العودة   منتدى النرجس > المنتديات الأسرية > منتدى مشاكل المجتمع وحلولها العنف والاغتصاب والعنوسة والمراهقة



إضافة رد
 
LinkBack أدوات الموضوع
قديم 21-10-2021, 11:18 PM   رقم المشاركة : 1
معلومات العضو
أميرة الثقة
مشرفة المنتديات العامة
 







أميرة الثقة غير متواجد حالياً

 

Sss10 خاب ظني فيهم

انا ام لخمسة
عانيت في حياتي مع ابوهم صارت لي ظروف كثيره كسرتني واخذت من عمري
حياتي كلها ابتلاءات الحمدلله على كل حال
ابو عيالي انسان قاسي عانيت منه ومن خياناته ومن شخصيته الصعبه
حطيت املي بعيالي لكن بعد عانيت والابتلاء لحقني فيهم
الاول ولدي الكبير خطبنا له وحده ماتقرب لنا شفناها بمكان والكل مدحها واعجبتنا
وبعد زواجهم تغيرت صارت تحاول تبعد ولدي عني وتعاندني وصارت لنا مشاكل بسبتها
من تزوجت ولدي وحنا ماشفنا خير
قلت الله يعوضني بالباقين خلاص ماعلي منها ومن ولدي الي صار خاتم بصبعها
الثانيه بنت اكبر بناتي جابت لي الامراض حسبي الله على ابوهم
خطبها واحد مانعرف عايلته واول مره نسمع فيهم استغربت من وين يعرفوننا
وهي كانت متحمسه بطريقه غريبه
شكيت بالموضوع حاولت كثير اعرف منها لكن كانت حذره رحت كلمت بنتي الصغيره بالمتوسط قلت لها حاولي تسحبين كلام من اختك وتعالي علميني ولك الي تبين مني اذا قدرتي تفتحين جوالها وتشوفين وفعلا هذا الي صار
يوم من الايام جتني قالت لقيت بالواتس والسناب واحد اسمه فلان وفيه محادثات قديمه من زمان
وانها دخلت انستقرامها مسويه انستقرام جديد ضايفه نفس الشخص وماضافتنا فيه
وبالمحادثات فيه صور لهم مع بعض
انصدمت تمنيت اني مت ولا سمعت الي سمعته كيف كيف
انا انسانه حريصه كيف بنتي عندها كل هذا وانا اخر من يعلم
مسكتها وقلت لها كل شي وان اختها شافت بعينها وهالزواج لاتحلم فيه عقاب لها وعلى قلة ادبها
جلست تصيح وتترجاني فتره طويله وتوقف موضوع الخطبه بس ماقدرت ارضى عليها
راحت كلمت زوجة ولدي الكبير الخبيثه تصورو حجم الالم الي حاسه فيه
زوجة ولدي ماصدقت الخبر تبي تعاند فيني خلت اخوها يوقف معها ووصلو الموضوع لابوها
على اساس انه صديق ولدي يعني عن طريق اخوها
هنا حسيت نفسي يديني تربطت مادري الاقيها من مين ولدي وزوجته وبنتي وابوهم
بدا الموضوع يمشي من جهة ابو عيالي بعد هذا يبي يعاندني ببنتي
صرت اكلمه وارسل رسايل واحاول اقنعه بأن هالزواج غلط وكم مره قلت له لاتصدق هذا الولد بنتك تعرفه وحب وغرام وطلعات المفروض تعاقبها
قال بنتي لاتتكلمين فيها وهذي تربيتك ولو كانت تحبه احسن لهم الزواج وهذا الرجل مناسب لنا حسبي الله عليه وعلى الظالمين كل ما اكلمه يمدح بالرجل عشان يغيضني اكثر
ضاقت فيني الدنيا رحت استشرت خواتي وصديقاتي الي اثق فيهم كلهم انصدمو فيها وحسو مافيها خير
ماشين بالمواضيع بدوني ماكأن عندي رأي الله ياخذ لي بحقي من الي عندي ومن الولد واهله
قررو يسون زواج بدون محد يحضر وجتني بنتي تقول ماقدر بدونك انتي وخواتي قلت لها لاتحلمين لو على موتي مااحضر وخواتك الي تبي تزعلني منهم تحضر
وهددت بناتي الصغار ان الي بتكلمها او تحضر لاتعتبرني امها ولا اعرفها
وهذا الي صار والحين بنتي مع زوجة ولدي الكبير صديقات وطلعات وهدايا
طبعا بنتي شايفه فضل زوجة اخوها
راح يجي يوم وتبكي فيه ندم على الي صار مافيه شي يستاهل تخسر امها وخواتها الصغار
صحيح عيالي عانو من ابوهم ومن الضغط بس عادي عايشين وكل البيوت فيها انا عانيت اكثر مشاكل وتفكك وحياة مو مستقره
من حقي افرح بعيالي ليش هالظلم ااتمنى لو زواج بنتي كان حلم وينتهي خايفه مابيها تحمل ونتورط اكثر
مازال عندي امل
تورطنا بزوجة ولدي وجابت عيال مابيدنا شي
وبنتي تعرف ان ابوها ضرني وظلمني يوم جت مصلحتها راحت عنده
لكن الكل راح ينقلب ضدها عاجلا ام اجلا والي سوته ظلم
وكافي نظرة خواتي وصديقاتي لها طاحت من عيونهم والمجتمع
ورغم هذا ماتراجعت
وكله من الخبيثه زوجة ولدي لو ماوقفت معها ماصار كل هذا بلتنا بلوه
مالها مصلحه بس تبي عناد فيني حسبي الله عليها
ابي نصايح ودعوات من الناس العاقله الي بيسب يطلع جزاكم الله كل خير
والله ينصرني عليهم
ودي الله يكتب والزواج هذا ينتهي بدون تدخل مني بأسرع وقت ويرتاح بالي اخاف تحمل ونتورط اكثر شايفه انها تستاهل احسن بصراحه لاني تورطت بزوجة ولدي حملت بعد زواجها على طول من اول شهر وماقدرت عليها وكان اول حفيد وشفتو الي صار بسببها

شو تنصحوها






   رد مع اقتباس

قديم 19-04-2022, 11:22 AM   رقم المشاركة : 2
معلومات العضو






غربه روحي غير متواجد حالياً

رد: خاب ظني فيهم

ردو عليها يمكن الأم محتاجتلكم
صاحبة الموضوع اللموقع مافيه تفاعل من الأعضاء يمكن قليلين هنا الأعضاء
أنصحك بمنتديات مسك الغلا هناك فيه تفاعل كثير






   رد مع اقتباس

إضافة رد

مواقع النشر (المفضلة)


جديد مواضيع قسم منتدى مشاكل المجتمع وحلولها العنف والاغتصاب والعنوسة والمراهقة
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:56 AM.


Powered by vBulletin® Version 3.8.8, Copyright ©2000 - 2022, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتدى النرجس لاتُعبر بالضرورة عن رأي منتدى النرجس ويتحمل صاحب المشاركه كامل المسؤوليه عن اي مخالفه او انتهاك لحقوق الغير