنا وع حب بعض ..ابي كان فاتح دكان صغير وعنا حقل كبير وحالتنا منيحة والحمد لله..ابي كان رجال شديد شوي وامي ست صبورة وفهمانة تعبت كثير بحياتها وكان كل همها دراستي انا واخواتي كبرنا ودرسنا وتفوقنا بمدارسنا ..انا كنت الكبير بيناتن تخرجت من المعهد وتوظفت مباشرة ومن بعدا امي خطبتلي حب حياتي ملاكي رهف ..رهف اللعبة ..هيك كانو نسوان الحارة يحكولا ع قد ما كانت حلوة ..بس الحياة سرقت مني امي يلي كانت لساتها باول الاربعينات صابتها جلطة وتاني يوم ماتت ..كنت راجع من وظيفتي ركاض لحتى شوفا ..قربت عليها وشفتا عم تحاكيني بعيونا حطيت راسا ع اجري وبلشت احكي معها وهي تطلع فيني وعيونا كلن دموع وكانها كانت عم تودعني وفجأة شهقت شهقة قوية وراااحت ..راحت امي وكسرتلي قلبي
ماتت امي وانقلب بيتنا فوقاني تحتاني.. الحزن حل علينا والكابة رافقتنا.. رهف ما تركتنا ابدا كانت باستمرار تيجي لعنا وتشتغل بالبيت ع قد ما تغدر وتخفف عنا وجعنا وجرحنا وكسرتنا من بعد امي.. وبعد بفترة من وفاة امي تزوجت انا ورهف من غير عرس ع الساكت ..حسيت قلبي رجع نبضو وبلش جرحي يتعافى بوجودا جنبي كانت مثل البلسم ع قلبي ..رهف الملاك يلي ربي بعثلي اياها رهف اكبر نعمة ربي اعطاني اياها ويلي جمعت كل صفات الانوثة جمالا ملفت شعرا الاشقر الطويل وعيونا الخضر وتما يلي متل السمسمة وخدودا الموردين كلشي فيها يجنن وياسر ..جمعت كل صفات الانوثة الجمال والادب والاخلاق والطاعة ..طاعة رب العباد وطاعة الزوج ..رهف نعم الزوجة ونعم العشيرة ..حياتي بلشت تتحسن ونفسيتي بلشت ترتاح من بعد ما حملت رهف وجابتلي ابني الاول ..بس ما في شي بهالحياة بكمل ..تزوج ابي وكان زواجو اكبر كارثة حلت ع بيتنا ..تزوج وبلشت حياتنا تنقلب فوقاني تحتاني ومشاكلنا ما عادت خلصت أبي انقلب كيانو وبلش يعاملنا وكانو عدو النا لدرجة انو بيوم طردنا من البيت بسبب مرتو وتحريضا ..اخواتي الصغار راحو ع بيتنا القديم وعاشو بين الفحم والارانب وانا ورهف كان عنا ارض ومبلشين نبني بيت عليها بس كان لسا مو جاهز كان بلا بلاط ولا شبابيك ولا بواب ..ما كنا نملك غير فرشة ووسادة وحرام انتقلنا عليه وبلشنا حياتنا من الصفر
الجزء الثاني
وهيك بلشت حياتنا من الصفر ما كنا بنملك غير فرشة ووسادة وحرام وما النا دخل غير راتبي..تعبنا كثير وبنينا بيتنا طوبة طوبة وحجر حجر ..كانت حياتنا قاسية بكل معنى الكلمة بس مع هيك كنا مبسوطين كثير ..مبسوطين لانا جنب بعض الحب الي بينا كان كفيل بانو يخفف عنا عبئ هالحياة ووجعها ..بيتنا الي عم نعمرو سوا وولادنا يلي ربي رزقنا اياهم خلو طعم الحياة غير ..مع رهف كلشي كان احلا حتى المصاعب كانت حلوة حدا
احمد..رهف حبيبتي انت احلا هدية ربي اعطاني اياها..انت ملاكي وحبيبة عمري وشريكتي وكل فرحتي
رهف.. ربي يسعدك وما يحرمني منك..لك انت يلي خليت لحياتي طعم انت كل حياتي..بتعرف احمد رح جبلك كل سنة ولدين واحد باولها وواحد باخرها هههههه.. رح زين حبنا بولادنا رح عبيلك هالارض كلا ولاد
وهيك هي حبيبة عمري كانت الودود الولود ..ما كانت تمل من الولاد ..كانت كل حياتا ولادا وبيتا وانا
جهز بيتنا يلي كان عبارة عن طابقين كبار ووساع ..فرحتنا كانت كبيرة كثير بالبيت وبابنا يلي ع الطريق ويلي رح يزيد فرحتنا فرح
بعد ما كملنا البيت وعمرنا رهف اصرت تبيع ذهباتا لحتى ناثث البيت قبل ولادتا ذهباتا يلي رفضت اني بيعهن رغم كل الصعوبات يلي مرينا فيها..باعت رهف الذهبات واثثنا البيت من احلا ما يكون وكنا عم نستنا اليوم يلي رح تولد فيه بفارغ الصبر.. واجى هاليوم
رهف.. احمد حبيبي انا تعبانة كثير شكلي رح اولد
احمد..واخيرا يا عمري يالله جهزي حالك رح اخدك ع المشفى
يومها فتلت رهف البيت غرفة غرفة وزاوية زاوية وعيونا كلن دمووع ..وقفت قدام ولادها كلن وبوستن وودعتن
رهف.. احمد ولادي امانة عندك..بدي تربيهم احسن تربية
احمد..رهف لشو هالحكي حبيبتي انت رح تولدي ورح ترجعي لولادك وبيتك ورح نربيهم سوا رح نكبر سوا ونعجز سوا ..رح نفرح فيهن سوا
طلعت رهف ودموعا ع خدودا طلعت وهي عم تودع البيت حجر حجر وزاوية زاوية
اخذتا ع المشفى وهونيك تعبت كثير وحالتها ساءت كثير وقررولها عملية ..فاتت ع العملية وانا قلبي معها وعم ادعي ربي يخفف من وجعها
بعد اكثر من ساعتين وانا عم استنا وما بعرف شو يلي عم يصير طلعولي ابني يلي كان متل فلقة القمر ورهف ما طلعت بلش الوجع بقلبي وبلشت جن
احمد..لك وينا مرتي لك شو في طمني دكتور
الدكتور ..سيد احمد طول بالك مرتك حالتها حرجة كثير ونحنا عم نحاول معها ..ادعيلا
بقيت عم استنا وقلبي عم حسو رح يوقف وبعدا طلعوها لرهف..شفتا وكنت رح مووت من شوفتا ..كان الموت مبين ع وشا ..كان وشا اصفر كثيير وشفافا زرق
الدكتور..حالتها كثير صعبة وفقدنا السيطرة عليها
احمد..لك انتو شو شووووو..انا بدي طالعها من هون هلأ ما رح خليها عندكن
الدكتور.. ما رح تستفاد شي واذا بدك تطالعها طالعها ع مسؤوليتك
احمد..اي رح طالعها ع مسؤوليتي
وفورا نقلتا ع مشفى تاني بغير منطقة
بالمشفى..
الدكتور..سيد احمد العمر الك..انت تاخرت كثير مرتك ماخدة جرعة زايدة من البنج وجسما ما تحمل
كان الدكتور عم يحكي معي وانا مو معووو..كان جسمي عم يرجف وقلبي زاد نبضووو ونزلو دموعي غصب عني..حاولت قاوم بس ما حسنت..نهرت وما عدت حسنان وقف ع رجليي ..كنت حس حالي بكابوس عم غمض عيوني وفتحن لحتى فيق من هالكابوس بس للاسف ما كان كابوس كان حقيقة
وقفت حياتي مع حياتا لرهف..راحت رهف وراحت معا الحياة..تمنيت ربي ياخدني معها ..ما عاد في لزوم لحياتي وروحي معا راحت..راحت واخذت قلبي اخذت حياتي وفرحتي وبسمتي ..يا ربي ما بدي عيش بلاها ولا دقيقة ما بدي عيش بدي روح معا بدي ادفن حالي جنبا بدي فيق من كابوسي ..بس كلشي انتها وكلشي وقف
راحت رهف وراحت روحي معا.. راحت ملاكي راحت وتركتني عم عاني
انتهت..








   رد مع اقتباس

قديم 10-08-2018, 03:15 AM   رقم المشاركة : 2
معلومات العضو
^كــاتم أســرار^
المدير العام
 






^كــاتم أســرار^ غير متواجد حالياً

رد: حين افترقنا

شكرا لك والله يعطيك العافية


كاتم أسرار






   رد مع اقتباس

إضافة رد

مواقع النشر (المفضلة)


جديد مواضيع قسم منتدى القصص والروايات الاكثر شعبية
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:43 PM.


Powered by vBulletin® Version 3.8.8, Copyright ©2000 - 2019, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير