 |
|
| |
|
21-10-2021, 11:18 PM
| رقم المشاركة : 1 | |||
|  خاب ظني فيهم عانيت في حياتي مع ابوهم صارت لي ظروف كثيره كسرتني واخذت من عمري حياتي كلها ابتلاءات الحمدلله على كل حال ابو عيالي انسان قاسي عانيت منه ومن خياناته ومن شخصيته الصعبه حطيت املي بعيالي لكن بعد عانيت والابتلاء لحقني فيهم الاول ولدي الكبير خطبنا له وحده ماتقرب لنا شفناها بمكان والكل مدحها واعجبتنا وبعد زواجهم تغيرت صارت تحاول تبعد ولدي عني وتعاندني وصارت لنا مشاكل بسبتها من تزوجت ولدي وحنا ماشفنا خير قلت الله يعوضني بالباقين خلاص ماعلي منها ومن ولدي الي صار خاتم بصبعها الثانيه بنت اكبر بناتي جابت لي الامراض حسبي الله على ابوهم خطبها واحد مانعرف عايلته واول مره نسمع فيهم استغربت من وين يعرفوننا وهي كانت متحمسه بطريقه غريبه شكيت بالموضوع حاولت كثير اعرف منها لكن كانت حذره رحت كلمت بنتي الصغيره بالمتوسط قلت لها حاولي تسحبين كلام من اختك وتعالي علميني ولك الي تبين مني اذا قدرتي تفتحين جوالها وتشوفين وفعلا هذا الي صار يوم من الايام جتني قالت لقيت بالواتس والسناب واحد اسمه فلان وفيه محادثات قديمه من زمان وانها دخلت انستقرامها مسويه انستقرام جديد ضايفه نفس الشخص وماضافتنا فيه وبالمحادثات فيه صور لهم مع بعض انصدمت تمنيت اني مت ولا سمعت الي سمعته كيف كيف انا انسانه حريصه كيف بنتي عندها كل هذا وانا اخر من يعلم مسكتها وقلت لها كل شي وان اختها شافت بعينها وهالزواج لاتحلم فيه عقاب لها وعلى قلة ادبها جلست تصيح وتترجاني فتره طويله وتوقف موضوع الخطبه بس ماقدرت ارضى عليها راحت كلمت زوجة ولدي الكبير الخبيثه تصورو حجم الالم الي حاسه فيه زوجة ولدي ماصدقت الخبر تبي تعاند فيني خلت اخوها يوقف معها ووصلو الموضوع لابوها على اساس انه صديق ولدي يعني عن طريق اخوها هنا حسيت نفسي يديني تربطت مادري الاقيها من مين ولدي وزوجته وبنتي وابوهم بدا الموضوع يمشي من جهة ابو عيالي بعد هذا يبي يعاندني ببنتي صرت اكلمه وارسل رسايل واحاول اقنعه بأن هالزواج غلط وكم مره قلت له لاتصدق هذا الولد بنتك تعرفه وحب وغرام وطلعات المفروض تعاقبها قال بنتي لاتتكلمين فيها وهذي تربيتك ولو كانت تحبه احسن لهم الزواج وهذا الرجل مناسب لنا حسبي الله عليه وعلى الظالمين كل ما اكلمه يمدح بالرجل عشان يغيضني اكثر ضاقت فيني الدنيا رحت استشرت خواتي وصديقاتي الي اثق فيهم كلهم انصدمو فيها وحسو مافيها خير ماشين بالمواضيع بدوني ماكأن عندي رأي الله ياخذ لي بحقي من الي عندي ومن الولد واهله قررو يسون زواج بدون محد يحضر وجتني بنتي تقول ماقدر بدونك انتي وخواتي قلت لها لاتحلمين لو على موتي مااحضر وخواتك الي تبي تزعلني منهم تحضر وهددت بناتي الصغار ان الي بتكلمها او تحضر لاتعتبرني امها ولا اعرفها وهذا الي صار والحين بنتي مع زوجة ولدي الكبير صديقات وطلعات وهدايا طبعا بنتي شايفه فضل زوجة اخوها راح يجي يوم وتبكي فيه ندم على الي صار مافيه شي يستاهل تخسر امها وخواتها الصغار صحيح عيالي عانو من ابوهم ومن الضغط بس عادي عايشين وكل البيوت فيها انا عانيت اكثر مشاكل وتفكك وحياة مو مستقره من حقي افرح بعيالي ليش هالظلم ااتمنى لو زواج بنتي كان حلم وينتهي خايفه مابيها تحمل ونتورط اكثر مازال عندي امل تورطنا بزوجة ولدي وجابت عيال مابيدنا شي وبنتي تعرف ان ابوها ضرني وظلمني يوم جت مصلحتها راحت عنده لكن الكل راح ينقلب ضدها عاجلا ام اجلا والي سوته ظلم وكافي نظرة خواتي وصديقاتي لها طاحت من عيونهم والمجتمع ورغم هذا ماتراجعت وكله من الخبيثه زوجة ولدي لو ماوقفت معها ماصار كل هذا بلتنا بلوه مالها مصلحه بس تبي عناد فيني حسبي الله عليها ابي نصايح ودعوات من الناس العاقله الي بيسب يطلع جزاكم الله كل خير والله ينصرني عليهم ودي الله يكتب والزواج هذا ينتهي بدون تدخل مني بأسرع وقت ويرتاح بالي اخاف تحمل ونتورط اكثر شايفه انها تستاهل احسن بصراحه لاني تورطت بزوجة ولدي حملت بعد زواجها على طول من اول شهر وماقدرت عليها وكان اول حفيد وشفتو الي صار بسببها شو تنصحوها | |||
|
 |
| مواقع النشر (المفضلة) |
 جديد مواضيع قسم منتدى مشاكل المجتمع وحلولها العنف والاغتصاب والعنوسة والمراهقة | |||||||||
| | |||||||||
| أدوات الموضوع | |
| |
